قصة و قصة-...............ادخلوا بسرعة-

[الساجدة لله وحده]

هلا والله ...... كيفكم؟

شو فوا يا بنات هدي القصة منقولة و انا مش مسؤولة على ي حجاة انا اعلمكم اهو من الاول

هذي الخرابيط اللي راح تقرونها تحت كتبتها أول مرة قبل تقريبا نصف سنة في دفتر من دفاتري!!

كنت فاضية وما عندي شي فقلت خليني أكتب قصة مالها داعي!! .. وفعلا كتبت شوي وتركتها وكنت كل ما بين فترة وفترة أكتب شوي إلى أن انتهيت منها... وقلت مادامني كتبتها وتعبت فيها خليني أحطها في المنتدى !

وقعدت ثلاث أيام وأنا أكتبها في مايكروسوفت وورد وأنقلها من دفتري!!! << تكسرت إيديها


والحين أترككم مع قصتي التعييسة
تحذير : هذي القصة أسخف قصة انكتبت في الكووووووووون

<<< لكن هذا لا يعني انكم ما تقروها

يللا نبدأ....

خلّوا معاكم فشار عشان تحشون فمكم اذا طفشتوا

بقول لكم سالفتي يوم كنت هناك...

سالفتي يا طويليين العمر والسلامة لا تمت للواقع بأية صلة ,,,,,,, سامعين ؟؟ لا تمت للواقع بأية صلة << وناسة أعرف أتكلّم
يعني كلها خرابيش من عقلي الله يخليه لي ,,,,,,,,,

في يوم من أيام حياتي طلعت من البيت <<< ذكرتيني بسالفة بنت جارتنا يوم طلعت من بيتها وهي ماشية شافت غوريلا قدامها فقامت تصارخ وتصايح لين تقطعت حبالها الصوتية وتعقدت وصارت حبال وهمية !!<<< على طاري وهمية أذكر مرة كنت في المدرسة وفي الفسحة <<<< على سالفة الفسحة مرة صديقتي شرت من المقصف كاراسون مدري كيريسين مدري كوروسون اووف !! مدري وش يسمونه لكنه شي يوكل وشكله متلفلف على بعض!! المهم شرت هذاك الشي ويوم أكلت لقمة !! تتوقعون وش صاااااااااار ؟؟!
أكلت لقمة ثاانية ها ها ها <<< على طاري ها ها ها<<< أقول شكلي خبصت عقولكم فوق تحت <<< على طاري فوق تحت .......ههههه لا امزح

نرجع لقصتنا الأساسية ..وين وصلت؟ ايه صح
في يوم من أيام حياتي طلعت من البيت <<< ذكرتيني بسالفة البنت ... هههههه
(شكلكم ودكم تكفخووني )ههههههههههه,,, بس أمزح معكم ,, اوف انتو ليش مذا ما تستحملون المزيحات الصغيرة !!



نرجع لقصتي المنتظرة,,,,,,

في يوم من أيام حياتي طلعت من البيت وتوجهت للبقالة عشان كنت بشتري حلويات وشيبسات وشوكولاتاتتات والرياضية وباقي الخرابيط ,, المهم دخلت البقالة وأخذت كل خرابيطي ورحت عند راعي المحل المسيكين عشان أدفع له ,, ويوم وصلت عنده وحسب قيمة المشتريات قال لي هاتي 50 ريال ,, عاد أنا ما كان عندي إلا 25 ريال فقلت له ليش كذا؟؟مايصير يا رجال !! رمضان كريم(ملاحظة..رمضان كان منتهي له 3 شهور)
لازم تسوي تخفيض,, قال لي.. ايس كلام؟؟! ما في تخفيض في بقالة بعدين أرباب ودي أنا بلاد .. قلت له صلي على النبي ... قال صلى الله عليه وسلم قلت له ...
تخيل نفسك يوم كنت صغير وعمرك 9 سنوات تقريبا ,,, وكنت دائما تحلم انك تكبر وتتزوج وتخلّّّّف درزن اولاد ودرزن بنات ,, بعدين كبرت وصار عمرك 10 سنوات وفي يوم من الأيام قابلت بنت جيرانكم في الهند وحبيتها من أول نظرة وعقدت العزم انك تتزوجها !!!

