الله على وقتٍ مضى كنت انظم الشعر الجزيل
واليوم لا لديت له دمعي على خدي هما
كنت انظم ابياتي على المسحوب وابحر فالطويل
وتاخذني الحون الهجيني من مكاني للسما
تعال ياعذب القصيد وخل شعباني تسيل
وتفوح ريضان الخفوق بكل نبتٍ به نما
وحشتني واشواق قلبي كلها نوح وعويل
تبي وصالك والظروف اعيتها بليه ولما
احتاج لك والنبض لك في خافقي يصهل صهيل
والود يجري في شراييني مثل جري الدما
لا ياخذك شك بغلاك وتصبح بوصلك بخيل
والله ماغيرك بسهم الحب للخافق رما
يعني كذا يرضيك اضيع بعالمك مالي دليل
وتغدر بي الاشواق ياعمري واموت من الظما
وانت الذي يمديك تطعمني مذاق السلسبيل
دخيل عينك اسعف الخافق ولو رشفات ما
رد مع اقتباس
مواقع النشر