(الجزء الثالث)
&
&
&
&
&
&
&
&
ملاك راحت مستعجله ولمى قديها في نص الحوش خرج تركي من المقلط اللي برى عشان يفتح
ملاك إخترعت ورجعت بس طاحت وكانت تحاول تكتم الصيحه لكن تركي إنتبه وطالعلها وهي تحاول تقوم كان يتمنى يساعدها لأن الطيحه قويه بس رجع المجلس وقال لفيصل عشان يدخلها جوه المهم ساعدها ونادى أمه
أم فيصل: وي بسم الله على بنتي وش صار وكيف طحتي
لمى رجع فيصل راح تركي يفتح الباب
دخلت العمه ودخلت معاها أمة لا إله إلا الله كلها كانوا عيال أولادها كثير بسم الله ماشاء الله كان كل مايجي واحد لازم يجي معه شريك يعني كانوا توائم.....
ملاك قاعده تصارخ من رجلها ومو قادره توقف عليها قامت أمها إتصلت على فيصل ياخذها أي مستشفى طبعا تركي سمع بالسالفه وأخذهم أقرب مستشفى لمى وصلوا تركي على طول نزل من السياره وراح يجيب كرسي متحرك عشان ملاك
وبعد ماسووا الإجراءات دخلت عند الدكتوره
فيصل وتركي قاعدين ينتظروا برى
الطبيبة: سلامات .. إسمك ملاك مش هيك؟
ملاك (بألم): إيه
الطبيبه: أي رجل بتوجعكي؟
ملاك: اليمين
الطبيبه: أوكي بدي شوفها
ملاك: تفضلي
الطبيبه: كيف وقعتي؟
ملاك: وأنا أجري
الطبيبه: لا بسيطه بإزن الله
ملاك: وش فيها يادكتوره؟
الطبيبه: لأه ماتخافي شوية رضوض إسبوع أو تنين بالكتير بتكون رايحه
ملاك (بصوت واطي): والله ورطه
الطبيبه: شو قولتي؟
ملاك: بس يادكتوره ما أقدر أمشي عليها
الطبيبه: هوا فيه عصبه في الكعب إنلويت ولازم تعملي مساج كل يوم وراح تحسي بألم بس تصبري إزا بدك تروح وهلا بأكتبلك عن مرهم كتير بيريح وراح إعطي أخوكي بس لمى تناديه النيرس
فيصل : السلام عليكم
ملاك+الطبيبه: وعليكم السلام
الطبيبه: أنا كتبتلا لملاك عن هالمرهم راح يفيد معها
ملاك: وكم مدته؟
الطبيبه: هيك شي إسبوع
فيصل: شكرا دكتوره
الطبيبه: الله معكن
خرجوا من العياده وشافهم تركي
تركي: إنشاء الله خير؟
فيصل: الحمد لله شوية رضوض
في طريق العوده...
فيصل : تركي وقف عند الصيدليه إللي هناك أبي أصرف الدوا
تركي: إبشر
فيصل نزل وبقي تركي وملاك
تركي: ماتشوفي شر
ملاك متفاجئه: الله يسلمك
بصراحه تركي ماكان عارف ليش تكلم لكنه حب إنه يكلمها ولقي إن هذي هيه الفرصه المناسبه
(ودخل فيصل.......)
فيصل: ملاك خذي أدويتك ولازم تلتزمي بالوقت وبكلام الطبيبه
ملاك: .......
فيصل: ملاك سامعتني
ملاك: إنشاء الله
ملاك حست بشوية اهتمام من تركي وقدرت تفسر هالاهتمام من كلامه لها ومن نظراته.....
