يسلمك حبوبةالمشاركة الأصلية كتبت بواسطة طعم الشهد
يسلمووووووووووووووووو اختي الحلم المنتظر
يسلمك خيوتي
واثاااريك من اهل البحرين اجل اكيد منوره ومضووويه لانك فيها
من ذوقك حبيبتي
وماشالله والله افدتيني مره
وهذاني بجيب ورقه وقلم وكتب الاماكن اللي قلتي عنهم ..........
والله يعين زوجي على المشااااوير ههههههههههههههههههههه
هههههههههههههههههههه اذا عندك رخصة سياقة خليه يعطيك السيارة وانتي تفرفري فيها على كيفك
حلات الفراره بدون الرجال
وكيف الاجوووا عندكم الحين ..............؟؟
بصراحة جو السعودية احلى حتى لو الجو عندكم حار ما شاء الله مافي رطوبة مثل البحرين
البحرين في الليل الجو يصير رطب بس النهار حلو ..
بس ابسال كيف استراحه داخل مزرعه وكم سعرها ووين القاء وصفها او رقم لها ...... لانها فكره رائعه
وهل المزرعه من ضمن الاستراحه ..........وتسلمين ياحلى اخت
بعض الاستراحات يأجرونهم مع المزرعة وبعضهم بدون بشوف لك ارقام وبجيبهم
والله ماقصرتي يعطيك العافيه
الله يعافيك .. حاضره لك خيتو
بس تراني بسير عليكم بالبيت ههههههههههه وحده قاااطه
ياهلا ومرحبا تشرفيني والله البيت بيتك خيتو اذا ما يشيلك البيت نشيلك في عيونا
ويسلمووووووووووو
على فكرة نسيت اقول لك ليش اخترت لك اليت سويت والراية
اول شي لانهم قريب من اكبر 5 مجمعات بالبحرين (( الستي سنتر والسيف والعالي والدانة والبحرين ))
ثاني شي لانهم على حدود قرية ومافيهم بارات واشياء محرمة يعني للعوائل بس
بس ترى اليت سويت ياخذون في الليلة 700 ريال تقريبا والراية 600 ريال
يعني اذا بغيتي شي راقي هذيله تمام واذا بغيتي شي عادي في شقق مفروشه يوصل اجارهم تقريبا 200 ريال في الليلة مثل فينيسيا بلازا في ام الحصم وعندهم بركة للاطفال في الدور الثاني واعتقد عندهم جاكوزي اعتقد مو اكيد الجاكوزي بس البركة اكيد موجودة
وعلى فكرة ترى اليت سويت والراية قريب بيت اهلي يعني خلي ابو الشباب نايم مع العيال ونطلع ندورانا وانتي
اي صح نسيت اقول لك في البحرين يوم عيد الاضحى ناخذ للأطفال مثل الزرعه في سلة يسمونها في البحرين ضحية وبعضهم يسمونها حية بيه .. ويروحون الاطفال عند البحر ويرمونها في البحر
حركة حلوة ويهال وايد يتجمعون على البحر ويسوونها
قولي لي كم عدد اولادك وانا بييب لهم وبوديكم البحر وبراويكم المنظر واذا اخواني ماعندهم شي يوم العيد بخليهم يطلعونكم لفه في البحر عندهم قارب حلو بس انا ما بطلع معاكم >> اخاف <<
شوفي صورة الحية بية او الضحية
وهاي صور اطفال يرمونها في البحر
اي صح واذا صار الجو حلو يوم ثاني العيد بنطلع الليل البر بنستأجر مخيم للفجر شوي ولعب ووناسة
ادري قاعده تقولين هذي بتهبل فيني بس صج ترى طلعاتي مجنونة لكن وناسة
واذا بغيتي تخيمون في البر عائلي بدوني عادي بييب لج ارقام مخيمات للايجار
ياربي ترزقني قمور مثله ياااااااااااااارب 
رد مع اقتباس
مواقع النشر