[ALIGN=CENTER][TABLETEXT="width:70%;background-image:url('http://up.hawahome.com/nupload2/218629_1331244570.gif');"][CELL="filter:;"][ALIGN=center][/ALIGN][/CELL][/TABLETEXT][/ALIGN]
حياكم يالغالين هذي مكرونه بالبشميل وهي مختلفه شوي بالمكونات وان شالله تعجبكم اضافاتي والحمد لله انا معروفه ان مكرونتي حلوه وهاذي الطريقه والمكونات بالصور يالله بينا:
هذي كيس مكرونه قودي وانا سويت نص نص من شكلين نسلقها مع ملح وزيت وشوي كمون فلفل اسود حتى تستوي ونصفيها من الماء ونقسلها بمويه بارده عشان ما تلصق في بعض
هذي البشميل طبعا البشميل العادي (زيت +دقيق+حليب)بس ماقدر اقولك المقادير بزبط كل وحده تختلف في المقياس بس لما تثقل اضيفي هذا الشي المختلف انك تحطي ( 2مكعب ماجي +جبنه كرفت كاسات الصغيره كلها او نص الكبيره ومهم كرفت لنها مالحه) بعدين حركي كويس وذوقي الملح اذا احتاج حطي ملح وانا اقول انه ما يحتاج
هنا الحشوه وهيا(لحم مفروم +بصل+فلفل رومي+ثوم+ بطاطس مكعبات+مكعب ماجي+كمون +ملح +شوي قرفه فلفل اسود)
نبدا العمل نحط شوي بشميل في الصحن بعدين مكرونه وبعدين شوي بشميل
هنا نحط الحشوه ونوزعها بشكل مناسب
نرجع نحط المكرونه وباقي البشميل وكوني كريمه في البشميل ممكن تحطي على الوجه زبده او جبن مزرولا او بقسماط بس مايحتاج لنه متشبع جبن وراح يحمر علطول في الفرن
انا سويتها الفجر ودخلتها الثلاجه وبعدين طلعتها الساعه 8 المساء عشان تفك شوي من البروده وحطيتها في الفرن على الساعه10 من تحت شوي وحمرتها من فوق ومعليش ماصورتها الا وهي على السفره
وهذي سفرتي لما جات جارتي ام رهف وماما خواتي وهنا سويت مكرونه وسلطه فتوش وزبادي بالخيار وسلطه حارة ورز ابيض ومعجنات وجارتي ام رهف الله يعطيها العافية جابت عشا معاها وهي 3 صواني كفته مشكله بالصلصه وبالطحينه وحدة بالبيض صراحه ماعرف طريقتها اذا جربتها انزلها لكم
وهذ منظر عام للسفره
تحياتي ليكم وشكرا لكل من شرفني وساعدني بهذي الزياره او المرور والتشجيع في مواضيعي وهذي ورده
مواقع النشر