السلام عليكم يابنات
اليوم راح أنزلكم ملف للمقبلات والسناك وان شاءلله يعجبكم


1~ صينيةالبطاطس بالكريمة~





3 بطاطس متوسطة الحجم مقشرة ومقطعة دوائر متوسطة السمك
كوبين كبار كريمة سايلة
فص واحد ثوم
ملح,فلفل اسود,بابريكا
للتغطية:
جبنة موزاريلا + رشة اوريغانو
...
الطريقة
نبدأ نصف البطاطس في الصينية..





ناخذ الكريمة والملح والفلفل والبابريكا والثوم ونخلطهم في الخلاط مضبوط
ونصب الخليط على البطاطس وتغطى بالقصدير ونعمل فيه شقوق...





وتدخل الفرن على حرارة 350 درجة فهرنهايت...لمدة نص ساعة بالضبط ..لما تحسين البطاطس استوت
بعدين نشيل القصدير ونرش الجبن الموزاريلا والاوريغانو...
وندخلها الفرن ونشغل الشواية عشان تتحمر من فوق





وتقدم كطبق جانبي.....


2~ معجنات ال Pretzels ~


العجينة





1 ملعقة كبيرة خميرة
1 ملعقة كبيرة سكر
ربع كوب ماء فاتر
في بادية صغيرة، نخلط هذي المقادير مع بعض و نخليها على جنب 5 دقايق عشان تنفش...باقي مقادير العجينة...





3 أكواب طحين
إصبع زبدة بحرارة الغرفة





ربع كوب سكر
كوب كريمة خفق
صفار 3 بيضات و نحتفظ بالبياض عشان ندهن فيه وجه المعجنات
نص ملعقة صغيرة ملح





أول شي نفرك الطحين مع الزبدة لحد ما يصير مثل فتات الخبز، بعدين نضيف له باقي المقادير مع الخميرة
و نعجن...




بتصير عندنا عجينة ناعمة و متماسكة... تغطيها بورق نايلون و نخليها تخمر في الثلاجة عالأقل 12 ساعة





أنا سويت نوعين من العجينة، نص مالح و رشيت عليه خلطة مكونة من:





ثلث كوب جبن بارميزان مبشور
ملعقة صغيرة ملح الثوم
نص ملعقة صغيرة أوريغانو
و النص الثاني سويته حلو، و رشيت عليه هذي الخلطة:





ربع كوب جوز هند
3 ملاعق كبيرة سكر بني
1 ملعقة كبيرة سكر عادي
ربع ملعقة صغيرة دارسين "قرفة"
وهذي الخلطتين مع بياض البيض





الحين ناخذ قطعة من العجينة و نبرمها بين اليدين مثل طريقة الصلصال وتلف كما في الصور..





نصف المعجنات في صينية فرن و ندهنها ببياض البيض، و نرش عليها من الخلطات اللي سويناها...





ندخل الصينية في الفرن على حرارة 350 و لمدة ربع ساعة... أنا خليتها 10 دقايق من تحت بعدين
ولعت عليها من فوق عشان تتحمر...





و حلو تتقدم كسناك ...






3~ فناجيل الدجاج المحشية~





صدرين دجاج تكفي لعمل 10 فناجين او اكثر شوي
حبة بصل
ضرس ثوم
ملعقة عصير ليمونة
تحط كل هالمكونات بالفرامة اللي تستخدم للبصل








وبعدين تحطينها في صينية العجن وتضيفين ليها ملح و فلفل اسود وشوي يهارات مشكلة وتضيفين لها بازلاء حبوب اما تكون مثلجة
و شرائح جزر تبشرينها ببشارة الجبن و قطع صغيرة من الزيتون الاخضر





وتخلطينهم زين وبعدها تجيبين فناجين القهوة وتحطين بيها هالخليط بس تحاولي تتركي تجويف بالنص عشان الحشو





وتحطينها في طنجرة البخار
يعني تحطين الفناجين في الطنجرة العلوية وتكون في الطنجرة السفلية موية طبعا

وتخليهم حوالي من 35 الى 40 دقيقة
وما تخافوا ترى الدجاج ما يلصق بالفنجان بمجرد ما يتماسك يتحول بسهولة

