السلاااااااااااااااااااااااام عليكم يابنااات ...
أنا ودي أشكيلكن عن مأساتي مع اختي اللي ما تتسماااااش (أميرة _العطاء).. >>> يوم انه ما تتسماش وشوله تسمينه ههه
طبعا هالموضوووووووووع ما كتبته إلا يوم حسيت بِحِرّن بتسبدي>> لغير الناطقين بالمكسيكيه لوعة بكبدي أو بجبدي يابعد تسبدي
حسّيت بتسّه (بتكه) من الموضووووع اللي كتبته أختي اللي ما تتسماش عن النفاس واللي في بيتهم نفاس
وهذا رابط الموضوووووع للي ماقروووووووووه
http://www.hawahome.com/vb/t121507.html
طبعا أنا ما شَّب تسبدي >>>لغير الناطقين بالمكسيكيه (شب) تعني أشعل النار أو أضرمها >>> أبوووووووكم يالشرح
مثل ما قلت لكم ان اللي شب تسبدي رد الأخت الثانية اللي ما تتسمااااش (امبراطوره) >> قاهرتن بقوووه خخخخ
وهذا نصه الله مير يصلحه ويزوجه رجلن أجودي ..
تسألن جعله الصلاح وتقول انتن قمتن بخواتكن قبل ما تعرسن ؟؟؟؟؟
مادرت اني انا اكبر خواتي!! ما ادري هي تهيبل ولاّ تستدلخ عاد اختارن حداهن ..... واني قمت بأموره زاتها >>>مادري انقلبت اللهجة المكسيكيه مادري من وين طلعت (زاتها)...
يابنااات أنا يوم اني كنت بنت قبل ما أعرس كنت أقوم باخواني الصغيرين كل أبوهم وامهم
من يوم اني برابع ابتدائي ... ربيتهم تسنهم عيالي 6 أنفار الله يصلحهم ..
كنت أساعد امي الله يحفظه من كل شر يوم كنت برابع ابتدائي.. كانت بداية خبرتي مع الأطفال أني بس أمهد البزر وألعبه ..
بعدين تطورت شوي شوي وصرت أرضع .. وبعده صرت الله يعزكن أحفّظ يعني ألبسهم حفاظه ...
وأول بزرن لبسته حفاظة هي أختي الدووووووووووووبه أموره ..
عاد الله يصلحه كانت دوووبتن بالحيل ..
وتجي فيلسوفة زمانه امبراطوره وتسألن إذا قمت بخواتي ولا لا ؟؟؟
اقول الله من زين السؤال بس هههههه
يا أمبراطوره أنا كنت أرضع وحفّظ(يعني ألبّس أموره حفاظه )>> الله يقرفه خيستنا وأروحتبنا وكنت انووومها وألعبها ...
الموهم الشيء المأساوي اللي ما كنت أنساه في طفولة أمووووووووووره
مع العلم ان أمووره كان لسانه يطول إذانه >>لغير الناطقين بالمكسيكيه يعني( لسانها كان يصل لأُذنيها )
طبعا بالصياااح ....
الموهم أذكر أختي الدبدووبه كانت إذا قامت من النوووم الله يصلحه يوم كان عمره سنة ونص
لازم تصيح صياح وبكااااااااااااااء متوااصل لمدة ساعة إلى ساعة ونص لين ترررررروّق ..
وطبعا أنا كنت أرحمه لأن أمي ذيتس (هذيك) الأياام كانت حامل ومع الحمل الأعصاب عنده ياسلاااااااااااااااااام ..
فإذا عصبت ما عنده باللي قدامه فتجلد أموره جلد .. (طبعا لا يروح بالكم بعيد ترى أمي حنووون جدا مو عصبيه بس بسبب الحمل وعمايله)
الموهم كنت إذا صاحت أختي الدووبه كنت على طووول أزومّه أو أشيله >>لغير الناطقين بالمكسيكيه (أي أحملها) وأسكته وأدوور به بالبيت لين يستدير راسي وتمزّع اتستوفي (كتفيّ) من حمل الأثقال
لين تسكت يعني على كتفي من ساعة إلى ساعة ونص يعني أنا ونصيبي متى ما روقت نزلته عن تستفي اللي
انكسر من ثقل أمووره عاااد أنا ياحياتي يا ( أنا ) وأعوذ بالله من كلمة ( أنا ) كنت نحيفتن عصلا بالحيل تسني(كأني) مسواااك وأختي الدوووووبه أموووره ما شاء الله لا قوة إلا بالله كانت دوووووبه
ومثل ما قلت لِكِن كنت أدوووربه ساعة ونص لين ترروق الأخت وتسرح عنزه >>> لغير الناطقين بالمكسيكيه (تسرح عنزه) تعني لين تروق وتسفهل وتزين النفس علينا ...
وعاد أنا وش اللي حادن على الشقى أصلاً بس كنت فرحتن به انه أول أخت لي لأني كنت بين عياال ...
وجذاعين مير الله يصلحهم >>> شكلي باطلع عن الموضوع واتكلم معكم عن قرادة العيال هههه
عااد باقولكم عن مأساتي اللي مااانسيته ...
مثل ما قلت لكم أختي الدبدووبه كان لسانه يطول إذانه بالصيااح والدلع ...
