>>
في اليوم التالي
رحت المؤسسه وانا بالي مشغول بيوسف وايش سوي هل راح لبنته ولا آجل الموضوع
اتصلت فيه وانا باالمكتب
رد علي وشكله كان بسياره _ هلا نصور
ضحكت _ هلا وينك انت
يوسف _ رايح السوبر ماركت ليش
آنا _ آمممممم جبت البنت
يوسف _ لا مارحت للحين
آنا _ ليش
يوسف_ مدري نسيت
آنا _ بلاه من جدك انت
يوسف _ آيه توني صاحي وبروح آجيب لي فطور
آنا _ آنت تجيب لك فطور وين الحرس عنك
ضحك يوسف _ هذول بس للكشخه لابغيت اكشخ قدام احد اجيبهم المهم يمكن شوي العصر اجيبها انت وينك
آنا _ انا بالمؤسسه
يوسف _ طيب يمكن امرك لاخلصت اشغالي وافطرت
آنا _ آيه خير ان شاء الله انتظرك
التهيت بالشغل الي عندي اتصلت علي رؤي تقول ان صحباتهابيزورنها اليوم وطلبت مني اجيب معي اغراض وش كثرها يا حياة الشقاء (
بعد ساعه جاني يوسف دخل علي السكرتير
_ آستاذ فيه واحد يبي يشوفك
عرفت آنه يوسف
آنا _ دخله ليش مخليه بره
آستغرب السكرتير بس ماتكلم
خرج وشوي ودخل يوسف كان قدامي بعض الاراق شلتها وحطيتها علي جنب
جلس يوسف قدامي وتلفت يطالع بالمكتب
يوسف _ حلو مكتبك ماشاء الله
آنا كان مكتبي بسيط جدا وغير مكلف وعرفت ان يوسف يجاملني بس ماتكلمت
آنا _ وش تشرب يا ابو .... سكت وضحكت
وش قررت تسمي بنتك
يوسف آبتسم ماتبي تضيفني يابخيل
آنا _ ليش ما افطرت
يوسف _ لا والله خلاص ما ابي ضيافتك خلها لك
وحط رجل علي رجل واخذ يلعب بالأيبود الي معه
آنا _ طيب وش تبي
يوسف _ ما ابي شي خلص شغلك
وخلني اكمل اللعبه هاذي لي اسبوع ولسه بالمراحل الأولي
آنا _ والله الي يشوفك جالس تلعب مايفكر اصلا آنك رجل اعمال لا وبعد عندك بنت توك مكتشفها
يوسف _وعيونه علي الشاشه _ يعني الواحد ماياخذ بريك من الحياة
آنا _ آيه ليتني زيك آخذ بريك من الحياة ما ابي بريك فاصل بس حق ابو خمس دقائق
يوسف حط الأيبود عالمكتب _ ليش وش فيك عندك مشاكل ؟؟
آنا _ لابس تعرف هم البيت والعيال والمؤسسه
يوسف ابتسم بسخريه _ آيه علي بالي شئ كايد هذه مطبات ولابد منها
المهم بعد مانخرج من هنا نروح ناخذ البنت واودها بيتك وبعدين نفكر بأسم لها
ولا غيرت رائك ؟
آنا _ بأيش غيرت رائي ؟
يوسف _ صدق مفهي ,,
واخذ الأيبود وكمل لعب
آنا بسرعه خلصت الاشغال وكانت ولا شئ بنفسي كنت شايل هم بعض الامور المتعلقع بالعمل حسيت ان فيه تلاعب ببعض المعاملات بس ماحبيت اشغل يوسف فيها
,,,,,,,,
خرجنا من المؤسسه ورحنا شقه ابو فايز
,,
استقبلنا فايز وهو شاب تقريبا عمره 17 سنه
جلسنا بمجلس الرجال شوي وجا ابو فايز ومعه البنت وكأنه ماصدق انا جينا وعطاها يوسف يوسف مامد يده عشان يأخذ بنته
انا فزعت له واخذت البنت من ابو فايز
يوسف تجاهل بنته _ وين شهاده الوفاة ؟
ابو فايز _ شهاده وفاة مين ؟
يوسف _ مشاعل ام البنت انت ماقلت ماتت ؟
ابو فايز بأرتباك _ آيه والله مدري ضاعت
يوسف _ ضاعت ؟؟؟؟
ولا تكذب مشاعل ماماتت !
ابو فايز بغضب غير مبرر _ الحين انت ماتبي بنتك هذه هي خذها وفكنا منك ومن شرك
هنا البنت بكت من صوت ابو فايز العالي
يوسف التفت لها وبحنان الأب شالها وضمها لصدره بقوه سكتت البنت المسكينه
يوسف اشر لي عشان نمشي
قمت معه
ابو فايز _ هذه شنطتها ماتبونها
يوسف تجاهله
وخرجنا من الشقه
يوسف وحنا بالمصعد _ حاس انها عائشه ماماتت
آنا _ ايه تصدق حتي انا حاس اصلا غضبه ماله اي مبرر
يوسف _ تصدق اني كنت احبها وللحين بس الي خلاني اتركها شئ اكبر مني
خوفا عليها كانت حب حياتي والله لو كنت اعرف انها حامل ماتركتها آبد ولا تنازلت
ولا خليت بنتي تعيش سنتين مع الكلب هذا
,,
خرجنا من العماره ورحنا بيتي
آستقبلنا اسأمه عند الباب
آسامه من شاف البنت فرح _ بابا جبت لنا آخت جديده
ضحكت من قلب عليه ياحليله
آنا _ لا ياحبيبي هذه بنت عمو يوسف
دخلت يوسف المجلس ورحت لرؤي عشان اقولها عن يوسف
واستقبلتني بــ _ وين الطلبات
تذكرت اني نسيت امرها
آنا _ توه النهار بدري صحباتك بيجون المساء
والحين حنا تونا ما اذن الظهر
رؤي _ طيب لا تنسي ومين صاحبك ذا
آسامه جا معي يبشر آمه _ امي ابوي جاب معه بنت
رؤي _ وش بنته ؟؟!!
آنا _ يوسف جا ومعه بنته صغيره عمرها سنتين
رؤي _ ووين امها و ,,,
آنا ماحبيت اتجادل معها وقت طويل واترك الرجال بالمجلس
_ قصه طويله بس انتي سوي لنا قهوه وبعدين اقولها لك
ووين يوسف وجاد
رؤي_ فوق نائمين _
آنا _ آيه طيب بروح اصحيهم يوسف يبي يشوفهم
رؤي _ توهم نامو
آنا مارديت عليها
طلعت ونزلتهم ليوسف عشان يسلم عليهم وآسامه كان سابقني ليوسف
تعلق اسامه با البنت وماتركها جلس يلعبها ياحليله واحنا جالسين نشرب القهوه
واسامه يلعب البنت
ويوسف حاط يوسف الصغير علي رجله ويلعبه وجاد بجنبه
آنا_ وش قررت تسمي البنت يايوسف
يوسف _ والله مدري مافكرت بأسم
نط آسامه _ وئام سموها وئام !
يوسف _طالع بأسامه بحب _ خلاص سميناها وئام
حلو بعد وئام يوسف وش رائك يا ناصر
آنا استغربت الي صار بس حبيت اسم وئام بعد
_ ايه حلو وئام
,,,,,,,
مواقع النشر