بعد ها راح نعمل الرقائق من العجين ياللي غمرناه في الزيت
رقائق السمبوسه
المقادير
عجينة الرقاق
الطريقه
نجهز العجين
نجيب صينيه واسعه او مقلى تيفال او صاج او اي شي عندك ممكن يستخدم حتى لو صينية الفرن الكبيره
انا هنا استخدمت الصينيه الكبيره (التبسي )اللي بنحط فيها الاكل وعارفه انها متوفره في كل بيت وكمان ميزتها انها تسخن بسرعه
نفرد العجينه على رخام نضيف نمسح العجينه بالسمن البسيط (مسح خفيف حتى يسهل الفرد)
ثم توضع على الصاج
في كذا طريقه لوضع العجين المفروده على الصاج
الطريقه الاولى وهي الاسهل واللي انصحكم فيها
انك تفردي العجين عادي بدون رق زياده
بعدين ترفعي العجينه وتحطيها على الصاج من غير ما تولعي النار
لما تحطيها على الصاج حطيها من الطرف الاول واسحبي وانت تنزلي الطرف الثاني على الصاج حتى تنمط معك كمان
وتكملي فرد العجينه وهي على الصاج
فرد العجينه يكون بالضغط على الاطراف بشويش مثل كانك بتهمزي
لا تبالغي برق العجينه
تولعي النار وتشديها على الاخر تحطي الصاج على النار
تحركي الصاج بحيث الحراره توصل الى الاطراف
وبسرعه اقلبي العجينه بمجرد مالونها يصفر واطفي النار اضغطي بيدك على الاجزاء اللي مازالت لونها ابيض (والنار مطفيه )حتى تتختفي وتصير كلها صفراء
طبقيها (مهمه هذي الخطوه لانها تحافظ على الرقاق انه ما ينشف اثناء رفعه )
افتحيها وحطيها في صينيه فرن مستطيله وغطيها بسفره بلاستك
خذي قطعه ثانيه من العجين افرديها وحطيها في الصاج ولعي النار عدي لحد الخمسه وطفي النار(لان الصاج بيكون لسه حار فبيسخن اسرع من اول ) تكون استوت اقلبيها بسرعه طبقيها ارفيعيها وافتحيها مره ثانيه وافرديها فوق الرقاقه الاولى غطيها وهكذاااااااااااا حتى تخلصي العجين كله
الطريقه الثانيه
هي انك تفردي العجين وتخلي الصاج يسخن كويس تتطفي النار وتحطي الرقاقه
وثواني او ما تصفر كلها اقلبها بسرعه طبقيها ارفعيها افرديها في صينيه
وغطيها
الطريقه الثالثه
هوانك تولعي النار على الصاج واول ما تحطي الرقاقه في نفس اللحظه تتطفي النار تضغطي عليها حتى تصير كلها لونها اصفر تقلبيها وتطبقيها
وترصيها في صحن مسطيل له حواف وتغطيها بسفره بلاستك وهكذااا حتى تخلص الكميه
ملاحضه مهمه
في كل الحالات الوقت اللازم لسوى العجينه ما ياخذ اكثر من 10 ثواني بالتمام
ــــــــــــــــــــــــــــــــــــــــــــــــــ ــــــــــــــــ
وهذي الخطوات بالصور
بعد ما نخلص تكون الصينيه عندنا مليانه رقاق
نجيب سكين حاد جدا
نقطع الاطراف
نجيب مسطره نقيس عرض العجين ونقسمه بحيث تكون الاحجام متساويه
افضل عرض لرقايق السمبوسه هو 7 سم والطول عادي على حسب رغبتك
تغلف وترفع في الثلاجه او تستخدم
مواقع النشر