زوجي واهله...
بسم الله الرحمن الرحيم
السلام عليكم ورحمة من الله وبركه
كيف حالكم خواتي.. سمحو لي اقولكم خواتي ... لاني حسيت فعلا بهذا الاحساس لأني كنت اقرا مشاركاتكم عن بعد واعلق تعليقات صامته تجاهكم والله العالم باللي في قلبي ... يا بنات انه داخله هالقسم بالذات وحابه تعطوني المشورة بحكمه وتعقل وما ابي اي تسرع منكم ويا ليتكم تكونون صبورين معاي وبالكم طويل..على فكرة انه كنت اعطي حلول لصديقاتي وبنات عمي ... بس مثل ما يقولون باب النجار مخلع...
قصتي باختصار ان زوجي ما يهتم فيني يا بنات ... مع اني ولله الحمد جميلة بشهادة الجميع... وما اكذب عليكم لو اقولكم اني للحين اذا رحت زيارات لناس اول مرة او اعراس انهم يخطبوني ولكن ليش زوجي مو مهتم ما ادري...
زوجي متعلق باهله كثيييييييير.. يعني ما يشك خيط بابرة الا بشورهم...يعني اي شي يصير لازم يدرون عنه حتى لو كان بسيط وماله معنى بعد يخبرهم عنه...
كنت عايشه بشقة ولكن تعرضنا لظروف قاااسيه واضطرينا نعيش ببيت اهله .. ولكن لو تشوفون هالعيشه يابنات والله محد يقبلها.. انه وولدي "سنه ونصف" وبنتي " 4 سنوات" نعيش في غرفة اخو زوجي .. طبعا هو ما يدخلها ولكن اغراضه وملابسه فيها يعني تجي فترات يبي يدخل ياخذ غرض او ملابس بين فترة وفترة ... وملابس ام زوجي كمان بالغرفة... يعني بالمعنى الصحيح مالي اي خصوصيه.. والحمام الله يعزكم مشترك.. "الشغاله لها حمام بحالها " واهل البيت كلهم في واحد...وما اقدر اخذ حريتي بلبسي ولا نومي ابد ابد يا بنات وزوجي ينام في غرفه بروحه بحجة انه عليه عمل الصباح وما يقدر ينام من العيال وصيحتهم .. هذي حجته.. وامه ما ظل احد ما قالت له ان انه وزوجي ننام منفصلين يعني كل واحد بغرفه يعني حتى الجيران عارفين اننا ننام منفصلين... والله يا بنات اموت قهر..
وزوجي ما يجي الغرفه الا نااااااااااااااااادرا يعني عادي يمر اسبوع وما يجي لنا الغرفه... واهله في كل شي يتدخلون حتى بصرفنا يا بنات.. من كم يوم حماتي صار بيني وبينها نقاش طويل وقالت لي المفروض انتي تساعدين زوجك ما يصير كذه.. قلت لها ومن قالك اني اصرف شي والله يا بنات اني ما اشتري لي شي وقسم بالله انه حتى مصروف شهري ما اخذ منه ... لاني اعرف وضعه ... والله اني انقهرت موووت ...تصورو تقول لي قدام زوجها وامها هذا كذب كذب... والله كان ودي اسطرها .. تقول لي انه وايد اشوف على بنتك ثياب جديده واااااايد وبنتي والله اني ما اشتري لها المسكينه ولا شي الا نادر يعني كل 4 شهور مرة وبارخص الاسعار والبسها من ثياب اختي اللي يصغرون عليها والله يا بنات رحت لغرفتي وبكيت لحد ما نمت وانه ابكي لانهم دوم ظالميني ... والحين صار لها اسبوع تقريبا ما جت بيت اهلها ... واغلب الظن ان هذه هي السبب مع اني ما غلطت عليها والله بالعكس هي اللي تدخلت بشي ما يخصها فيه ...
وما خفي كان اعظم بس ما ابي اكتب وايد عشان ما تملون
رد مع اقتباس
مواقع النشر