احتاج افكار بسيطه لاستقبال ضيوف

[الاسم]

احتاج افكار من البنوتات الحلوات اللي معانا في المنتدى

والافكار اللي ابيها هي كيف استقبل اهل زوجي بعد السفر

لكن بكل بساطه لانه الحال يعني فهمانات علي بس الله يخليكم باقرب

وقت خبروني وش اسوي عشان استعد لاستقبالهم والله يعطيكم العافيه

[دلوعة أبوي]

مساؤك ورد
(
)
(
)
عزيزتي أريد أن أطرح عليك سؤالا :
هل انت متزوجة حديثا؟؟
فاذا كانت اجابتك بنعم فاليك بالتالي:
كوني متواضعة حتى لا يقال عنك مغرورة
جهزي كل ما ستقدمينه قبل وصولهم حتى لا تكوني منشغلة بوجودهم
اذا كان لدى زوجك اخوة صغار فجهزي لهم مفاجأة بسيطة اذا امكن
استقبليهم بابتسامة لانها السحر الحلال ولا تنسي العبارات المصاحبة لها
وهناك العديد من الافكار التي لا يسعني ذكرها ولكني اتمنى ان اكون افدتك ولو بالقليل
(
)
(
)
دمتي بود

[دلع بنآت]

حبيبتي بسيطة يعني

اهم شي خليكي ذواقة بالاكل والطبخ السنع وسوي كل الاطباق والاصناف اللي تخطر على بالك لانك ذكرتيني باهل زوجي لما عزمتهم عندي ما خليت شي ما سويته يعني بوفيه مصغر احسن من الجاهز وهالله الله بالطبخات السنعة لان الحرمة الشاطرة تتفنن بالطباخ الزين جدام اهل زوجها وبعد ما اوصيج بكشختج والريحة الحلوة والبخور اللي يهفهف بالبيت بعد ما يبيله وشوفي بالاخر ان ما امدحوا فيج انا حمولتي قعدوا يمدحون فيني شهر عقب عزيمتي لهم وانشالله موفقة حبيبتي

[الاسم]

يعطيك الف عافيه حبيبتي الدلوعه موضعك كثير مفيد

ولكن انا لي 4 سنوات متزوجه وانا اعيش مع اهل زوجي

وهذي اول مره يسافرون فيها الاهل وقريبا سوف يعودون

وحبيت اعمل لهم مفاجئه بس ما اعرف شنو اسوي

افيديني ولكي خالص شكري وتقديري وتسلمي