مرّتن من المراري أخوي اللي اكبر من اموووووره طاح في بيت خالتي من الدرج وانكسر عندووه الفخذ
الموهم ودوووه اهلي اسعاف لمستشفى العسكري وطبعا رقدوووه وكان اخوي هكالسنة عمره 3 سنوات ..
فبطبيعة الحال أمي الله يحفظه ويحفظ أمهاتكم والمسلمين اجمعين ترافق معوه (أي مع أخوي) ..
طبعا أمووووره طاحت بحلقي .....
كان ذيتس( هذيك) الأيام كنت في أولى متوسط ,وكان عندنا امتحانات نهائية يعني بس كان باقي لي مادتين وخلص امتحاناتي
الموهم أمي بالمستشفى مع أخوي مرافقه ولاتقوى أمي تاخذ أمووره معه لأانووه ممنوع طبعا .....
فما فيه إلا أناااااااااااااااا!!! شوفن عاد حالتي كيف صاارت بين أمتحان وبزر مزعجة جدا جدا بالحيل راعية صياح ونياح الله
يصلحه كانت شوهى>> لغير الناطقين بالمكسيكيه شوهى تعني (قشرا وزعوول ) ...
وسهر بالليل مع هالبزره الدبووبه ... وكل شوي قايمتن من النوووم أنا ما ادري وش اللي ينبزه علينا كل شوي ...
المهم وشاء ربي وانتهت الإمتحاناات على خير ...
طبعا الوالد الله يحفظووه يوم خلصت الإمتحاناات أخذنا أنا وأختي الدبدووووبه وأخوي اللي أصغر من ..
لبيت خالتي ننام عندهم لين تطلع امي من المستشفى ...
طبعا أختي الدووووبه ما تبغى إلا أنا ولا تناام مع أحدن غيري ...
وكانت صياااااح 66 ساااعه ههههه
وخالتي تحاول تاخذه شوي وبناات خالتي بالمثل بس مثل ما قلتلكن قشرا ما تنقرب ...
وعاد مرتن من المراري الأخت الله يعزّكم احتاجت تغيير حفاظه واثره من زمان مسويه الموضووع ومنتهيه طبعا أنا ما
دريت به ولا حسيت .. والله ويووم جيت أغير له ألا الدنياا حريقه ههههه
وتقعد تصيح الوصخة ما تبغان أغير له بلاويه ... وأحاول يابنت بعطيتس حلاوه يابنت نروح بطط (يعني بالسياره)
مير ما فيه فايده ... جميع عروضي عليه فشلت ..
الموهم ونكتّفها أنا وبناات خالتي غصبن علّيَه هههههههههههههههه >>ما قلت لكم قشراااااااا خخخخخخ
ونغيّر له حفاظته ... بس هي تصيح القشرى ما تبي أحد
وحطينا له جميع الكريماات عشان تطفي الحريقه اللي هي مسويته في الحفاظه الله يعزكم ....
مير ولا فااااااااااااااااد به قعدت تصيح من هالنيران اللي ولعت في الحفاظة ...
آخر شيئ طقت براس خالتي( الفقس) آخر المحاولات لإخماد النيران اللي مولعه في حفاظة الدووبه
الموهم بنت خالتي قالت لخالتي لا أخاف يزودها زودد ويشبها أكثر قالت خالتي أبد ان شاء الله ما يعوره ..
وتجي خالتي وتجيب الفقس طبعا أنا كتّفت أموره عشان ما ترفس خالتي وهي تدهنه بالفقس >> ما قلت لكم قشرا
ومااااشاء الله يووم دهنته خالتي خمس دقايق إلا والنيران اللي كانت مشتعلتن بحفاظة أمووره قد خمدت هههههه
وعاااد أختي الدووبه الله يهديه كان عنده شرووووووووووووووط للنوم ..
اني لاجيت أنومه لازم أشيله وأدووور بَه وأغنّي لها أغنية تدوّووخه .. وبنفس الوقت تكون ماسكه الرضاعة بفمه>>> طراره وتتشرط بعد ..
وإذا خلصت الرضاعة لازم أكون مجهزة المصاصة عشان أسد أفمه (فمها) ...
واللي ما يدري وش المصااصة هذي صورة المصاصة
عشان ما تسوي لنا فلم رعب بالصياح والنيااح .....
عاد كنت أغني لها عند النووم
نام ياحبيبي ناام .. أمك عند الجاره... وابوك في الدكان
نام وبأولك(بقولك) حتوته .. ..حتوته حلوه وزينه
نام ياحبيبي ناام ...
وكنت أغني له ...
يا حليله حلوول
راكبن له ذلول
رايحن للمدينه يبي يزور الرسول ...
( طبعا هذي الأغنيه كانت تغنيها جدتي الله يخليها لنا ويطول بعمرها) ...
فشفتواااااا مأسااتي يابناااات مع أختي أمووووووووووره ...[/color]
[mark=CC6699]هاااه وش قلتي يا أمبراطووووره خدمت أختي ولا لاااااا ؟؟؟؟؟؟؟؟ههههههه[/mark]
أختي الدووودبه بحبها
لمّـــا تغرّز ....بدوفّها
وسلامتكن من كل ّ شررر
مواقع النشر