وصرت كل ما تشوفها تصلّح خشتك << من زين خشتك أصلاً!!>> وتعدّل شعرك وتكب عليه قارورة زيت عشان يبرق قدامها ,, وهي إذا شافتك قامت تتدلّع وتلعب بجدايلها اللي تقطّر زيت..!!

ومشت الأيام وانتم على هذي الحالة وصار عمرك 13 سنة وانت الحين تطووورت وصرت تعطيها هدايا ... أما ايش هدايا !؟؟ مرة تعطيها فلفل حاااار يلسع ومرة تعطيها علبة زيت<<هذي أحلى هدية >> ومرة تعطيها رساالة فاااضية<<معليش ما عنده قلم >>

ومرررت سنيين وصار عمرك 15 سنة وصرت مجنون بمارموشيكا << هذا اسم حبيبته بنت الجيران>>

ورحت انت عند أبوك وانت مستحي وجلست قدامه وقلت له .. أبي أتزوج مارموشيكا ... وطالع أبوك فيك بكل حنان ورقة مع ابتسامة عذبة ...... وفجأة !!!!!! لقيت نفسك ملتصق بالجدار وعلى خدك آثار خمس أصابع حمرررررة سرعان ما تحولت إلى اللون الأزرق في الشمال مع اخضرار بسيط في الأصابع الشمالية الشرقية وهناك احتمالات بهطول الأمطار في الجنوب وبعض الثلوج في الغرب .. ننتقل الآن للأخبار الرياضية <<هييييييه وين رحتي؟؟>>

المهم انك فهمت من ردة فعل أبوك انه ما وافق على طلبك إلا إذا كان هذي طريقة آباءكم بالموافقة !! لكن انا ما اعتقد,,,,,,

ومرت السنييين مررة ثااااااانية <<يا كثر ما تمر السنين >>> وصار عمرك 35 سنة !! وانت يا حرام للحين ما تزوجت مارمووشيكا .. تشجعت انت ورحت عند ابوك مرة ثانية وقلت له انك تبي تتزوج مارموشيكا وانت ذي المرة قاعد على أطراف أصابعك ومستعد للهروووووووب في حال انه ما وافق ,, لكنه ذي المرة وااافق والحمد لله ,, وانت على طول بنفس اللحظة أخذت أمك ودفّيتها لبيت الجيران عشان تخطب لك مارموشيكا,,,






وبالفعل تزوجتها في اليوم الثاني !! وجبتوا ولد في اليوم الثاالث !<<< بلا كذب >>>

وبعد كم سنة صار عندكم ثلاث ورعان مهابيل ,, وانت ودك ببنت وفعلا جبتوا بنت وسميتوها خارفوشيكا ! وكبرت خارفووشيكاا وفي يوم من الأيام راحت خارفوشيكا لبقالة واشترت أغراض وطلعت قيمة الأغراض 50 روبية وهي عندها بس 25 روبية ,, مو ودك راعي البقالة يخفض لها ؟؟
قعد المسكين متنّح وعيونه طالعة وأنا أقول في قلبي أكيد متأثّر بالقصة ,, فسألته مرة ثانية .. ما ودّك راعي البقالة يخفّض لها؟؟ قام رد علي وقال :" اييس كلام ؟!!! انت قرقر كتيير من أوّل انت اييس كلام ؟؟! "
أثر انه الأخ مب فاهم شي من القصة وأنا ياحليلي كنت قاعدة أهذري مع نفسي عشرطعشر ساعةونص ودقيقتين !! ولا على قد تأليفي للقصة حسبي الله عليه ,,,,



عاد أنا ارتفع ضغطي وكان ودي أعطيه كف مثل كف أبوه وألصقه بالجدار اسبووع ...

