نسمة هذي طريقة ناجحة تاع مقروط اللوز لقيتهالك في منتدى الجلفة
3كيلات لوز يكون ناشف مدة 3 ايام فى جريدة+ كيلة غير اصبع سكر عادى + قشور القارص زيدي عاودي ارحيهم غير شوية فى الروبو + 2 صفار بيض وتخلطي غير بشوية حتى تتحصلي على عجينة شوية طرية وادا مكفاوكش 2 صفار زيدي بالبيصة وشوفى السر فى كل الحلويات الجزائرية باش تنجح لا زم العقدة ترتاح اكثر من 4 ساعات خليها ترتاح ليلة كاملة فى ساشي غدوة من داك شكلي حربوش ودردري الفرينة شووووية فوق الطابلة وشكلي الحربوش مليح قطعى معينات قيس 2 اصابع ديريه فى الفرن مدة 10 دقائق فقط
ليلة قبل حضري سيرو بارد كيلة ماء الزهر + 2 كيلات سكر رطب كي تخرجي المقروط من الفرن اغطسي الحبات فى السيرو وخرجيهم وتكونى داير السكر رطب فى ساشي اغطسي الحبات فى السكر رطب مدة 7 دقائق وخرجيهم بواسطة صفاية زيدي دردري عليهم السكر رطب والله يجي يدوب فى الفم عندي الصور لكن عندي مشكل مع موقع العملاق وليت منقدرش نحمل الصور . جربوه اوماتندمووووووووووووووووووووووووش
ربي يفرج على سوريا من بنات الجزائر (79)
ضوابط المشاركة
مواقع النشر