تكفوووووووون عطوني حل مليت من مشاكل زوجي

[دانه2009]

السلام عليكم
انا مشاكلي ويا زوجي كثرت ماعاد اقدر اتحمل خلاص
تخيلو انه يطقني وانا حامل شسوي حسبي الله عليه
امس جاوني اهلي ولما عرف انهم بيجون راح وخلاني بروحي ويا بنتي ولا جا الا قبل وقت الغدا بشويه
مع العلم ان اول مره يجوني فيها من تزوجت لاني في الكويت وهم بالسعودية
صارلي متزوجة 3 سنين
بس ما حسيت بالراحه وياه عصبي ويبيني اسمع كلامه في كل شي لدرجة انه يبي يغصبني اروح لبيت
اهله غصب عني
اهله مو طيبين وياي كنت عايشه وياهم وكانوا على طول مسوديين عيشتي بعدين رحت لبيت اهلي وقعدت عندهم وطلعني في شقه والمشكلة ما خلاني ارتاح على طول مشاكل وهواش شسوي عطوني حل تكفووووووووووووون وعلى فكره اهو على طول يلعن بوالديني
ويتكلم علي بكلام حده وصخ ما يعطيني فلوس
واذا وداني السوق خلاني اندم اني اروح السوق مره ثانية وبعد ميشحن لي رصيد
الا بالحسرة واذا شحن قام يسال وين راح الرصيد شسويتي فيه

[دلوعه سلطان]

غاليتي اصبر الله يجعل جزاكي الجنه وحاولي انك تناقشينه ليش تسوي معي كذا واسمعي لما يهاوشك لاتتكلمين ولا شي نزلي عينك ولما يخلص كلامه قولي انشاء الله وروحي وادعيله بسجودك والله راح يتغير انشاالله واذا كان عندك بالبيت معصيه من دش واغاني وكل معصيه تجنبها عشان ربي يحنن قلب زوجك عليك صدقيني ان قساوه الزوج والمشاكل من معصيه الله والبعد عنه جربي يالغاليه هذا الحل معاه واتمني ان ربي يهدي زوجك ويجعلك اجمل النساء في عينه ويصلحه

[دلوعه سلطان]

اخيتي ولاتدعين عليه ادعيله ترا لما تدعين عليه يزيد قساوه

[قرةعينى الصلاة]

لا حول ولا قوة الا بالله
اصبرى يا اختى والجاى الى الله بالدعاء والحى على الله
ربنا يهديه ويصلح حاله هل استخرتى الله قبل زواجك منه؟؟؟؟؟؟؟
هل اجبرت على الزواج غصب عنك؟؟؟؟؟؟؟؟؟؟؟
اصلحى حالك مع الله وسيصلح الله بينك وبين زوجك باذنه تعالى
واحتسبى كل ذلك فالمؤمن مبتلى
احسب الناس ان يتركوا ان يقولوا امنا وهم لا يفتنون
هذا ابتلاء من الله لكى فاصبرى حبيبتى عليكى بقيام الليل فهو الحل لمحنتك وعليكى بالاستغفارفهو مخرجك مما انت فيه
قال النبى صلى الله عليه وسلم من اكثر من الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب