السلااااام عليكم
طبعا اول تطبيق انزله ليا وربنا يستر
ولو فيه تشجيع ببتدى اصور تطبيقاتى اللى بعملها على طول من المنتدى
نبدأ سوا <<< مش قللكو منال العالم ههههههههه
المقادير
باذنجان رومى - دجاج مسلوق ومفتت - بصل - ثوم - زنجبيل - فلفل احمر واخضر - بقدونس - جزر مبشور - ملح - فلفل - كزبرة مطحونة
مقادير الصلصة
بيضتين - كوب كريمة - كوب حليب - كوب صغير جبن كاسات - فلفل اسود
الطريقة
قشرى الباذنجان وقطعيه خلقات واقليه فى الزيت ........ انا قشرته نص تقشيرة مش كامل مقشر
نضع فى قدر شوية زيت وعليهم البصل المقطع صغير والزنجبيل المفروم والثوم المهروس وقلبى تقليبة خفيفة الى ان يذبل فقط
نضع على البصل الفلفل الاحمر والخضر مع تقليبة خفيفة ...... انا مش كان عندى احمر خليت اخضر بس
ثم نضيف المشروم والجزر المبشور وكمان تقليبة خفيفة ...... استعملت المشروم المعلب مش الطازج
ثم اخر اضافة الدجاج المفتت والبهار ( ملح وفلفل وكزبرة ناعمة ) وكمان تقليبة خفيفة
خلصنا الحشوة نيجى للصلصة
نضرب فى الخلاط البيضتين وكوب الكريمة وكوب الحليب وكوب جبن الكاسات ورشة الفلفل الاسود
فى صينية فرن رصى الباذنجان ...... طبعا انا قليل كان مش كفاية فشوية خربت الطبخة يعنى المفروض يغطى الصينية كويس بس المرة الجاية ان شاء الله ازوده
رصى على الباذنجان حشوة الدجاج اللى عملناها
رشى عليهم شوية جبنة موزاريلا
وكمان رشة بقدونس
غطيهم بالباذنجان وعلى الباذنجان الصلصة اللى بالخلاط ..... طبعا الغلطة الواضحة عندى ان الباذنجان قليل عشان كدا الصلصة توغلت لتحت من الفروق هههههههه
رشى عليها تانى جبن الموزاريلا وعليها رشة خفيفة من البقسماط
غطيها بورق سيلفر ودخليها الفرن على درجة حرارة 180 20 دقيقة بعدين شيلى السيلفر وخليها تحمر من الوجه وطبعا لو كان الباذنجان كتير كان هيبقى الشكل مختلف بس حصل خير
وهنا بعد ما حمرت الوجه وبما انى كنت بتجول فى المنتدى فاتحرق شوية وعشان اكون صريحة اكتر اتحرق كتير مش شوية هههههههه
واخيرا احب اقولكم ان برغم انى مش ظبطها مظبوط عشان الحاجة قليلة بس طعمها كان حلو جدا
شكرا لكل من يهتم ويرد برد يفرح قلبى
رد مع اقتباس
مواقع النشر