أضرار عصير الفيمتو

[امراءه عربيه]

حسبي الله عليهم
عارفين ان الناس يستخدمونه برمضان اكثر سي
المفر وض مايسون كذا بهذا الشهر الفضيل
والله مهما قالو
ماعتقد ان الناس بتستغني عنه

[amhaade]

ﻻحول وﻻقوة اﻻ بالله
يسلمو عالموضوع

[جوانامراد]

النســـــــكويك مضر بعد!!!!!!!!!!!!!!!!!!!!!!!!!!!!!!
انا احبه :(!
اما الفيمتو ب الطقاق مااحبه كلش الله النعمه !
مشكوره

[الصبر زادي]

بطل الموائد الرمضانية في العالم العربي انتشر عنه ايميل في الفترة الأخيرة التهمة: احتواءه على صبغة مضرة ومسببة بأمراض أو أورام سرطانية –الشر عنكم بعيد ان شاء الله-.
هالسوالف تطلع من الشركات المنافسة لضرب المنتج بطريقة غير مباشرة.
التهمة الأولى
احتواءه على لون أحمر اسمه ألورا – Allura Red AC رمزه العلمي E129 ويقولون اللون مضر ومسرطن.
الجواب
اللون هذا له عدة أسماء وينكتب بأكثر من طريقة:
Allura Red AC
E129
Food Red 17
C.I. 16035
FD&C Red 40
عاد يعطونك بالايميل فيلم هندي الأمراض السرطانية في المعده والكبد والمثانه تزيد بعد رمضان والسبب الفيمتو! كللللههه من الفيمتو ! اهو أكيد ألف بالمايه السبب بكل بلاوي السرطان اللي تطلع بعد رمضان في العالم العربي والإسلامي! زين ما قالوا مخطط صهيوني شيطاني ضد البشرية والمسلمين بالخصوص الكلام هذا كله ما حطوا له دليل، أول مرة اسمع الأمراض السرطانية تزيد بعد رمضان ، وأول مرة أسمع مركز الأورام حذر من الفيمتو وأخطاره، بس الكلام ببلاش والتأليف صاير شغل اللي ما عنده شغل. بعدين في حال كان صج تزيد الأمراض بعد رمضان شمعنى بس من الفيمتو؟ ليش مو من الإفراط بالحلويات والكنافة والبينك بيري والخرابيط والقرقيعان والغبقات والدهون وغيره وغيره؟
التهمة الثانية
اللون الأحمر هذا ممنوع في اوروبا بس حقنا بالدول العربية عادي
الجواب
الكلام هذا يخلط الصح بالغلط ويعطيك الصورة المطلوبة حق كاتب الايميل، أول شي في أوروبا في قوانين عامه حق التجارة مع دول الاتحاد الاوروبي، وفي قوانين محلية للدول وممكن تختلف عن قوانين الاتحاد الأوروبي.
مثلاً اللون الأحمر هذا ألورا اللي يقولون عنه “ما ينصحون” باستخدامه واستهلاكه حق اليهال بس مسموح قانونياً. القوانين المحلية في الدنمارك وبلجيكا وفرنسا وسويسرا يمنعون اللون امبله والظاهر في دول أكثر بنفس الموقف.
بأمريكا اللون مسموح استخدامه بالأدوية والمكياج والغذاء وموافقين عليه إدارة الغذاء والدواء – Food and Drug Administration (FDA
مرة ثانية هذا كله كلام ما عليه دليل ولا نقدر ناخذه ولا نعتمده، شلون نتأكد يعني؟ أنا أقدر أقول عن أي شي فيه مكونات مو مكتوبة ومن ضمنها شي سام مسرطن يخليك تتحول خروف إذا شربته ثلاث مرات بعد الغدا
أكرر واعيد السالفة مو بس فيمتو! أحب أعتبر هالموضوع تبرئة حق الفيمتو من باب انه حاله حال وايد منتجات ثانية يتداولونها الناس طبيعي من غير مشاكل. السالفة تشمل وايد منتجات اللي فيها الألوان المذكورة في الدراسات، شوفوا السكتلز –Skittles والستاربرست – Starburst وككاو الـM&M وكل حلويات الجلي اللي فيها ألوان صناعية.استقصاد منتج واحد بين الكل ظلم وغلط لازم نعرف سببه، فعلاً مو بعيد واحد عنده مصلحه يبي يخسّر منتج على حساب منتجات ثانية.أنا أقول الظليمة شينه