السلام عليكم
وصفة البقلاوة الملونة من مطبخي
هي بقلاوة مخططة او لمخبل نفس التسمية
فقط لمخبل يتقص مربعات اما البقلاوة معينات
المقادير
4 كيلات فرينة ، كيلة دهان (3/4 سمن و1/4 زبدة لابال)، ماء الزهر ، والماء ، بودرة كاكاوو
التحضير
نديرو الفرينة والدهان
نخلطوهم مليح ونحلوهم براحة اليد حتى تتبسس لعجينة
ونجمع بماء الزهر وشوي ماء
نقسموها 7 كريات ونغطوها نخلوها ترتاح
للحشو
كيلو نوازات ، 500 غ لوز ، 500 غ جوز، سكرو ماء زهر
نحضرو الحشو تاعنا
نرحو كل المكسرات نخلطوهم مع بعض
نزيدولهم كيلة سكر (3 كيلات مكسرات بكيلة سكر)
ونبلوهم بماء زهر
نرجعو للعجينة
نفتح العجينة بالنشاء حتى تكون على مقاس لبلاطو تاعنا
نحطو الورقة الاولى وندهنها بالسمن ونحطو فوقها الثانية ونزيدو
ندهنو ونكملو هكا حتى نديرو 4 طبقات من تحت
نحطو الحشوة تاعنا
ونغطي بطبقيتين اخرتين دون ان ننسى وضع الدهان بينهم
اما الطبقة الاخيرة نقسمها اثنين
نص يترك ابيض والنص الاخر نضع فيه بودرة الكاكاو ونعجنها جيدا حتى تكون لون واحد
وبآلة تاع بقلاوة نحلوها ونديرو شرائط من اللونين
وفي وسط البلاطو نحطو شريط بني وبعدو ابيض وهكا واحد في جنب واحد ومايكونوش متباعدين
حتى نكملوها
ندهنوها للمرة الاخيرة ونقطعوها مربعات
ونضع فوقها حبات نوزات(بندق) وندخلوها للفرن
وفور خروجها وهي ساخنة نسقيها بالعسل شوي ماء زهر
وهذا شكل آخر لها معينات مزين بوردة من العجين وحبة لووز
ان شاء الله تعجبكم
مواقع النشر