[align=center]
هذي قصيده مهداة لكل فتاة مقبله على الزواج
؛
***
***
؛
لاتحسبين العرس توفي وكتكات
ولاتحسبينه توكس ولابونتي
ولاتحسبين العرس كيكه وطرطات
وصلـه قطعتيها ووصلــه أكلتي
ولاتحسبين العرس تصفيق واصوات
وانتي على صوت الغطاريف همتي
ولاتحسبين العرس كوشه ولمبات
وانتي كمالطاؤوس فيها جلستي
ولاتحسبين العرس احلام في الشات
يامـــا بنيتيهـــا ويامـــا هدمـــتي
ولاتحسبين العرس روحه وجيات
هيا اقضبي بيتك عسى مانهبلتي
ليله سعيده وانتي احلا الجميلات
تشخص عيون الناس اذاحضرتي
(واللاينر) حطيه بلا زيـــــــادات
لايخرب المكيــــــاج اذا دمعتي
(والمسكره)تحتاج لطف ومدارات
حتى يبان الزين اذا غمضتــي
(والاسبريه)رشيه حتى البصيلات
يمسك شعرك زين لوكان زدتـــي
وترى(المحدد)فن يحتاج رسمات
يبــان رسمه زين اذا ابتسمتـي
ترا العرس يابنيه ماهو شعارات
تفنــى مراسيمه وتبقين انتـــي
ويبقى شريك العمر راع الطويلات
هذا هو العرس الحقيقي عرفتــي؟
اول نصيحه لك حفظ الصلوات
صلي العيشا والفجر في كل وقتي
وفي ليلة العرس الموفق وبالذات
ادعــي الكريم الله اذا سجدتـــي
والعاري لاترضين عند الكوفيرات
ولبسك يملي العيــن اذا لبستــي
واللي على زوجك تحرضك مرات
ارجـــوك شوتيها شوتت بلنتـي
والصبرفي العشره حتى على فتات
يامــا حلا فعلتك يومك صبرتـــي
وذا حفظتي السر مع المدارات
زوجك ترى في عيونه انتي كبرتي
والسوق يعني هاه وقت الضرورات
ولا تــرى زوجــك يدور المفتــي
زيدي الغطايه وكثري في العبايات
والله يرضى عنك اذا سترتــي
اوصيك بالكبسه وكثر اليدامات
حتى لـونـك من سببها متنتـي
وخلي الرجيم اللي فشل في مرات
تسويـه مـره وحـده لاولدتـي
اوراق شاعره ترسل ازكى التحيات
خصيها بالـدعــوه اذا دعـوتـــي
منقول[/align]
مواقع النشر