مكرونتى المحمرة مع سجق شرقى بالخلطة

[وصفات غادة]

بسم الله االرحمن الرحيم

النهاردة وصفتنا سهلة وسريعة وتنفعك لو معندكيش وقت او حتى جالك ضيف على غفلة

انا دايما بحتفظ فى الفريزر بتاعى على وجبات للطوارئ ( هوت دوج - برجر - سجق شرقى - كفته - شاورما )
كلها خامات سهلة الاعداد


اولا المكرونة المحمرة
==============


المقاديير
======

كيس مكرونة مقصوصة صغيرة 400 جرام

2 معلقة كبيرة صلصة طماطم

4 مكعبات مرقة دجاج

2 معلقة كبيرة زيت ذرة

3 اكواب ماء مغلى

حطى الحلة على النار ولما تسخن ضيفي الزيت

بعد مالزيت يسخن ضيفي المكرونة وهتحمريها كويس زى مابنحمر الشعرية بالضبط

شايفين لونها بقى دهبي وجميل ازاى

بعد كده هنضيف الصلصة وافركى مكعبات الدجاج كمان

وضيفي الميه المغلية وقلبيهم معع بعض كويس وغطى الحلة على النار لحد مالمكرونة تشرب كل السائل بعد كده هتوطى النار وتحطى الشياطة وتسيبيه يستوى زى الرز بالضبط

تابعونى

[وصفات غادة]

ثانيا السجق الشرقى بالخلطة
===================


المقاديير
======

كيس سجق شرقى

1 معلقة كبيرة كاتشاب

1 بصلة متوسطة الحجم مقطعة ترانشات رفيعة

1 حبة طماطم متوسطة مقطعة ترانشات رفيعة

1 حبة قلقل رومى مقطعة ترانشات رفيعة

شطة ( اختيارى )

2 معلقة كبيرة زيت ذرة

حطى طاسة تيفال وفيها الزيت وسبيه يسخن كويس

بعد كده حطى السجق وشوحيه لحد مايتحمر كويس

بعد كده ضيفي الخضار والكاتشاب والشطة وقلبيهم كلهم مع بعض ويدوبك تقليبة واحدة واقفلى

ودى النتيجة

اترككم مع الصور النهائية

وصحتين و عافية

[نسيم البحر 20012]

واااااااااو إدى ده شو عملت

طبعا أول طبق من نصيبي خلاص

وراح أعطيكي بداله تقييم ولايك لعيونك

وصحة وعافية مقدما

[وصفات غادة]

واااااااااو إدى ده شو عملت

طبعا أول طبق من نصيبي خلاص

وراح أعطيكي بداله تقييم ولايك لعيونك

وصحة وعافية مقدما

تسلميلي حبيبتي

الاكل كله من نصيبك طبعا يلا شمرى وتعالى هههههههههه