بريانى السمك وطاجن الجمبرى بالماشروم و شوربة جمبرى
[align=center]بسم الله الرحمن الرحيم
الاطباق دى فعلا تستحق التجربة عجبت كل اللى اكل
اعذرونى لان التصوير والتزين مش حلو بصراحة كنا مستعجلين على الغدا.............
اولا بريانى السمك بطريقة منال العالم
ثانيا طاجن الجمبرى بجد روووووووعة قليلة بحقه
وده طاجن تركى اخدت الطريقة من منتدى اخر ونفذتها
الطريقة
1ونص كيلو جمبرى مقشر - 3 ثوم مهروس - 2 طماطم مكعبات - 1 كوب ماشروم - زيت زيتون - جبن موزريلا او مبشورة - فلفل اخضر مكعبات - فلفل اسود وملح وزعتر - وانا اضفت من عندى بصل اخضر مقطع صغير
نسخن الزيت ونحط الثوم ونقلبه شوية ونحط الفلفل والبصل ونقلب وبعدين الماشروم ونسيبهم شوية لحد ما يبقى لونه ذهبى ونضيف مكعبات الطماطم والجمبرى والملح والفلفل والزعتر
يرفع من على النار ونحطه فى برام ونضيف الجبنه على الوجه وندخله الفرن.
ثالثا شوربة الجمبرى
انا اخدت قشر الجمبرى اللى عملت بيه الطاجن واستخدمته فى الشوربة
حطيت فى الحلة زبدة وبصل وثوم وكرفس وجزرة وطماطم وقلبتهم شوية وبعدين حطيت قشر الجمبرى وملح وفلفل وشطة لازم تكون حامية وتقلبى وبعدين تضيفى الماية وتخليها تغلى.
ممكن تضيفى قطع فيليه او كام واحدة من الجمبرى بعد ما تصفى الشوربة وممكن تخلى الشوربة تقيلة بالدقيق وطبعا لازم عصير الليمون.
اتمنى ان تعجبكم الاطباق وما تنسونيش بالدعاء[/align]
رد مع اقتباس
مواقع النشر