بسم الله الرحمن الرحيم
السلام عليكم ورحمة الله وبركاته
اخباركم يا بنات ان شاء الله تكونون بخير وبا اتم الصحه والعافيه
اليوم غدانا مندي با الفرن سهل وما يبيله شيل وحط
والطعم امممممممم على ضمانتي ’’
بسم الله نبداء ,,
المقادير + الطريقه
بداية نغسل دجاج وبعد ما ننضفه وننقعه في ملح وخل مدة 20 دقيقه عشان الزفره
نحط عليه البهارات (( كركم + كمون + فلفل اسود + بزار مشكل + ملح + مسمار مطحون (( قرنفل ))
ومصفر طعام ))
ونص كاس زيت + فنجال عصير ليمون نخلطها ونبهر فيها الدجاج ونتركها على جنب ,,
ناخذ ماء مغلي ونقدر حاجة الرز منه ونزيد عليه (( كمون حب + قرفه + هيل + مسمار +
ليمون اسود + وماجي انا ما احبه حطيت ملح وتأكدت من الطعم))
انا حطيت مع الرز المنقوع هيل حب فا ما حطيت منه هنا
وحطيت مع الدجاج مسمار مطحون فما حطيت مع الماء ,, صار عندنا مرق
ناخذ الرز بعد ما غسلناه و نقعناه ونحطه في صينية الفرن ونزيد عليه زيت
حسب الحاجه بس ما نكثر واذا انتي متأكده من مقدارتس حطيه مع المرق
ونحرك الرز با الزيت
نقطع (( فلفل بارد + طماط + بصل + والفلفل الحر )) ونحطها على الرز ونزيد المرق ’’
نغطيه بطبقتين من القصدير ونخرمها با اعواد الشيش طاوووق
ونحط الدجاج المبهر عليها
ونغطيها بقصدير وندخلها الفرن اللي مولعينه من قبل على 400 ونتركها تقريبا ساعه
بعد الساعه نكشف القصدير اللي على الدجاج ونحمر الدجاج من فوووق
وهذا شكله
وهذا شكل الرز بعد ما كشفنا عنه القصدير
الريحه وااااااااو تاخذ العقل طبعا اذا حبيتوا تقدرون تحطن فنجال زيت وجمره عشان
يتدخن الرز انا كنت مستعجله وما سويتها ,,
وعليكم با العافيه قدمته مع سلطة فتوش وصوص الطماط الحار ومخلل ام نونا وكانت وليمه معتبره
بس من العجله ما صورت السفره كلها
اتمنى انه يعجبكم ,,
رد مع اقتباس
معطف امان في ليالي العمر الباردة
مواقع النشر