تفضلي يا خانم عالصبحية الشامية.....شرفي

[Ghofran 74]

الف مبروووك ياحلوة الموقع الجديد وانشالله بالتوفيق يااارب

اختك غفران

[طبوش]

صباح الخير ياأخواتي الغاليات
الظاهر الحال من بعضه كل وحده فينا ملتهية ببيتها وبحالها وأحوالها مشان هيك كلنا متأخرين عن الدخول على الكافي الله يكون بعون الجميع
بالنسبة لي الحمد لله يوم الجمعة كنت نايمة وفجأة صحيت على صوت عموري عم يبكي قمت لشوفه ولا الصبي الدم عم يشر من جبينه واقع وممجروح جبينه وركض على المستشفى أنا وجوزي والله يابنات ما بعرف شو صرلي بدني كله صار يرجف هي أول مرة بشعر بهيك شعور خفت كتير
المهم بالمشفى قلي الدكتور الحمد لله ما يحتاج قطب بس وضعله مرهم وفوقه لزقة وقلي خليها خمسة أيام وكتبله على دوا
وامبارح يابعدي قلنا بدنا نشرب قهوة المغرب لسه ما شفيت أول شفة كان عموري وقع فنجان أبوه ودلق القهوة على بطنه بس الحمد لله أجت سليمة
والله يابنات مابعرف شو قصة هل ولد وشو الله عم بصرله عم بقراله قرآن وعم بحطات كتير بس المكتوب ما منه مهروب الله يحميه ويتداركه باللطف

[طبوش]

غروبة الحمد لله على السلامة كيف كانت زيارتك أن شاء الله انبسطتي كف الأهل وسوريا
والله كتير مشتهية أنزل على سوريا من ضيق الخلق والملل اللي هون بالغربة
خبرينا كيفها بنوتك وكيف وضعك أانت وجوزك

[طبوش]

باتي العزيزة شكرا لسؤالك عن صحتي وأن شاء الله ما نسأل عليكي ألا وأنت بأتم الصحة والعافية
ياالله شدي الهمة بدنا نجاح بتفوق الله ييسرلك ويسهل لك كل الأمور