بسم الله الرحمن الرحيم
الطريقة دى من اختراعى استخدمت فيها البطاطس وهى طعم مختلف لطعم البيتزا لكن طعم حلو وجديد
مقادير العجين
3 كوب دقيق – 1 ملعقة كبيرة خميرة فورية – 2/1 ملعقة صغيرة B.B - ملعقة كبيرة سكر – 4/1 كوب زبادى – 4/1 كوب زيت – الماء حسب العجن – 1 ملعقة صغيرة ملح
نمزج النواشف مع بعض ثم نضيف الزيت والزبادى ونخلط كويس لحد ما الدقيق يتشرب الزيت والزبادى ثم نضع الماء بالتدريج حتى تكون عجينة لينة تلزق بالايد شوية ومع العجن ستكون عجينة سهلة التشكيل ولا تلتصق بالايد ثم تغطى وتترك لتخمر لمده ساعة
مقادير الحشو
3 بطاطس وسط تقطع دواير رفيعة - بصلة كبيرة شرايح - ملح - فلفل اسود - زعتر - رشة سكر - زيت -جبن موزريلا
الطريقة مع الصور ان شاء الله
1- فى طاسة نحط البصل مع رشة ملح ورشة سكر ونقلب وشوية زيت صغيرين جدااا لحد مايكرمل البصل
2- فى طاسة تانية نحط شوية زيت زيتون ونحط البطاطس وعلى نار هادية نحاول نسوى البطاطس مع الاحتفاظ بشكلها ونضيف رشات من الماية ونقلب براحة علشان البطاطس متتكسرش ونضيف الملح والفلفل الاسود والزعتر
3- نجهز صوص البيتزا فى طاسة ندبل فيها بصلة صغيرة مع فصين توم وزيت زيتون ونحط صلصة الطماطم والزعتر والملح نفرد العجين ونحط الصلصة
4- نبدأ نرص البطاطس فوق الصلصة
5- نحط البصل المكرمل فوق البطاطس
نرش الجبنة الموزريلا فوق الوش وتدخل فرن حار 200 درجة لحد ما الجبن يسيح
ودى صور البيتزا بعد ما طلعت من الفرن
وكمان دى صور وقت التقديم
ان شاء الله تكون الفكرة والبيتزا عجبتكم وحستنى الردود الحلوة والتقيم
مواقع النشر