موقف مضحك صار لزوجك تعــــالي خبرينا

[*نسمـة الصبـاح*]

بنات بدخل في الموضوع على طول ......

احيانا الضحك وسيله لتنفيس عن الهموم والمشاكل واحيانا تصيبنا حاله هستيريه من الضحك

والاروع اذا كان رده فعل لموقف صار لزوجك ...

ارجعي معي بذاكرتك اشوي واحكي لنا عن مو قف لزوجك ما قدرتي تمسكين نفسك عن الضحك

وايش كانت رده فعله وانتي عندك الشجاعه تذكرينه كل شوي بموقفه..

انا ببدء وبقولكم موقف صار لوحده قريبه مني..

تقول في يوم من الايام حبيت افاجئ زوجي واسوي له مفجاءه

شريت الاضاءه الي ترشينها على جدران الغرفه كلها وتعطي جو خيال هذى بتصوري ما دريت انه بينقلب علي

الموهم تقول انتظرت زوجي لين ينام وبعد مده بسيطه نام لانه كان جاي تعبان حيل

مسكت الانوار وكسرتها ووزعتها على كل جدران الغرفه كلها ومن فوق بعد

صارت الغرفه كنها فضاء..و رحت تكشخت وصرت انا دي عليه بصوت رومنسي وهادي

ابيه يصحى بدىيفتح عينه شوي شوي وانا مبسوطه وشاقه الخشه بعد من الوناسه

وفجاءه الرجال نقز من السرير ويصرخ استغفر الله استغفر الله وانا مدري وش السالفه

الموهم وصل عند باب الغرفه وسجد وانا متنحه مادري وش السالفه رحت له وقلت له فلان

وش فيك قال القيامه القيامه...

طلع الرجال صحته الحرمه وشاف الفضاء على باله انا جدران بيته طاحت والنجوم والكواكب بدت تطيح عليه خش جو ههههههه

قالت له انا حبيت اسوي لك مفاجاه قال بلا مفاجات بلا خربيط
صارت رده فعله قويه وزعل علي ساعات بسيطه

وما قدر ينام الا والنور يشتغل الله لايعيدها من فكره لا قدرت انام عشان النور
ولا فيه سهره بعد هههههههه

بس من جد مو قف كل ما ذكرته قلت له القيامه هاه ههههههههه


انا باقولك على موقف يمكن مو مثل موقف صديقتك بس هو اللي طاريني الحين يوم كنت انا وزوجي بمطعم في ماليزيا وكانت جنبنا وحده بريطانيه مع بنتها زوجها وجالسين يسولفون معانا المهم اختك في الله تعرف معني الكلام بس مااعرف ارد بالانجليزي قامت سالت الحرمه زوجي قالتله انتم من وين ؟ قالها يو اس اي يعني امريكا جلست اضحك انا وتقوله من جد انت امريكي هههههه المشكله زوجي طخت سعودي واسمر يعني لو من افريقيا تهون ههههههه امزح المهم ترجع تكرر السوال وهو مصر علي موقفه وانا اضحك يقولي هالمراه غبيه مو مصدقه اني سعودي تحسبني شكلها لبناني ههههههههههه ضحكت قلتله ياذكي انت ماقلت ksaولليوم اذكره ويجلس يضحك لانه تفشل قدام المراه وزوجها والحلو تقوله من اي ولايه يقولها مكه خخخخخخخخخخخخخ

انا مرة كنت بمكه وبتوسعه كنا نتمشى بعدين زوجي ناداها واحد من جماعته وقال لحظه رحت انا اسلم ع مرته وهوجلس شوي ثم قمنا نتمشى الا البنات يضحكون علية الي بتوسعه ويطالعون وراة يوم طالعت الا الرجال جالس ع عصير برتقال صاير تقل ---------- فهمتوانا رحت بعيد عنه فشله
ومرةكنا بطايف بسوق الي حول منتزة الملك فهد الله يرحمه وكنا نتمشى زوجي يدف العربيه الي فيه ولدي وبعدت شوي عشان بشتري عصير وجايتك طايرة ع زوجي الاصديقه شافه بصدفه ويبي يخمه من ورى خمنا كلنا من ورى وزوجي صار