عند البيت ملاك تذكرت إن عمتها وعيالها وزوجات عيالها وبناتها وأولادهم باقي موجودين فضاق خلقها لأنها كانت مره مرهقه نزلت من السياره ونادت فيصل
ملاك:فيصل تعال أبيك
فيصل:نعم
ملاك: مابي أدخل الحريم مره كثير
فيصل:وإذا؟
ملاك:لا مالي خلق ما أقدر أدخل عليهم كذا
فيصل:ووين تبي تروحي؟
ملاك:تكفى أي مكان لين يروحوا
فيصل:وإذا سئلت أمي ليش تأخرنا وش اقول لها؟
ملاك:أنا بكلمها
فيصل: أوكي إنتظري شوي بكلم تركي عشان آخذ المفتاح
ملاك:بسرعه عشان رجلي تعورني
تركي كان عنده مشوار لكنه قال لفيصل يوديه للمكان اللي هو يبيه وبعدين هو يتصرف
في السياره تركي فتح الراديو
وكانوا عارضين راشد الماجد سلامات
سلامات حبيبي مو على بعضك سلامات
سلامات أشوف الحزن ...... شوفوا الصدفه
المهم وصل تركي المكان اللي كان متواعد فيه مع فهد
بس دور عليه مالقيه كان مايرد عليه وقعد يدق ويدق إلين شوي ويطلع الزر بس برضه مافيه فايده دق على ياسر
ياسر: هلا والله
تركي: هلا ياسر كيفك؟
ياسر: وينك يارجال ماعد نشوفك
تركي: احنا موجودين إنت اللي وينك
ياسر: كل وقتي بها النادي أتدرب تعرف السفره قربت
تركي: الله يعينك
ياسر : ويعين الجميع....فهد كلمك؟
تركي: هذا أنا أدق عليه مايرد
ياسر: متى آخر مره كلمته؟
تركي: أمس إتفقت أنا وياه على أساس نتقابل بس رحتله مالقيته
ياسر: غريبه.... فهد أكيد فيه شي
تركي: مادري بس أقولك عندي حل مر علي عشان نرحله البيت
ياسر: وسيارتك؟
تركي: أخذها فيصل
ياسر: أوكي وينك انت؟
تركي خبر ياسر بمكانه وراح هو وياه لبيت فهد
فيصل: تركي لايكون أزعجناك بس
تركي: أفا عليك بس إحنا اهل
فيصل: ماتقصر أخوي
تركي: خلاص روحوا اللحين وانا بنتظر واحد من الشباب
فيصل: اوكي مع السلامه
تركي: مع السلامه وانتبه لسيارتي
فيصل:اكييييييد بتوصي حريص ههههههه ياله
فيصل: شفتي أحرجتيني مع الولد وش اسوي فيك
ملاك: لاتقعد تتمنن علي
فيصل: آخ لو شفتيه لمى قلتله ملاك متضايقه أعطني المفتاح طلع المفتاح بسرعه من جيبه وأعطاني
ملاك: وش تقصد؟
فيصل : لا ما أقصد شي بس حسيت إنه كان مهتم شوي
ملاك: ردة فعل طبيعيه الطيحه جت قويه بس كان شكلي مره يفشل
فيصل: من الركاده الزايده اللي فيك هههههههه
ملاك:هههههههههه
فيصل: تبي تشوفي الشقه اللي استأجرناها
ملاك: ليش لأ
فيصل: مافي بتشوفينها معاهم بعدين خخخخخ
ملاك: ياشينك
%%%%%%
تركي راح مع ياسر عشان يشوفوا فهد لمى وصلوا بيته دقوا الجرس وطلعت الخدامه قالتلهم فهد وينه بس تركي سمع الخبر وماصدق لأن فهد كان طالع هو وأبوه وصرلهم حادث بالطريق ركب السياره وراحوا المستشفى
(في استقبال المستشفى)
تركي: السلام عليكم
الموظف :وعليكم السلام أي خدمه؟
تركي: إيه أخوي أمس صار حادث لواحد صاحبي هو وأبوه وقالولي إنهم نقلوهم عندكم أبي أعرف وش صارلهم؟
الموظف: جانا أمس أكثر من حادث وما أدري أي واحد فيهم أعطيني الأسماء
تركي: فهد و......
