دراستكِ الجامعية وحياتكِ الزوجية ..!؟

[نظرهـ للآفق]

السَّــــــــلاَمُ عَلَيْــكُمُ وَرَحْمَةُ اللهِ وَبَرَكـــَـاتُه .. (F)
كيف حالكمـ



هذا الموضوع يهدف بشكل خصيصاً الآخوات المتزوجات الجامعيات وهمـ محور الموضوع وآساسه
وهنّ آصحاب الخبرهـ والتجربه

ويستفيد منه العرايس الجامعيات من تجارب اخواتهنّ

مثلاً / ماهي العوائق التي واجهتكِ في بداية دوامكِ
للجامعة وبداية زواجكِ ..!؟



هل فكرتي بالتوقف عن اكمال الدراسه ..!؟

هل كان زوجكِ محبطاً .. آو عادياً .. وهل اثر عليكِ سلبياً ..!؟

كيف تتصرفين مع زوجكِ عندما اتفقتوا على الدراسة
وشرطوا علية قبل الملكة .. وبعد الزواج بدأ بأسلوب التطفيش
والحمل .. بدأ يلح عليكِ بتركها لصحتكِ وراحتكِ ..!؟



في البداية كيف وازنتي مسؤوليات البيت ونفسك وزوجك والجامعة .. !؟ خاصة إذا كان دوامكِ طويلاً
من 7 أو 8 صباحاً إلى 4 العصر ..!؟

متى تطبخين للغداء .. خاصة إذا كان زوجكِ لا يفرط في هذهـ الوجبة ..!؟ وإذا تطبخين من الليل ماهي الطبخات السهلة واللذيذة ..!؟



إذا حملتي هل تآجلين ترمـ ..!؟

هل بيتكِ الزوجي أفضل من بيت اهلك من ناحية الدراسة والهدوء والتركيز .. أم مسؤوليات الزواج تجعلكِ تفضلين بيتك اهلك ودلالهم لكِ ..!؟



آخواااتي المايك لكنّ والموضوع لكنّ
سواء كان ردك كان معناتك أو سعادتكِ وحقق نجاحك ورفع معدلكِ بعد زواجك

والله يوفق كل العرايس الجامعيات ويارب يتخرجون عاجلاً غير آجل

[نوري الهاشم]

أنا انخطبت لما كنت بالسنة الثانية بالكلية و تزوجت مع الاجازة قبل السنة الرابعة
و هذا اسوأ قرار
السنة الرابعة هي آخر و أهم سنة
بالاضافة إلى الزواج و كل شي تغير علي و كان لازم اتأقلم مع أشياء كثيرة
يمكن بالبداية كانت نفسيتي حلوة و مبسوطة و كل صديقاتي يباركون لي
بس بعدين بدت المشاكل و صارت تأثر على دراستي
يعني حتى ليلة الامتحانات النهائية يتهاوش معي و ما يراعيني
ما أعرف أركز و نفسيتي تتعب و أقعد أفكر بالهوشة طول اليوم
معدلي نزل كثير و صرت أتعذر شوي بالزواج و المسؤولية
امي تقول لازم اول سنة زواج هي اصعب شي
ما كان لازم أتزوج في وقت صعب مثل هذا !!!!!!!!!!!!

[دلللوعه]

اهلا بك اختي وموضوعك بصراحه مهم
وابشرك عديت ها لمرحله بشق الانفس العام الماضي وهذي اول سنه ارتاح فيها
بالنسبه للصعوبات اكيد بتواجهك صعوبات كثيره ولكن مالك الا الصبر
ومن ناحية ان زوجك يطلب منك تركها فهذا شي اكيد لما يراه من التعب والارهاق اللي يحصلك ومن ناحيه حقوقه اللي تقصرين فيها بسبب الدراسه ينحرم من اشياء كثيره وابسطها الغداء والاالجلسه معاه خاصه اذا كان وقت امتحانات
واما هل فكرتي في تركها فياكثر مافكرت وفكرت ولكن الحمدلله ماصار شي
واذا حملتي هل تاجلين ؟انا كنت كليه ومافيه تاجيل ترم فيه تاجيل سنه وممنوع علي دفعتنا حسب الخطه الجديده والخطه القديمه اذا اجلت ابدا من اول وجديد وانا صرت بثالث ففكرت اتركها مع الحمل خصوصا بالوحم والبدايه وكرهت الكليه والكتب والعطر وريحته اللي تحووووووووم الكبد خاصه من صباح الله خير والباص ودورته في من الفجر ع بيوت خلق الله ولايردني الا مع صلاة العصر وليا البيت قدامي والزوج والجوع والحاله حاله
ولكن الحمدلله الزوج متفهم وتحملني وااااااجد وكملت دراستي مع الحمل بثالث ورابع كمات انا والبنوته طبعا ماعندي احد ياخذها عني انا بديره والاهل بديره وصرت اخذها للحضانه التابعه للكليه وكل شي بحسابه وفوق هذا كله مصاريف الدراسه ولا الباص ولا الحضانه ولا ايجار البيت والمكافئه ماتجي الا بعد ماتشيب عيونا.ي
طولت بالهذره وكتبت مسيرة حياتي ومعاناتي لك ولغيرك عشان اذا مرت عليك ايام سوداء الله لايقوله تتذكرين ان غيرك مروا بمثلها واعظم ولالالالالالاتفكرين بلانسحااااااب لان شهادتك سلاحك
يالله بالتوفيق ان شاءالله وادعيلي بالوظيفه

[قرنفله]

بصراحه شفت انواع القرف من الحياة الزوجيه ايام الدراسه
مدري كيف ابدا كان باقي لي سنه لمن تزوجت وحملت والوحم والدراسه والزوج تعب
بصراحه عينى طلعت تجى الاختبارات يترك اللى وراه وقدامه ويقعد في البيت ابغى كذا ليش ماتجلسين معاى
انت بس تذاكرى ومع انه ولا يسال بالايام الفاضيه ولا يحلى له يخرجنى الا ايام الاختبارات
اطريت احذف مواد وزودت ترم ومع الوحم زاد الطين بله .......
ومايحتاج وقت الولاده والمده اللى تغيبنها واللى يفوتك واللى تجتهدي عشان تلحقي
الله المستعان كرهت ايامى ولا احب حتى اتذكر اخر سنه
انصحكم خلصو دراستكم وتزوجو الزواج مو طاير