السلام عليكم ورحمة الله وبركاته
اخواتي الغاليات .......شاركوني مشكلتي .......ولاتبخلو علي بأرائكم ......عسى الله ينفعني واياكم بها.
يعلم الله كم احبكم وكم اثق بأرائكم ......وان شاء الله تكونون لي خير الناصحيين.
مشكلتي الأولي والأخيرة .............أمي.
اوصف لكم وضعي اولاً ثم مشكلتي.
انا وحيدة اهلي .....وامي متعلقة فيه كثييييير............كل اهتمامها انا وبس. اكملت دراستي الجامعية والحمدلله.
وفقني الله بالزوج الصالح .....الذي كان لي الاب والام ولاخ والاخت ...........ومر الان على زواجي ثلاث سنوااااااااات
امي الى الان لم تستوعب اني تزوجت وانفصلت عنها في بيت اخر مع انسان اخر........
يعني اذا مازرتها كل يوم .....تتصل على وتخاااااااصم.....وتهزء وممكن تقفل السماعة في وجهي........
لدرجة انه زيارتها صاااااارت عبء يومي ثقيل . حتى لو عندي 100 مشوار لازم اطل عليها لو نص ساعة.
واذا قلت لها رايحة عن احد من صديقاتي او قريباتي اوجيراني ..........زعلت علي وقالت انتي ماتجي عندي ونسيتيني .......
وانا امك اللي تعبت عليك وكبرتك ........وتسوي لي مشكلة كبيرة لدرجة اني اتنكد و الغي المشوااااار وغالبا اروح عندها...
او اذا رحت المشوار من غير مااكلمها .....وبعدين اتصلت عليها بالجوال وقلت لها انا عند فلانة ........قامت تخاااااصم وتزعل وتقولي خلي فلانة تنفعك انا لا امك ولا اعرفك.
علما اني والحمد لله ......ماأقصر عليها بشي من زيارات لطلبات لمستشفى وصيدلية وغيرة ...وجبت لها شغالة كلة عشان ماتتعب نفسها ........وهذا واجبها علي وانا عارفة اني ماراح اجازيها....لو اقعد طول عمري تحت رجولها.
لكن برضة من حقي اعيش حيااااتي .........كانسانة مستقلة في بيتي ومع زوجي ......اسهر واطلع واتاخر في النوم واتمشى خصوصا انه مارزقني ربي الطفل اللي يحبسني في البيت ......ويشغلني.
تخاصمين ليش تسهري وليش تنامي هذا كلة .......وكل يوم تطلعي .......كل يوم عندك ضيوف ....تحاسبني وانا في بيتي.
والله العظيم ياخواتي .......تصرفات امي غريبة وانا عارفة انها من كثر المحبة ......صدق اللي قال ( ومن الحب ماقتل)........لكن فعلا دائما تسبب لي الاحراج
مثلا: يوم يكون عندها ضيووووف وانا اكون عندها من بدري اشيل واحط واستقبل .....وهي جالسة مع الحريم ماعنها غير ........بنتي مافيها خير ......بنتي ماتجيني الا في السنة حسنة .........بنتي خلاص اتزوجت ونسيتني
وانا اسمع الكلام وبأنفجر من الزعل ساعات ارد عليها واذكرها بالأشياء اللي اسويها ......وقتها تقول لي تعايريني وتفتح لي موال جديد............وساعات اسكت اخليها تتكلم اللين تتعب وتسكت من حالها.
وكثير من الحيان يشتد بيننا النقااااش وتطردني من بيتها واطلع من عندها وانا ابكي .....ياخذني زوجي ....ويهديني شوي ويرجعني مرة ثانية اعتذر منها.واتسامح منها ....واركب نفسي الغلط عشان لاتاخذ في خاطرها وتنام وهي زعلانة علي .
يمكن تقولو هذا ضعف في شخصتي ....لا اخواتي انا شخصيتي والحمد لله قوية ...في الحق انشاء الله .....
ودايم اتعذر لها انه هذا كلة من شدة تعلقها فيه.
آآآآآآآآآآآآآآآآآآآآآآآآآآآآآآآآآآه بس.
حتى طبخي اللي الكل يشهد لي فيه .....الا امي تاكل وتعذرب .......واليوم تقول لزوجي ....حرمتك ماتعرف تطبخ (((( حشا حماتي صارت مو امي))
قال لها زوجي لو هي ماتعرف تطبخ اجل كل الحريم ما يعرفو يطبخووووو.
طبعا المجتمع اللي انا عايشة فيه شايف وعايش مشكلتي من بدايتها .......لدرجة انه لما امي تبدأ تعذر فيني ....يبدأو يقولو لها بالعكس بنتك مافي زيها ....وفي ناس مايزورو اهاليهم ولا يبروهم واحمدي ربك عليها ولاتزعليها والله ماتستاهل .....ومن هذا الكلام.
حتى قدام اهل زوجي ........تلعن لي سابع جدوام زوجي تقولها لا بنتنا مافي زيها وماتستاهل هذا منك ....