الموظف: إييييه عرفتهم
تركي: تكفى وينهم الحين؟
ياسر: حصلهم شي؟
الموظف: لا تطمنوا الإصابه جت بسيطه ومافيها أي ضرر الحمد لله
تركي + وياسر: الحمد لله
الموظف: بس موعد الزياره انتهى تقدرون تشوفونهم بكره الساعه 2 الظهر
ياسر: أوكي مشكور أخوي
++++++++++
دقت أم فيصل
فيصل: ألو
أم فيصل: هاه بشر وش جرى معكم ؟
فيصل: نوموها بالمستشفى
أم فيصل: من جدك؟
فيصل: لا والله أمزح شوفيها معي زي الجنيه مافيها شي
أم فيصل: إستح على وجهك أعطني أكلمها
ملاك:هلا ماما
أم فيصل: كيف رجلك الحين
ملاك: الحمد لله خفت شوي
أم فيصل:إيه الحمد لله ليش تأخرتوا؟
ملاك:خلاص واصلين إلا عمتي باقي موجوده؟
أم فيصل: مسكينه ماراحت إلا وهي تسأل عليك تبي تشوفك
ملاك: خيرها في غيرها ههههه
أم فيصل: إنشاالله يالله مع السلامه
ملاك :مع السلامه
وصلوا البيت وكان تركي عند الباب يكلم بالجوال نزل فيصل يفتح الباب لملاك
تركي: ماودكم تجون؟
فيصل: هذا إحنا جينا
تركي: لا أوصيك سيد على شوتايم
فيصل: أفا توصي حريص هههه
أخذهم الضحك والسواليف ونسوا ملاك بالسياره وقفلوا الباب
ملاك كانت بتموت خوف
دقت على فيصل
ملاك: طيب والله لأردها فيك ناسيني بالسياره إنت ووجهك وكمان داخل البيت ومحد مثلك
وقفلت الخط وشوي وفيصل جاي يضحك
فيصل: هههههههه وربي شكلك يضحك
ملاك: سخيف
وتركي جوه ميت ضحك من أللي سواه فيصل في ملاك
المهم كانوا يتجهزوا عشان يروحوا الفندق وصلوا هناك وكانت الساعه متأخره حوالي وحده دخلوا الغرف ورتبوا أغراضهم
راويه: صراحه الفندق هذا ولا خمسه نجوم مرره يجنن
روان: اللللله تعالوا شوفوا المنظر من الشباك خيال
سمر : شفتوا لينا وين؟
ملاك: يمكن عند ماما
سمر: لا مو عندها ولا في الريسبشن ولا عند بابا
ملاك: وين راحت هالخبله طيب سألتي فيصل
سمر: مو موجود
روان: ياعيني على الرومنسيه تدوروا عليها وهي مع حبيب القلب عبدالرحمن بالحديقه
راويه: تعالوا شوفوا أشكالهم والله لايقين على بعض
سمر: باي أنا بروح
ملاك: على وين؟
سمر: بسوي تخريب جو وارجع
ملاك: نذاله
روان: هههههه أحسن عشان يعقلوا
راويه: حرام عليك وش ذنبهم أطفال وعايشين حياتهم مصيرهم يكبروا ويفهموا
روان: لكن لينا وعبدالرحمن ما أظن
ملاك+راويه: هههههههههه
روان: تعالوا بسرعه شوفوا سمر رايحتلهم
سمر جت عند لينا وعبدالرحمن وقعدت بينهم
سمر: اللله الجو مره حلو
لينا: بس يمدحوا المكيف
سمر: عبدالرحمن شفت سيارة الإسكريم اللي بالشارع الثاني
عبدالرحمن: إيه
سمر: فز اشتريلي واحد
عبدالرحمن: لينا تبين واحد؟
سمر: لا ماتبي يلا بسرعه قبل يروح
لينا: ليش أبي واحد
سمر: لا مايسير الأطفال ياكلوا اسكريم بالليل
لينا: وإنتي؟
سمر: أنا مو طفله
لينا: بس أنا ابي واحد
سمر: خلاص قلتلك مافي إسمعي كلامي
لينا: طيب أنا بروح أعلم بابا عليكي
سمر: أجي معك ولا مايحتاج
لينا: أف
سمر: بنات 2008 مايجي معهم إلا العين الحمرا
وبعد شوي:
عبدالرحمن: لينا وينها؟
سمر: تقول زعلانه منك
عبدالرحمن: بس أنا ماسويت لها شي
سمر: هات الإسكريم واقعد معاي لين أخلصه
عبدالرحمن: هي دخلت الفندق؟
سمر: لا وقفت تكسي وراحت بالله عليك وين بتروح يعني
عبدالرحمن: ماسألتيها ليش زعلت مني
سمر : امممممم لأ
عبدالرحمن: انزين بدق عليها
سمر: لا لا لا اشفيك انت صاحي اقولك البنت زعلانه منك ماراح تكلمك لو قعدت تدق من الحين للسنه الجايه
عبدالرحمن: والحل؟
سمر: الحل عندي اصبر أنا بتفاهم معاها بس أهم شي ماتتصل عليها أوكي
عبدالرحمن: أوكي
دق جوال سمر...
