أخواتي كل وحدة منا ودها ترتقي بحياتها الزوجيه للأفضل هناك من تحس أنها نجحت وبدأت تسير بفضل الله صح وهناك من هي تحس أنها لازالت في اول المشوار ...


في هذا الموضوع ودي نتبادل الخبر ات في هذا الشيء وكل وحده تقول كم سنه لها متزوجه وهل بدأت تحس أن زوجها يفهمها وهي تفهمه ..

كيف بدتي تحاولين تطوير حياتك الزوجيه وبأي شيء نجحتي .؟


راح أبدأ بنفسي واجاوب على أول سؤال عشان نفيد بعض وإذا لقيت تجاوب بإذن الله راح نكمل ..

لي متزوجه 15 سنه تزوجت بدري وعمري 17 سنه بديت أحس أني أفهمه وهو بعد على شوي شوي يعني


بداية الزواج كانت خلافاتنا كثيييييييييييرة بس كانت الوالدة الله يحفظها تصبرني وتحثني على الصبر والمسايس للرجال أنا ماأنكر أني كنت عنيييييده وهو كان بعد مثلي ومع السنين الحمد لله بدينا نفهم بعض بشكل أفضل


نصيحتي لكم حبيباتي من هاذي الناحية ..
1- الصبر وأنك عند كل خلاف يصير بينكم تحطين حسناته قدامك وراح تنسين اللي بينكم ويسهل عليك تخطي المشكلة بنفس راضية ..

2- اللجوء دائما وأبدا لله أولا عند حدوث مشكلة والشكوى له شبحانه ..

3- تشركين الوالدة أو من هو في حكمها بس عشان تعطيك النصح بشرط لاتعطينها كثير تفاصيل بحيث أحد يطلع على أسرارك ولو كانت الوالدة لأنها قد تحمل همك أكثر وتتعب معك مجرد قوليلها أمي ودي مشورتك ودعواتك وعطيها بعض التفاصيل ..


إلى هنا أكتفي عندي كثير كلام لكن الوقت ضيق الله يصلح العيال ..

في الحلقة القدامة بإذن الله راح أقولكم سر من أسرار غرفة النوم وكله بفضل الله وتوفيقه ..