... قمت رميت الأغراض وطلعت من البقالة وانا اقول : إن عدنا فنحن ظالمون ,,,, وأنا طالعة شفت زوجته (زوجة راعي البقالة) وقلت لها ترى زوجك عنده حبيبة اسمها مارموشييكا ,,, صارت زوجته تغللللي ودخلت عليه في البقالة وبعد لحظات صارت البقالة من خبر كان ومعاها الهندي ههههههه يستاهل,,,,,,,

وبعدين يا طويلين العمر والسلامة يا حلوووين يا قشطة يا عسل يا قماري <<جمع قمر!! >> يا بطاطس وكوسة و2 كوب دقيق و نص ملعقة صغيرة BP (بيكنج بودر) و5 بيضات وبصلتين وطماطمتين منفوختين إلى حد الانفجار ,,,,, تخلط جميع المقادير في كيس من الأكياس اللي ناخذها من البقالات وتطلّع صوت خشش خششش !!<< أكيد عرفتووها <>>
يوضع الكيس في الفرن لمدة عشر دقائق ,, بعد 10 دقائق ستسمعون صوت انفجار في الفرن وهكذا تكون طبختنا قد نجحت ,,, فنتمنى لكم انفجاااراً شهيّاً..!!

ايه وبعدين يا طويلين العمر طلعت من البقالة المشؤوومة وقعدت أمشي بالشارع وأتأمل الطبيعة الخلاااابة ,, تلاقون مناديل مرمية هنا وعلبة بيبسي مفعوصة ومبعوجة ومصدية وصاير كأنها ورقة من نحفها ! ! وكل من رايح وجاي يدعس عليها ,, مسكينة حزنتني ذي العلبة ,, محد يحس فيها ,, محد يحس في الذل اللي هي عايشة فيه!

كل من رايح وجاي يعطيها دعسة عالماشي وهي تتألم وتتعذب ولا أحد سأل عنها ,, فقرّبت من العلبة وطالعت فيها بكل حزن والدمووع على خدي وأنا أصارع الدموع والدموع تصارعني !!! ما قدرت أحبس دمعاتي من منظر علبة البيبسي ,,, فقرّبت أكثر من العلبة وقلت لنفسي لازم أواسيها !! وأكلّمها ,, فقرّبت أكثر وأكثر وأكثر وأكثر و.............................



أعطيتها ذيك الدععععسة المحترمة , وأنا أقول لها ,, انقلعي بس !! منتي أحسن من باقي العلب ,, والله عاد !! دلع علب آخر الزمن ,, ومشيت وتركت العلبة المفعوصة وراي وكمّلت طريقي,, وأنا ماشية مريت جنب زبالة وسمعت صوت يطلع منها وخفت !! لكني تشجعت وقرّبت منها ,, وأنا قاعدة أمشي نحو الزبالة قلت في قلبي يمكن يكون حرامي متخبي فيها ويمكن إذا شافني يخطفني ويسرق فلوسي << من كثر فلوسك كلها 25 ريال >>
ويمكن يقتلني !! قرّبت أكثر من الزبالة وانا ارتجف وأصبصب عرق ويوم وصلت عند الزبالة !!!!!!!
لقيت ورع صغير قاعد يحفففففر في هالزبالة يدوّر على أشياء تنفعه من ذي الزبالة ,, مسكين حزّّني << ذي المرة حزنت من جد! !>> فقلت له : يا بابا وش قاعد تحوس في الزبالة ؟ وهو معطيني ظهره ولا رد علي ,, قلت له مرة ثانية بصوت أعلى : هيييييييه انت وش قاعد تسوّي؟ فجأة!! لف وجهه علي وما طلع ورع !!

طلع قرد صغير !! معليش اعذروني ما كنت لابسة النظارة.. قعدت أضحك على خيبتي وقلت للقرد : معليش, العذر والسموحة ما كنت أدرب إن حضرتك قرررد ,, كمّل حفرررك الله يوفقك واتمنى انك تلاقي ما تصبوا إليه من ذي الزبالة !! مع السلامة .. والقرد يطالع فيني وكأنه يقول وش تبي ذي بالضبط؟!!



