ياهلا وغلا بمن شرفت موضوعي
حبيباتي ..
انا من فترة وانا عندي نية اشتري غسالة اتوماتيك و مجفف
اذا ربي يسر الميزانية ان شاء اللّہ ..
لكن فيه اشياء خلتني اتردد فقلت بسألكم بعض الأسئلة وياليت اللي مجربات يفيدوني الله لايحرمهم اجر ( خير الناس انفعهم للناس ) بما معناه ..
خايفة احط فلوسي وتحويشتي بشي اتندم عليه ..
1- ايش الأفضل من الغسالات
اللي فتحتها علوية و الا الأمامية ؟
2- بعمود والا بدون ؟
3- هل الأحسن يكون المجفف منفصل والا يكونوا متصلات ؟
لان فيـہ ناس يقولون ان
عيب المتصلة : تاخذ وقت طوييييييل لانك بعد ماتغسلين الدفعة البيضاء راح تجففينها في نفس الغسالة فتتأخر الدفعة الملونة
و ميزتها : تغسل الملابس وتجففهم بدون ماتنقلين الملابس انتي للمجفف المنفصل وينقطع ظهرك !!
اما ميزة المنفصلة : فانك تقدرين تغسلين الدفعة البيضاء وتطلعينها للمجفف وفي نفس الوقت تحطين الملونات في الغسالة فتصير كلها في وقت واحد .. وحجمها أكبر تتحمل البطانيات نفرين على عكس المتصلة يكون حجمها صغير
واتوقع النصائح اللي عندكم اكثر وأجمل ..
لكني بعد هالكلام احترت .. !
ويهمني جدا ..
في نوعية الغسالة انها تنظف زين وماتفطع الملابس وتكون صناعتها كويسة .. والمجفف اتمنى نوعية تكوي الملابس وماتكرمشها وتجعدها
ياحلواااات ..
اي شي انا ما انتبهت له اتمنى توضحونه لي حتى انتبه له قبل لا اروح اشتري ولعل غيري بعد يستفيد وتاخذون اجرنا كلنا ..
المعذرة مشرفاتنا ماعرفت وين اعتمد موضوعي
مواقع النشر