هلا ياحلوووين اخباركم
طبعا هذي اول مشاركة لي في منتداكم الجميل
بس عاد لاتفشلوني وتعلقون علي
وادري من الحين الصور حجمها صغير بس اذا تبونها مكبرة ضغطو على الصورة
اوووكية حبايبي
المقادير:
صدور دجاج او افخاد دجاج بدون عضم تقريبا اربع قطع
ملعقتين ماينويز
ملعقتين كتشب
ملعقة معجون الطماطم
فص ثوم
بهارات ملح
واحد فلفل اخضر حار
الطريقة:
نغسل الدجاج ونرققة قليلا
نتبلة بالملح والبهارات
نخلط في الفرامة الكتشب والماينوز ومعجون الطماطم والثوم والفلفل وقليل من الملح والبهار المشكل
حتى ينسحق تماما الفلفل والثوم
نختذ التتبيلة ونخلطها بالدجاج حتى تغمره تمام
افضل اني اضعه في كيس بلاستيكي مثل هالصورة طيب
نترك الدجاج تقريبا اربع ساعات في الثلاجة
نخرج الدجاج من الثلاجة ونضعه في كباسة دجاج مادري تعرفونها ولا لا حق المشوي مثل الصورة
ونضعه فوق صنية مغلفة بالقصدير هكذا موضوع فيها كاس ماء
طبعا الماء على شان يتبخر وصير الدجاج طري
ندخلة الفرن على درجة عالية جدا تقريبا 490 درجة
حتى يتحمر تقريبا ياخذ نصف ساعة طبعا في الاخير نقلب الدجاج على الجهة الثانية ونحمر من اعلى
ويطلع شكلة مثل هالشي
وانتو براحتكم تبونه في صمول او بالخبز
وبالهناء والعااااافيه
رد مع اقتباس
مواقع النشر