فااااااصل اعلاني لا تغيرون المحطة <<< اللي يبي يروح يشرب ياكل يروح الحمام بسرررعة

هل تنزعج من بكاء اخوانك؟؟ هل تريد أن تسكتهم للأبد؟؟ هل تريدهم مبتسمين دائما؟؟ هل طفشت من نوااحهم؟؟<<هاتي الزبدة

اشتري لهم bugs bunny السحري الذي سوف يخرسهم للأبد !! لا تسألوني كيف فقط اتصلوا على أرقامنا 0987654312456 فلوسكم هي هدفنا اتصل بنا الآن


عدنا !!

وزي كل مرة كملت طريقي ورجعت للشارع مرة ثانية ورجعت أتأمل الطبيعة الساحرة <<امحق>>

قطط <<جمع قط بمعنى هرة أو بسة أو قطوة أو CAT >>> القطط في كل مكان !! تزيّن الشارع بقرفها ,, كل قطوة ماخذة راحتها ومتمددة عالشوارع تحكحك ظهورها ومجمّعة ورعانها حواليها وقاعدة تهاوش أبوهم وتقول له : روح الله ياخذك جيب الأكل من زبالة الأحلام اللي فتحت جنبنا يقولون اسعارها حلوة ,, ,انا اقول في قلبي هذا إذا بقّى لكم القرد شي هههه ! ومشى الأب وهو يعرج ومتكسّر وحالته حالة ومطفّر ,, فرحت بجنبه وقلت له لا تزعل يا خوي كلنا كذا حالنا بذي الدنيا أنا كل اللي معاي 25 ريال !!

وكمّلت طريقي ولقيت السوق قدامي ,, قلت : يللا خليني أدخله وش وراي؟ << وراك القطو>>
دخلت السوق وقعدت أمشي وأمشي والا أشوف ذوك الشباب اللي لابسين برمودا !! يعني من زين عصاقيلكم اللي طالعة ,, وحاطين علبة جل في شعوركم لين صارت شعوركم دبابيس القنفذ !! وناشفة اذا لمستها انكسرت !!
تركت المهابيل وطالعت الجهة الثانية وأشوف لكم بنت لابسة عباية مخصصصصصصصصرة شوي وتتشقق من ضيقها ,, لا والله مب عباية هذا فستان عرس مزرررررركش وحاطة كيلوو شدوو !! ونص كيلو كحل وجرامين روج وخمس ملاعق كبيرة أحمر خدود فاااقع !!!!!!!!!!!!
وحاطة شنطة مفعوصة تحت إيدها وتمشي وهي تتدلع ووراها جييييييييش شباب كل واحد حايس يبي يرمي لها رقمه وحاط احتياط عشرين ورقة لو ما دخلت في كيسها او شنطتها !!

لااااااااا والمصيبة إنو البنت مسوية نفسها متضااايقة منهم تفشووووني(طفشوني) ما خلّوني آخذ راحتي يا ربييييي أوف منهم !!
والله حبيبتي محد غصبك تلبسين ذا الفستان وتحطي ذا المكياج وتجين السوق !! << معصبة >> والله حااالة صار الواحد ما يقدر يفرّق هذي البنت رايحة لعرس والا لسوق !!

المهم,,,,, ما علي منهم ,,,, كمّلت طريقي في السوق ودخلت محل ملابس بشتري لي كم بلووزة ... وشفت بلايز تجنن ما قدرت أقاوم ,,, أخذتها كلّها ورحت بحاسب طلع المبلغ 279.76 << خوش سعر !>> فتحت شنطتي بكل ثقة عشان أطلّع الفلوس !!!!! واتذكرت إنو ما عندي غير 25 ريال بسسسس....
قلت له بكل عبط .. ما ينفع 25 ريال ؟؟! قال لي : لا آسف ما بينفع !! حاولت معاه ما فيه فايدة ,,,, فكّرت أقول له نفس القصة اللي قلتها لراعي البقالة!! لكن خفت انه ما يفهم بعد!,, قلت له : أجل لحظة تذكرت بروح أسحب فلوس من الصراف وأرجع لك << تراني قاعدة أخررط عليه عشان ما أتفشل !!
لكنه قال لي : ليش تتعبي حالك أعطيني البطاقة عندنا هون جهاز !!<<وررررطة>> قلت له : هاه! ! لا الصراف أحسن ما راح أتأخر دقيقتين وانا عندك << هذا وجهي إن شفتني مرة ثانية >>



وطلعت من المحل وقعدت أمشي بالسوق وبعد شوي ترررررن << احلفي ؟>> دقت صديقتي سوسو على جوالي..

