الدمعـه الـي تكابـر فـي طـرف عينـي .!
يردها المـوق بـس الجفـن ,, حدرهـا .!!
سمعت صوتـك مـع العالـم .. ينادينـي .!
وازريت لا ردهـا .. بالعيـن واسترهـا .!!
وصديت مـاودي ان النـاس .. توحينـي .!
مثلي يموت ودموعـه .. صعـب ينثرهـا .!!
ويخنقني البـوح .. بـس القلـب يعصينـي .!
ويبقا بوسط الصدور .. وفـي خواطرهـا .!!
والحزن لونـي خفيتـه .. واضـح ٍ فينـي .!
ورد على القلب .. والفرحـات صدرهـا .!!
والبسمـه الـي تبينـي .. بـس تخطينـي .!
متى علـى الله .. يجيهـا يـوم واظهرهـا .!!
ألآحي الورق .. مـدري هـي تلاحينـي .!
اوَن وتسجـع .. و ونـاتـي تكـررهـا .!!
لبيـه يـا ذكرياتـي .. واجمـل سنيـنـي .!
ويا قصة ٍ عايشه لـو مـات .. آخرهـا .!!
وين انت ي/ اول غرامـي .. يـا معنينـي.!
وين انت ي/ اغلا ذنوب القلب .. واطهرها .!!
اصحا وطيفك ... مـعـا زولـــي يـــبـــاريـــنــــي
وارقد واشوفك .. مع احلامـي تباشرهـا .!!
مدري تناسا غصَـب او انـت .. ناسينـي .!
ومدري عهودك وش الي صدق .. غيرهـا .!!
واليوم .. وينك ب/ هالدنيا .. وانـا وينـي .!
طالت ليال الفراق .. ب/ عيـن ساهرهـا .!!
كم قلت توبه .. تـرا مـا عـاد تعنينـي .!
ان جات ل/ النفس .. نفسي يمكن اقدرها .!!
واليا اظلم الوقـت .. هوجاسـي يسرينـي .!
ويضيق صدري .. و كل ايامك اذكرهـا .!!
وتبيني .. انسا .. وانـا مـا عـاد يمدينـي .!
لو شفت حالـي .. قسـم بالله تعذرهـا .!!
اصبَـر الحـال .. فـي قولـة ب/ ياتينـي .!
وانا ادري اني .. اببطـي .. لـو اصبرهـا .!!
وقصايدي فـي غيابـك .. مـا تسلينـي .!
لو تطرب الناس .. تشكي جرح شاعرهـا .!!
والنفس تشكي زمان ٍ .. صـدق مشقينـي .!
حتى انت ي/ اغلا البشر .. تبعد وتحقرهـا .!!
والدمعه الـي مـن الوحـده .. تواسينـي .!
إلـي مـن آخـر لقـا .. بالله خابرهـا .!!
شفها تكابر وترجف .. في طـرف عينـي .!
ولاني عقب شوفتـك يالزيـن .. ذاخرهـا .
مواقع النشر