جتني تقول اليوم يافلان ما بيك ,,, ما عاد لك بالقلب مثقال ذره
حبيت غيرك وانت وش عاد لي فيك،،،دور على غيري حبيب تبره
قلت ارحلي ياللي تبيعين شاريك،،،اقولها يابنت مليون مره
ما دام خنتي عهد من كان مغليك،،، عيب على القلب يمك اجره
والله مرمي عزتي بين اياديك،،، ولا ذل نفسي دام هالنفس حره
ولا طرد سرابك لوه القلب ضاميك،،، ولو هو حداني الوقت برده وحره
وان عاد شفت القلب يتبع خطاويك،،، دفنت قلبي حي وخفيت سره
هذي جزاتي روحي الله يجازيك،،، يالخاينه بالعهد عقب المسره
روحي عسا سود الليالي توريك ،،، طعم المراره والالم والمضرة
وياعل مايطري على القلب طاريك ،،،، ولا شوف لك فالارض يابنت جره
رد مع اقتباس
مواقع النشر