أنا: أهليييين سوسو تعالي السوق !!!
سوسو: بسم الله علي ,, خلّيني أسلّم طيب !!
أنا: يا بنت الحلال بلاش من الروتين
سوسو: أي روتين وأي بروتين ... المهم لا ما أقدر أجي السوق
أنا: ليييييييييييه ؟؟! أجل خلاص أنا مخاااصمااكي مع السلامة !
سوسو: هيييييييييه انتي تستهبلي والا تستعبطي ؟
أنا: لا بس أستعبط ما أستهبل !
سوسو: يا دمّك !
أنا: وش فيه دمي ؟؟
سوسو: يووووووووووه تجيك حالات غباااء!!
أنا: طيب اخلصي ليش اتصلتي ؟؟
سوسو: والله مدري!
أنا: بالله ؟ احلفي .. أجل مع السلامة
سوسو : أوف منك مع السـ ... توت توت توت << قفلت بوجهها

رجّعت الجوال بشنطتي وكمّلت طريقي بالسوق << يا ناس مب عارفة كيف أحط نهاية لهالقصة التعييسة !!>>
كمّلت طريقي ولفييت ولفييت بهالسوق وطفشت منه ما فيه شي<< لا والله فيه شي لكن انتي اللي ما عندك قروش
طلعت من السوق ....
وياللي زعلت ازعل ولاني مراضيك.. واشرب كدر ماي البحر كانه أرضاك .. لا تحسب إني عقب صدك بداريك .. بعز نفسي عنك مدراك مدراك .. أربع سنين وانا متحمل تغليك .. راضي بتعذيبك لاجل قلب أغلاك احم احم

<< واسمعوا التصفييييييق والصفيييير والجماهير تجمّعت حواليني وانا مدري وش السالفة بالضبط وحطولي كرسي وطاولة وميكروفون وقالوا لي اطربينا بشعرك !! قلت لهم ابشروا وش وراي ؟

وقعدت عالكرسي وصلّحت الميكروفون احم احم ألوووو تسمعوني ؟ ,,, الجماهير : اييييه نسمعك ,, الحمد لله,,
قعدت أفكّر وش أقول لهم .. ما طلع في راسي شي ,,, قلت لهم .......

آ آ آ آ آ آ ه ويا آ آ آ آ آ آ آ آ آ آ آه ,,,,,,,,,,,,,,,,,,,,,,,,,,,,,,,,,,,,,,,, من الآآآآآآآآآآه اللي تآآه آآآآآه

ردوا الجماهير : آآآآآآآآآآآآآآآآآآآآآآه

أنا : وسلامتكم ... واللي يبي توقيعي انا ما عندي أي ماانع

وشوي مالقيت إلا كل الجماهير تجري نحوي وأنا أقول في قلبي ما شاء الله علي لذي الدرجة أعجبتهم ؟؟!

ويوم وصلوا عندي أشوف لكم واحد ماسك صندله والثاني معاه كرسي والثالث طلّع بقرة من جيبه وأنا قلت أفاااا وش فيهم انقلبوا علي !؟
ولحظات وأنا ماسكة جزمتي بإيدي وأفقعععععع طيراااااااان !! والحمد لله وصلت لمنطقة آمنة<<أما عاد !



وأنا قاعدة أمشي كالعادة قلت لنفسي خليني ألقى نهاية لهالقصة التعيسة ,, يعني مو معقول لي تقريباً أربع شهور مب عارفة كيف أحط لها نهاية !!!

وش رايكم ننهيها بنهاية فلم هندي ؟!
يعني مثلا زي كذا:

وأنا قاعدة أمشي كالعادة لقيت ولد صغير يمشي لحاله ,,, رحت عنده وقلت له لو سمحت ليش تمشي لحالك يا ولد؟ طالع علي وقال: أنا ما أعرف وين أهلي !!!!!!!

