ابي اعرف كل شي يخص سوريا ضروري جدا جدا

[@طيف الطيوف@]

لكل الي سافرو على سوريا
بعد شي 10 ايام بسافر على سوريا
واريد احلا الاماكن السياحيه والمطاعم
واريد اكل المنسف احلا مكان فيه المنسف اذا كان في الاردن او سوريا
وكيف الطريق من جده الى سوريا لان بنروح خط
معليش بزود الطلبات ::::::: اريد شقق مفروشه وباسعار رخيصه في سوريا ::::
كل شي يهم سوريا والاذقيه وحلب وكمان ابي احلا مناطق الريف ودي ازوره
ارجوكم سعدوني

[غربتي ذبحتني ؟؟]

طيب انا رح جاوبك على كل اسئلتك اوكي بس مشغولة شوي رح ارجع وجاوبك بكل سرور

[هبه الغندور]

http://forum.hawahome.com/t287372.html
http://forum.hawahome.com/t293586.html
http://forum.hawahome.com/t290790.html
http://forum.hawahome.com/t291930.html
http://forum.hawahome.com/t290274.html
وان شاء الله تروحي وتيجي بالسلامه ورحله سعيده ان شاء الله
وان شاء الله البنات يضيفوا لك معلومات اكثررررررررررررر
تقبلي مروري

[غربتي ذبحتني ؟؟]

ري[QUOTEال=@طيف الطيوف@;4151937]لكل الي سافرو على سوريا
بعد شي 10 ايام بمسافر على سوريا
واريد احلا الاماكن السياحيه والمطاعم >>نجي بالبداية دمشق فيها منطقة الزبداني وبلودان المنطقتين كتير حلوين للسكن تقدري تاخذي فيلا ومسبح او حتى شقة وانتي وشطارتك بالاسعار مكان خيالي وطبيعة ومناخ روعة ومطاعم واسواق طيب
نجي مناطق تمشي صيدنايا ومعلولا حلوة كتير وكمان منطقة يعفور وعين الفيجو وبالنسبة لمطاعم الشام عندك الربوة انا بحب توشكا وكمان طريق المطار مطعم القرية والف ليلة وليلة وبوابة دمشق كلن حلوين وفيه كمان على طريق المطار القرية الشامية فيها مطاعم وملاهي واماكن تصوير مسلسلات باب الحارة وكمان على طريق المطار فيهملاهي الارض السعيدة حلوة كمان وفيه على طريق المطار صالة تزلج الاسكيلاند اوكي
واذا حابة تعرفي كمان عن هالاماكن مافي مشكلة
واريد اكل المنسف احلا مكان فيه المنسف اذا كان في الاردن او سوريا ::: بسوريا حبيبتي بيعملو المنسف بس اكيد بالاردن كمان بيعملو وسوريا والاردن مافي بينن هديك المسافة وقلتلك عن كل المطاعم وبالزبداني وبلودان بتلاقي كل طلباتك لانها غالبا مليانة خليجية
وكيف الطريق من جده الى سوريا لان بنروح خط
بصراحة مابعرف انا رحت مرة عن طريق المدينة المنورة كان حلو وسهل ومرة عن طريق القصيم كمان كان حلو الله يسؤلك انشاءالله
معليش بزود الطلبات ::::::: اريد شقق مفروشه وباسعار رخيصه في سوريا :::: قلتلك بقلب الشام مليان شقق مفروشة وانتي وشطارتك بالاسعار يعمي اذا حابة بقلب الشام اسكني بالمزة منطقة حلوة وهادية وكل شي قريب منها واسعار الشقق باليوم بين 4000 او 5000 ليرة لاني مجربة وسكنت كتير بالاجار بالمزة اما اذا بدك الطبيعة والمناخ اكيد الزبداني وبلودان

كل شي يهم سوريا والاذقيه وحلب وكمان ابي احلا مناطق الريف ودي ازوره طيب نبدى بدمشق قلتلك المطاعم والاماكن الحلوة للتمشي الاسواق فيه مولات الي هنن الشام سنتر والتون سنتر والدامسكينو مول
اسواق حلوة باب توما والحميدية روووووعة لازم تزوريها والحمراء والصالحية اممم طبعا والشام القديمة حلوة كتير بيوت الشام القديمة وفيها مطاعم بتجنن
حلب انا مابقدر فيدك كتير لاني ولا مرة زرتها بس بعرف انها منظقة صناعية كتير وفيها اماكن حلوة
اللاذقية رووعة بحر وجمال غير شكل واذا رحتي على اللاذقية لازم تزوري كسب لانها خيااااااال ومنطقة ام الطيور وتروحي على طرطوس على منطقة جزيرو ارواد كمان في جنبها منطقة بانياس كتير حلوة كمان فيها شلالات حلوة
حمص حلوة كمان كتير وفي جنبها منظقة الكفررون روعة كتيرررر
حماه فيها النواعير طبعا معروووفة كتير
وصدقيني كل منطقة الها جمالها
ومنطقة درعا حلوة كتير فيها خضار وطبيعة وسدود الي هي متل الانهار وتعتبر منطقة زراعية وطبيعة بحته
وفي عندك منطقة جنب درعا اسمها بيت جن وسموها هيك لانها فعلا جمال جمال طبيعي ومي وخضرا وتعتبر منطقة اصطياف كمان
ارجوكم سعدوني[/QUOTE] صدقيني كل منطقة الها جمالها وبتمنى تنبسطي بسوريا واي مساعدة انا جاهزة