[align=center]السلام عليكم
عيش برياني باللحم الناشف(من ابتكاري الطريقه)
اولا اللحم ناشف طبعا احطه فالقدر مع البهارات وازيده ماي واخليه عالنار لين ينضى اللحم او يستوي
...فطبعا بتكون ناشفه..طريقه سهله مايحتاي اشرحها...
ثانيا العيش: اسوي العيش ابيض عادي فالماي وبعد ماينشف الماي احط للعيش الصبغه اللي انا احبها وطبعا فيه الوان منوعه حطوا كل جهه لون , ويوم تغرفون قلبوا العيش بشكل خفيف عشان ما يطلع كله لون واحد لان لو خلطتوه وايد بيغدي لون واحد...بشكل خفيف قلبتين بس
الحين وصلنا حق (ابتكاري):
احط مقلى فيه بصل مقطع وجزر صغار طولي ودنجو وزبيب(عنب يابس) واذا حبيتوا اتحطون له بعد قرفه موب مطحونه وهيل بعد تطلع ريحته تخبل و كله مع بعض فالمقلاة واضيف له البهارات والملح لين مايستوي واخلي النار خمس دقايق وانزله عن النار...
بعدين اييب العيش اللي محطوط في صحن التقديم واحط فوقه الحشوه اللي سويناها واخلطه ويا العيش بشكل خفيف دون مااهرس العيش ...وتطلع النتيجه
وصوره اقرب عشان اشهييكم خخخ
[/align]
[align=center]والسموحه عالقصووور[/align]
مواقع النشر