((((شوفو بالله مين يخاصم ومين يدافع))))
اما الوالد عكس امي تماما انسان صح كبير في السن لكن عاقل جدا ومتزن حتى في المشاكل.......يعني لوصادفتني مشكلة ممكن اقول لابوية ما اقول لامي.
قبل شهر بالضبط .....طاح الوالد وانكسر فخذة ......وسوى عملية ومرررررررة كنا خايفيين عليه لان عندة بداية جلطة....
.طبعا ماكان مني الا اني اتنومت معاه في المستشفى ,,,,,وزوجي (لله يسعده ويخلية لي يارب) اخذ اجازة من عملة وصار رايح جاي على المستشفى وبعض اليالي كنا نراافق انا واياه في المستشفى .....
طبعا امي في البيت .....بحكم انها كبير ة في السن ومريضة ((((رغم انه اغلب مرضها نفسي ....واناراح اقول لكم كيف))).
المهم ...الحمد لله طلع الوالد من المستشفى واللحين لازم له رعاية واقل شي يتم على الفراش 8 شهور لانة عظم الكبير مايلتئم بسرعة.
طبعا بعد ماطلعت من المستشفى جلست في بيت اهلي 3 اسابيع .....والله العظيم كنت اجي بيتي بس نص يوم او يوم اخلص شغلي بسرعة وارجع بيت اهلي .....
.وزوجي مسكين رايح جاي يتغدا يوم هنا ويوم مايتغدا .......ومسكين استحمل معايا وماقصر وساعدني كثير وجودة بجنبي ....وخفف علينا مصيبتنا ........والله حتى ابوية صااار يقول هذا ولدي......
كان مهتم بابوي وبمواعيدة وبعلاجة وبكل شي والله ماقصر ورايتة بيضاء.
اللحين بعد شهر وتحديدا الاسبوع اللي فات رجعت لبيتي .....ولزوجي ودي ارتاح واقابل زوجي ......
واستقبل الضيوف اللي لي شهر اردهم واتعذر منهم.
وامي مولعة نار ماتبغاني ارجع بيتي ......تبغاني اجلس عندها رغم انة بيتي قريب من بين اهلي ...
واليوم صاااارت مشكلة كبيرة بيني وبينها عشان اليوم اتصلت على ومارديت كنت نايمة قلبت الدنيا فوق تحت ....
. وزعلت.... وقالت انتو مافيكم خير ....انتو وانتو .......الخ .........اسطوانة كل يوم.
كلة عشان ما ارجع بيتي ..........وانا عارفة هذا الشي .
تقول لي لو ادري ماكان زوجتك ؟؟؟((والله حاله))
نرجع لمرض امي ........صحيح هي مريضة بحكم سنها والله يشفبها ويهديها انشاء الله.........
لكن تحب تتمارض عشان تحس باهتمام اللي حوولها وعطفهم عليها .........مع العلم اني مو محسستها بالاهمال ابدا بالعكس دائما اهتم في امورها اكثر من اموري الشخصية واقدم طلباتها على طلباااااتي.
لكن هي تشوفنا مهتمين بابوية زيادة شوي ........تشتغل عندها الغيرة تقوم تمرض عشان نهتم فيها ....وقالتها لي اليوم بصراحة .......انتي تحبي ابوك اكثر مني .......
طبعا لما ابوية يكون عنده موعد ......هي لازم هذاك اليوم تمرض عشان كمان نوديها المستشفى ........حتى يوم طاح وانكسر بعد ماودينا ابوية المسشتفى ......وديناها هي المستشفى في اخر الليل. ......
علما انه امي ماتمرض لما يكون عندها ضيوف وماتمرض لما اكون بايته عندها وماتمرض لما تطلع تقضي مشاوير ......ماتمرض الى لما تكون لحالها .
وانا الان محتارة بين امي وبين بيتي وزوجي ........لدرجة انه زوجي اليوم طفش من كلامها علي ......وقال لها خلاص انا اطلقها وتقعد عندك على طووووووول.
الزبدة ..........كيف احسس امي بقيمتي ........وكيف احل مشكلتي معاها.......والله محتاره....؟؟
لدرجة اني افكر انه نعمل عليها فلم هندي ونقول انه زوجي عنده نقل للريااااض ........سنة ....وانا بسافر معاه...
ابغي يوم اجي عندها اشوف نظرت شوق في عيونها واسمع ترحيبة حلوة من فمها .....
ابغاها تحس بقيمتي ياااناس وتذكرني بالخير.
هذي مشكلتي باختصااااااااااار.
واريد منكم شيئين .......
اولا : حل عقلاني .....ومتزن ......لان هاذي المشكلة متعبتني بالمرة ومكدرة عيشتي....
ثانياً: دعوة صادقة انه الله يهدي امي ......ويبرد قلبها من ناحيتي .......ويشفيها من كل سوء
وادعو الله انه يشفي الوالد ويقومه بالسلامة.........
ودعوة لأخت لكم في الله اسمها سماره .........بالذرية الصالحة المعافاة عاجلا غير اجل .
وجزاكم الله خير .
مشكورة ام ريما على التوقيع الرائع ...جزاك الله كل خير .. 
مواقع النشر