كلنا نحب نضيف احسن ضيافة بس بعض احيان ممكن يجيك احد فجئة ممكن اخت زوجك جارتك
او اختك ممكن يكونو مايبغوك تتكلفي ايش تسوي
كم مره يجيني اتصال من ماما او جارتي او اي احد يقول الو انت في البيت اقول ايوة يقولولي طيب نص ساعة ونجي نشرب القهوة عندك
اكون ورط مااقدر اقول خارجة ولا شي اقول استناكم اهلين
اروح جري عاثلاجة ممكن مايكون عندي عصير يلهوي ايش اسوي
يااما اعمل توت او تانج او عصير ليمون او حتى عصير برتقال او ممكن يكون عندي في الفريزر فراولة مجمدة احطها في الخلاط واحط عليها شوية حليب من الثلاجة وشوية سكر ويطلع لك احسن عصير
خلصنا من العصير احط القهوة على طول عالنار واقعد اقول وي قهوة عالناشف مااحب اضيف كدا
اشوف الدولاب لو في عندي بسكوت وقشطة ودريم ويب وكريم كراميل
على طول اجيب صينية صغيره واغمس البسكوت في الحليب واعمل طبقتين اوك
وبعدين اخلط في زبدية ملعقتين قشطة وملعقتين دريم ويب وملعقتين كريم كراميل وبعدين احطها فوق البسكوت وانثر فوقها شكولاتة بودرة وعلى طول عاثلاجة
كل العملية هادي ماتاخد منك ربع ساعة
وجري عالغرفة اغير ملابسي وارجع اعيد على مكياجي الناعم ورشة عطر وياسلام
لمن استقبل واباشر يقولولي ماشالله كأنك مستنية احد يجيك
ممكن بعد ماتقدمي العصير تحطي في الخلاط 6ملاعق حليب بودرة و6ملاعق دقيق وبيضتين ونص كاس زيت وكاسة موية وملعقة صغيرة بيكم بودر تخلطيهم كلهم في خلاط العصير اوك
تسيبية
طيب ارجعي لضيوفك ولمن ترجعي للمطبخ تاني ارجعي اخلطية
وحطية في صينية ورشي علية جبنة تشدر وفلفل رومي مقطع صغار
ودخلية الفرن
وبكدا يكو عندك كمان شي تقدمية مع الشاي
هدفي من الموضوع اني اعطيكم اشياء خفيفة ومفيدة ولو اتفاعلتو معايا بعطيكم كم حاجة ممكن تعملوها بسرعة وتنفع في الزنقات
رد مع اقتباس
مواقع النشر