السلام عليكم ورحمة الله وبركاته
كيفكم خواتي
عساكم بخير ان شاء الله
حبيت تشوفون دجاجتي المحمره بالفرن سهله وما تاخذ منك جهد ولا حوسه وتطلع لذيييييييذه مررره
وهي طريقه للاخت رشة عطر جزاها ربي كل خير على ما تقدمه لخدمة خواتها
اولا تجيبين دجاجه وتنظفينها زين وتحطين عليها بهاراتك المعتمده انا حطيت فلفل اسود + بابريكا + كمون + ورشه ثوم بودره + ملح + صفار الزعفران او صبغة الاكل وترشينها على الدجاجه من داخل وخارج وتحطينها بكيس لوك وتفتحين بزاوية الكيس فتحه صغيره قدر اصبع
ندخلها الفرن مدة ساعه تقريبا او على حسب فرنك راح تلاحظين ان الدجاجه بقى فيها شوية مرق مع زيت افتحي الكيس وصبي المرق مع الزيت على الدجاجه وحطيه تحت الشوايه وخليها لين تتحمر وراح تحصلين على هالنتيجه
وانا قدمتها مع رز مندي وسلطة زبادي
وهنا قدمتها مع ارز ابو سيوف
وعوااافي على قلوبكم مقدما
رد مع اقتباس
لا تحزن إن الله معنا
مواقع النشر