يا الله بنات شاركونا بمواقفكم خلونا نفرفش شوي

[اماني الشرق]

هههههههههههههههههههههههه الله يسعدك
مرة زوجي صار له موقف محرج راح للحج وفي الحج مر على كبينة هاتف بيكلم فيها لقي كل الكباين مليانة
المهم جاء وقف في الصف ينتظر دوره في المكالمة لحد ما جا دوره وطول في المكالمة وكان بعده واحد مصري مليان وطوويل قوي البنية ينتظر دوره لما شاف زوجي تأخر في المكالمة قاعد يدق عليه وينبهه اكثر من مرة وزوجي على كلامه منهمك في المكالمة اخر شي ماحس الا والمصري شايل زوجي شيل في الهواء ورماه برى الصف ودخل مكانه يكلم لما زوجي قال لي الموقف بغيت اممووت من الضحك عليه ياحليله
اتمن يعجبكم الموقف

[أليـــن]

هههههههههه مواقفكم مره حلوه ويعطيك العافيه اختي
والموقف كان بنفاسي وكان اهو بزياره لي والمهم كان
جايب علبة حلويات كبيره مره وشايلها ومتحمس وانا كنت
في الطابق العلوي واقفه على الدرج استنى يرقى الدرج
المهم يجي هو طاير ويطيح ذيك الطيحه اهو وحلوياته
وشماغه وسميت عليه بس ماقدرت امسك ضحكتي
واللي زود الضحك انه زعل يعني كل الناس تطيح
مدري ليه زعل..المشكله كان ابوي فيه عشان كذا تفشل
ههههههههههههههه والله الحين قاعده اضحك هههههه

[{~جوود~}]

ههههههههههههههههههههههههه

والله عجزت أسكت من الضحك بسبة مواقف ازواجكم أتخيل أشكالهم ......

بالحالي في الصالة أضحك كأني مجنوونه ...

خلووووووووووني أقوووووووول لكم موووقف صار لنا انا وزوجي من زماااان ..

يمكن من مدة 8 سنواااااات ......

كنا أنا وزوجي رايحين نتعشى في مطعم عازمني بمناسبة انتهائي من الإمتحانات .. طبعااا المطعم من المطاااعم

الكبيره الغالية ... الموهم خلصنا عشانا وحليناااا والحمد لله ..

عاد زوجي قال انه بيطلع يغسل ويرووح يحااسب وقال لي إذا خلصتي مغسلة الحقيني

طبعا هالكلااام قاعد يقوله لي واحنا في طاولتنا لسه ما تحركنااا .. قام زوجي بيطلع يغسل ..

طبعا حرك الحااجز عشان يطلع وكانت الحواجز من قزااااز ... فلما حررركه عشان يطلع .. ويطيح الحاااجز بكبره

ويتكسررررررررررررر القزااز.. زوجي طايره عيونه منفجع ما يدري وش اللي صااار .. وانا الحمد لله اني قد

غطيت وجهي بغطاي لأني كنت ناويه أطلع لدورات المياه عشان أغسل ولّا كان شافوني كل خلق الله ..

عاد انا فيني ضحك ما ني قاادره امسكه واللي جنبنا أسمع ضحكهم .. وموظفين المطعم جووك طايرين كلهم

حتى مديرهم وكلهم يقولوون بسيطه بسيطه ما حصل إلا كل خير .. وينادووون واحد يكنس القزااز وانا احط رجلي للمغاسل ..

وامشي وانا اترنح من الضحك ما قدرت امسك نفسي وبنفس الوقت أحمد ربي انه ما طاح إلا بعد ما خلصنا

عشى ولا كان خربت العزيمة هههههههههههههه ... وسلااااااااااااااااااامتكم ...

وتسلمي يا صلااااااااااااااتي على هيك مووووووووووووضوع