--------------------------------------------------------------------------------
أول اشي المقادير:
حماصيص
عدس انتو عارفين ........من الصعب تحديد المقادير لاني اخذها باليد واقدرها بالعين..وحسب رغبتكم اضيفوها
كمون
زيت زيتون
ثوم مدقوق
ملح
الطريقة:
يغسل الحماصيص جيداً و يقطع شروشه و يرص متل السبانخ و يفرم فرمة من النص أو بدون فرم و نضعه في الطنجرة و نضع العدس و نغمرهم بالميه قدر قراطين فوقهم و بنسيبهم يغلو و يستو مع بعض
بعدين بنجيب المفراك (أداة فلسطينية بحت) و نفركه علشان تطلع العروق
و بعدين نحط التوم المدقوق و الملح و الكمون و زيت الزيتون ونسكبه في اطباق ......
-------------------------------
المسخن
--------------------------------------------------------------------------------
أكلتي المفضلة ياستي انا بعتبر المسخن من اسهل الأكلات الي ممكن تنعمل مشكلته لما بدك تعملي لعدد كبير عشان تفريم البصل.
نصيحة عشان المسخن يكون طيب كثير جيبي سماق بلدي أصلي يعني وهذا سر المسخن المزبط
فرمي بصل أعملي حسابك بصلتين لكل رغيف وحطي البصل على النار بعد ما تغرقيهن بزيت الزيتون الأصلي بتعرفيه والسماق طبعا السماق بتحطي حسب الطعمة يعني بضلك دوقي لما تلاقيه صار مايل للحموضة وقفي
خلي الزيت والبصل ولاسماق يغلو على النار لحد ما يستوي البصل بعدين طفي عليهن وصفيهن من الازيت باستخدام مصفيه وطنجرة ما تكبي الزيت لانك رح تحتاجيه.
طبعاً انت بتكوني منظفة الجاج وسالقة هلا بتمسكي رغيف الخبز وبتبلبليه بمرقة الجاج بس لما لدرجة التشتشة وبعدين بتحطي عليها شويت زيت من الي صفتيه وبتدهنيهن على الرغيف مزبوط وبعدين بتمدي البصل على الرغيف وبدخليه على الفرن بتشويه يعني بتحمريه شوي وبعدين بطلعيها وبتحمري الجاج وبتدهني الجاج بالسماق وبتحطيه على رغيف الخبز وبترجعي دخلينهن على الشوية يشمو النار شم بس مو فترة كبيرة شم بس وطبعاً ما تنسي الوز والصنوبر رشيهم على الرغيف
بس اذا بد تعملي لف زي ساندويش العروسة، فتفتي الجاج بعد سلقه مع البصل والزيت والسماق وهن على النار وبعدين حطيهن بالطابونة أو ممكن خبزة شراك وحمريهن وقدميهن
وصحتين وعافية
وان اعجبتكم الاطباق نكمل
رد مع اقتباس
مواقع النشر