السلام عليكم
هذي طريقة المسقعة
مرة سهلة ومرة لذيذة
المقادير:
طماطم
فلفل أخضر
باذنجان
بطاطس
كوسى
بصل
ثوم
لحم مفروم
نصف علبة قشطة خفق
معجون طماطم
ملح - بهارات
الطريقة:
أول شي تقطعين بطاطس وباذنجان وكوسى حلقات وتقلينهم في زيت
البطاطس بعدين الكوسى بعدين الباذنجان
بعدها تحمسين بصل وثوم وطامطم مع شوية زيت وتحطين عليهم اللحم المفروم والبهارات ومعجون الطماطم ونص كاس ماء وتتركينه يتسبك وتخففين حرارة النار
يعني لما يستوي يكون فيه شوية موية ما يكون ناشف
والحين نجي للطبقات :
ناخذ صينية بايركس ونصف فيها صف بطاطس مقلي ومملح شوي
بعدين نرص فوقه الباذنجان والكوسى
بعدين نرص حلقات الفلفل الأخضر
ونرص حلقات الطماطم
ونضع عليه اللحم المفروم
ونصف طبقة ثانية من حلقات الباذنجان المقلية <<< يم يم يمييي لمحبي الباذنجان فقط
آخر شي تخلطين قشطة الخفق مع شوية ملح وفلفل أبيض وتصبينها فوق الباذنجان وتذخلين الصينية الفرن من تحت وفوق تقريباً نص ساعة
هذا شكلها بعد ما طلعت من الفرن
ماشاء الله تبارك الرحمن
وهذا بعد التقطيع
وش رايكم؟؟
وتقدمينها مع الخبز
وجربيها مع الرز الأبيض تطلع خياااااااااااااااااااااااااااال
ولا تنسين السلطة
جربي سلطة الجرجير
تخلي اللي ما يحب الجرجير يحبه
وبالعافية
أستنى آراءكم
اللهم صلي وسلم على نبينا محمد وعلى آله وصحبه أجمعين
رد مع اقتباس
مواقع النشر