حراام حزنني < يا كثر ما تحزني انتي !!>
أخذته على جنب وشريت له حلاوة مصاص <<يعني صار عندك 24,5 ريال >>
وقلت له : طيب ما تعرف أحد ؟ يعني وش صار عليييك ؟؟؟ باختصار وش قصتك؟
قال لي: أنا لي فترة طويلة ضايع عن أهلي ما أعرف وينهم لكني أتذكر أمي كان شعرها طويل لونه أسود وعندها عيون وخشم وأذن لا لا أذنين ثنتين وفم واحد فيه شفتين وحدة فوق والثاانية .. وين يا ربي ويين ؟ اييه الثانية تحت !!
قلت له : أماا عاد ,, قِل قسم !!عندها عيون وخشم وفم شفة فوق وتحت ,,,,,, خلاص عرفتها تصدق ؟ وش فيك انت ؟؟ كل الدنيا عندها خشووووم وآآذان وشعر !!

قال لي: طيب خليني أكمّل ...( قعد الولد الصغير يحكّي قصته الكئيبة ويحاول يعطيني معلومات)

وفجأأأأأة !!!!!!!!!!!!

حدث مالم يكن في الحسبااااااااان << حلوة ما لم يكن في الحسبان >>
اكتشفت إنو الولد هذا هو ............





أبوووووووووووووووووووووي .. أبوي الغالي وينك من زمان وين رحت ليش تركتنا وأنا أبكي وهو يبكي واااااااااء


وقمنا نرقص ونغني من الفرحة << أجل كيف بيصير نهاية فيلم هندي بدون رقص ؟!!>
وقعدنا نرقص ونرقص ما طوّلنا بس يومين !! بس

ومرة ثانية فجأة !!! قلت له لحظة يالحبيب اذا انت أبووي ؟ أجل اللي عندنا في البيت وش يكون ؟؟

أقوول شكلك غلطان بالرقم روح مع السلامة!!

<< يا ربييييي وش ذي البلشة ؟؟ مو قلنا نبي نحط نهاية هندية ولا نفعت!!

<< بصرااااحة أنا طفشت وراح أحط نهاية حااااسمة ما فيها دلع شوفوا النهاية ... احم

بعد ما تركت الولد يروح ...
رجعت للبيت..

ونمت ,,, وفي اليوم الثاني ..



توفيييت ‍‍!! < الله يرحمني

<< تبي تحط نهاية بأي طرييقة





النهااية THE END


هيييييييييييييييييييييه ونااااسة انتهت القصة !!








وش رايكم في خيالي الغريب |<< غريب من جد !!


أوووف والله تعبت على هالموضوع اللي مدري وش يبي !!

الله يخليك حجووزة دقي على موضوعي مسمار << قصدها ثبتييه


وانتو يا اعضاء يا حبايبي اقرووووه كاملاً لا تنطون عالنهاية !!!! ترى أعرف حركاتكم,,, قدروا التعب اللي تعبته على هالموضوع

يللا أبي أسمع تشجيع لي



بالله وش رايكم في الموضوع ؟؟؟ اتركوا المضمون شوفوا الشكل !!! اتكسرت ايديني وانا أحط نسخ لصق نسخ لصق !!

لا أوصيكم بالردود !! ترى بعدين ما أكتب مواضيع زي كذا<< أصرف ....... وقولوا لي وش أكثر شي عجبكم
منقوووووووووووووووووووووووووووووول

[قمر وخالد للا بد]

هلا سمسم الموضوع حلو بصراحة احلى حاجة عجبتنى الكف اللى اخدة صحبنا
على فكرة لسة مكملتهاش
لية عودة

[نوووش]

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخ

سمسمة حلوووووووة و الله
هههههههههه

بس مو النهاية بس اللي اللي هندية

القصة كلها و الله

خخخخخخخخخخخخخخخخخخخخخخخخخخخ

يسلمو عالنقل الحلو

[مهندسة]

ههههههه
حلوة بس ليا عودة اصل السيناريو طوييييييييييييييييل و




































































































































































نمت
ليا عوده
بس هو هندي ولا مصري قديم ولا اجنبى مستحيل
اعتقد انه حينتج فلم مشترك
متحرمينا من خيالك المرح الحلو