يسعد مساكم اخواتي
اليوم العصر ادهرت بالمطبخ وسويت هالحلى
بجد بجد طعمه يشبه الآيسكريم وطريقته مره سهله
اتمنى تجربوه وتحكموا بأنفسكم وهو تطبيق لحلى
((((((اميره الفهد))))))
اذا اعجبكم لاتنسوني واياها من الدعوات ( طولت عليكم )
المقادير:
المجموعه الاولى:
علبة بسكوت الشاهي ( عذرا انا صورت ثنتين )
حليب سايل لتغميس البسكوت انتي حضريه ( حليب بودره+ ماء )
المجموعه الثانيه:
فنجان زيت
فنجان سكر
2 كوب ماء فاتر
3 ملاعق دقيق
10 ملاعق حليب بودره
المجموعه الثالثه:
علبة قشطه
4 ملاعق سكر ضروري يكون مطحون ناعم
2 ملعقة كاكاو بودره
الطريقه:
نحضر صينيه بايركس المقاس الوسط
نغمس البسكوت بسرعه في الحليب حتى لايشرب كثير
نصف طبقه وحده في الصينيه
ثم نخلط مقادير المجموعه الثانيه في قدر ونرفعها على النار
مع التحريك المستمر حتى تصبح الخلطه مثل الباشميل
ثم نصبها بشويش على طبقة البسكوت
ثم نصف طبقه ثانيه من البسكوت مثل مافعلنا في المره الأولى
ثم نخلط مقادير المجموعه الثالثه بالمضرب
ونصبها على طبقة البسكوت
وندخلها الفريزر لمدة ساعه
ثم نخرجها ونبشر عليها جالكسي ساده
( اختياري إذا ماعندك جالكسي استغني عنه )
ادخليها الثلاجه لحين التقديم
وهذي قطعه لأول من يرد على موضوعي
بالعافيه
تقبلوا تحيات النوري
اليوم, 12:40 AM
رد مع اقتباس
مواقع النشر