روان: سمر وربي مجنونه وش سويتي حرام عليك
سمر: شوية تعديلات المفروض إني عدلتها من زمان
روان: هههههههه وش قلتي للينا جت معصبه مو راضيه تكلم أحد
سمر: أحححم بعدين
روان: أها فهمت عبدالرحمن عندك
سمر: عليكي نور
روان: انزين إطلعي لأن أمك تدور عليك
سمر: أوكي أخلص اسكريمي وأجي
روان: وبعد تاكلي اسكريم ولا كأنك سويتي شي
سمر: هههههههههه باي
روان: ههههههه باي
اليوم الثاني
سمر هي الوحيده اللي قامت من البنات الساعه 2 الظهر وعلى طول صلت ولقيت عبودي بالصاله يتفرج على فيلم
سمر: عبودي
عبودي: نعم
سمر: عبدالرحمن صاحي؟
عبودي: لأ
سمر: طيب روح جيب موبايله
عبودي: طيب شوفي وش يصير بالفلم حتى أجي
سمر: ابشر
عبودي جاب الموبايل ولقى سمر بالغرفه
عبودي: سمر وش صار بالفلم
سمر: أي فلم؟
عبودي: مو أنا قلتلكي تابعيه حتى أجي
سمر: إيه تابعته لكنه خلص ( بس سمر نست من هالسالفه وماتابعت الفلم)
عبودي: طيب وش صار بالولد
سمر: ياحليله مات
عبودي: الولد يموت؟
سمر: إيه
عبودي: بس جاكي المفروض يكون بطل الفلم
سمر: إيه صح.... جيب الموبايل
طبعا سمر أخذت موبايل عبدالرحمن عشان تكمل خطتها وأرسلت من جواله رساله على جوال لينا تبين لها كأنه هو اللي أرسلها وكتبت بالرساله:
خلاص يالينا لا عاد تكلميني أو تجي تلعبي معاي وما تسأليني ليه
تحياتي: عبدالرحمن
لمى شافت لينا الرساله لمى قامت من النوم العصر خبرت سمر
لينا: سمر شوفي عبدالرحمن وش أرسللي
سمر: طيب ليش أكيد زعلتيه
لينا: لأ
سمر: طيب ليش يرسلك الرساله هذي أكيد صاير شي
لينا: لا مو صاير شي عبدالرحمن ماعمره زعل مني
سمر : واثقه لهدرجه يعني
لينا: طيب إنتي ليش مقهوره؟
سمر: أنا أنقهر منك ليش؟ عالجمال يعني
لينا: هو شي من الإثنين يا إما تنقهري مني أو تغاري
ملاك كانت توها قايمه من النوم
ملاك: كافي انتي وياها قومتوني من النوم
سمر: بسم الله خرعتيني
لينا: ملاك شوفي سمر ماريحتني
سمر: أنا اللي ماريحتك أو حبيب القلب اللي زعل منك
ملاك: أشوف الحكايه تطورت
لينا: ليش كلكم تفتكروا إني أحب عبدالرحمن
سمر: شوفوا مين اللي يتكلم
لينا: خليه يزعل عادي وبعدين بروح أخبر ماما بالسالفه
ملاك: تكفون خلاص لينا حبيبتي إمسحيها بوجهي هالمره
سمر: خليها تروح وش بيصير يعني؟
لينا: أكيد إنتي اللي ارسلتي الرساله
سمر: وليش أسوي شي زي كذا
لينا: لأن عبدالرحمن أرسللي رساله أمس بعد ماطلعت من الحديقه وخبرني بكل شي
مواقع النشر