بسم الله الرحمن
اليوم كان عندي مجلس امهات ويادوب رجعت على الظهر وانا تعبانه صلحت اسكندر دجاج
وشوربه كويكر باللحم وشعيريه كان ودي ان صلحت سنبوسه لكن ماقدرت ان شاء الله يعجبكم
هذا الي قدرت اصلحه على الفطور الله يتقبل صيامنا
شوربة الكويكر
طريقته سهله ومعروفه تكشني البصل وبعد مايذبل اضيفي صلصه ثم اللحم المقطع وحركيه ثم اضيفي طماطم معصور واتركيها خمس دقايق ثم اضيفي ماء مغلي كميه متناسبه مع كمية اللحم وكمون وملح وفلفل اسود وليمون اسود انا نسيت ماحطيت
وخليه الى ان يستوي
ثم ضعي الكويكر بعد ماتفتيه في يدك وخليه الى ان يتسبك وقدميها مع شرائح الليمون
الشعيريه
ضعي في القدر زيت مقدار ربع فنجان القهوه ثم كسري الشعيريه وقلبيها الى ان تحمر
ثم اضيفي السكر 2 فنجان قهوه وحركيه ثم اضيفي الماء ولكن لاتكثري ماء لان بعض الانواع ماتحتاج مويه كثير وراح تنعجن وقت الطبخ وتصير ملبده وخليها على نار هادئه الى ان تستوي
اسكندر الدجاج
ضعي بصل في طاوه واضيفي زيت ثم حركيه الى ان يذبل ثم اضيفي عليه الدجاج ويكون مقطع بدون جلد وعظم وخليها الى ان تبيض واضيفي صلصه 2 م ك وحركيها واضيفي طماطم معصوره
واضيفي ماء مايعادل كوبين ماء واتركيه حتى يتسبك قليل
اسلقي الارز وملحيه واتركيه جانيا
جهزي الخبز التركي الي مدور وفيه حفر يشبه الخبز الايراني لكن اصغر قطعيه مربعات صغيره
ثم رصيه في الصينيه نصها وشربيه بمرقة الدجاج كلها واتركي الدجاج في الصينيه وحركيه على نار عاليه جدا واضيفي م ك مايونيز وحركيه بسرعه ثم اضيفيه على الخبز وضعي في الجانب الاخر الارز واتركي مكان صغير للزبادي قصدريه وضعيه في الفرن لمدة نص ساعه ثم افتحي القصدير
وضعي الزبادي وزينيه بخس وبطاطس مقلي لضيق الوقت مامداني ازينه لكن طعمه روووووووووعه
كنت مستعجله في وضع الاطباق وبعضها نسيت لم اضعها
اتمنى يعجبكم
مواقع النشر