بعد ما تستوي الفناجين نجي للحشوة




تحشينهاكانت عبارة عن بطاطس وجزر مقطعين صغار وسلقتهم بمويه ومكعب ماجي مده 10 دقايق وصفيتهم ثم
اضفت عليهم جبنه كرافت السايحه ومازوريلا وقليل مايونيز وتزينيها بجبنة موزاريللا من فوق
وادخليها الفرن وتقدم فورا







4~ كرات الزيتون ~



1ونص كأس جبن حلوم مبشور
2علبة جبن تشذرالحجم الصغير مبشور
2حبة جبن كيري
كأس ونصف طحين
حليب للعجن



تعجن المقادير حتى تصبح قاسية نوعا ما


وتحشى بالزيتون الكامل




~
وتكور





وتغمس في البيض والبقسماط وتقلى
وقدمت معها زبادي بالثوم








5~ مربعات لذرة ~







المقادير ..
420 غ كريم الذره الحلو ..(انا جبت قوطي الذره العادي وخلطته بالخلاط بس تحصلينه فالسوبرماركت الذره
مخلوط في معلبات )
3 ملعقه صغيره ملح
1 ملعقه صغيره فلفل أسود مطحون
1 و ثلث ملعقه صغيره بيكنج بودر
3 بيضات حجم كبير
1 كوب طحين
1 ملعقه كبيره فلفل أخضر حار (اختياري)
كزبره خضرا مفرومه
60 غ زبده ناعمه مقطعه مكعبات صغار
1 كوب فلفل حلو مبشور
1 كوب جبن مبشور شيدر


الطريقه:





تخلط كل المقادير مع بعض خلاط الخضروات




و بالملعقه


تدهن القوالب بالزبده ويصب المزيج



وتوضع القوالب فالفرن على درجة حرارة 350 لمدة 20-25 دقيقه



~ وجبة البطاطس الاحمر ~


بطاطس احمر + بزاليا + زيتون + جزر + بصل احمر + فلفل بارد + خيار + جبن مبشور


بطاطس احمر نقطعه مكعبات ونسلقه و نسلق البزاليا..
نقطع الجزر - الخيار - الفلفل - البصل . حسب الرغبه


جبن مبشور



نخلطهم مع بعض ثم نرشهم بالفلفل الاسود والنعناع المجفف وزيت الزيتون والخل ..





وقدميها مباشره



~ شرايح البطاطس بالصلصة والجبن ~


عباره عن شرائح من البطاطا المقليه ((تكون سميكه شوي
ندهنها بطبقه خفيفه من صلصة البيتزا
ونرش عليها الفلفل الحلو (الفليفله) المفرومه والزعتر المجفف



ندخلها الفرن حوالي عشر دقائق لحد ما يدبل الفلفل شوي وتجف الصلصه وبعد ما نطلعها من الفرن



نجيب جبنة الشرائح ونقصها شرائط رقيقه ونزين بيها الوجه


وتبدا تدوب من حرارة البطاطا وتعطينا شكل رائع


ونقدمها

~ كابنية الروبيان البانية~








روبيان جامبو كيلو منظف ويترك الذيل
ينقع في بصل مبشور وثوم مبشور وزنجبيل مبشور
وعصير ليمون وملح وفلفل أسود لمدة ليلة وبعدها يغطس بالطحين والبيض والبقسماط ويقلى



وزين بأعواد الأسنان ويثبت فية خيار وطماطم شيري وجزر وزيتون مخلل ويقدم معها صوص التاتار


8~ سلطة الخضار المشوية ~





بطاطس أحمر
بيبي ذرة
فطر طازج
كوسة ماجت الا متاخر
خل بلسميك
أريغانيو
الطريقة





نقشر البطاطس ونقطعها حلقات ونظف الفطر بالمنديل ونشيل الجزء السفلي ونقطع الكوسة حلقات



نتبلها بخل البلسميك والملح والفلفل الاسود والاريغانيو


ونشويها على المقلاة بالترتيب






ونجمعها في صحن وأذ بغيتي صبي عليها أي صوص وقدميها





9~ سلطة الافاكادو والجرجير ~


جرجير
طماطم شيري
ثمرة أفوكادو
الصوص
عصير ليمونة ~ زيت زيتون ~ ملعقة خل بلسميك ~ ملح ~ كمون مطحون


نضع الجرجير في صحن التقديم ثم نرتب حبات الافو كادو بعد تقطيعها ونرص حبات الطماطم على جوانب السلطة
نخلط مقدار الصوص ونصبة على الوجة وتقدم



منقول