الـــــــــــحارس الــــــــــشخــصــي

[نخلة الفردوس]

قصة رائعة و مشوقة
أهنئك أختي وفاء على قلمك المبدع
إذا واصلت على هذا المنوال فستصبحين روائية مشهورة
أنتظر تكملة قصتك بفارغ الصبر

[وفاء 66]

بعد يومين
اتصل فينني يوسف
انا كنت عند بيت خالد توني موقف السياره رديت عليه
_ هلا يوسف
وسكت يوم سمعته يبكي _ يوسف ايش فيك
رد علي وكان صوته مبحوح من البكاء_ مو راضي يروح ياناصر مو راضي يروح
_ نعم مين يايوسف فيه احد عندك
_ لا محد عندي انا لوحدي هنا
_ طيب انت بالبيت انا الحين اجيك
وماسمعت رده ماقفلت السماعه حركت السياره ورحت يم بيته وكنت اكلمه واحاول اهديه لين اوصل بيته الطريق كان طويل بيته كان تقريبا خارج المدينه بمخطط جديد وانا كنت بوسط البلد كنت خائف يقطع شحن الجوال قبل لا اوصل له
جلست اتكلم معه وكنت اسمع صوت تنفسه الثقيل حسيته تعبان او فيه شي
اخيرا وصلت البيت وبسرعه نزلت وتركت باب السياره مفتوح اخذت اضرب الجرس بجنون لحد مافتحت لي الشغاله وهو مفجوعه وتقول كلام مافهمته
طنشتها وصعدت الدرج بسرعه وانا انادي عليه
لقيته جالس عالارض بجانب السرير ولابس الروبه وشعره مبلل كأنه توه خارج من الحمام ويردد مو راضي يروح ؟
قربت منه بتردد _ يوسف انا ناصر ايش فيك
طالع فيني وعيونه كلها دموع وحالته بالهم استغربت ابو فينه عنه ووينه عن كل هذا ؟
جلست بجانبه _ ايش فيك يايوسف ’’ وايش الي مو راضي يروح
مسح دموعه وجلس يطالع بيده ويفركها ببعض بطريقه جنونيه كأنه فيها شي _ مو شايف ياناصر مو شايف مو راضي يروح خليه يروح
مسكت يده _ ايش يايوسف مافيها شي يدك نضيفه طالع شوف مافيه شي
بس ايش الي انت تشوفه قلي __ حاولت افهم ايش سبب تصرفه هذا ؟
_ الدم مو شايفه ياناصر انا غسلت يدي يس مو راضي يروح؟
استغربت وقلبي توقف ؟؟
_ دم دم ايش يايوسف
لم نفسه زي الي خائف ودفن وجهه بين رجوله
_ دم عادل اخوي
_ عادل ؟
_ ايه عادل اخوي ,, رفع راسه وطالع بالفراغ الي قدامه
_ كنت احبه وهو يحبني يعاملني مثل ماتعاملني امي كانت تحبنا كلنا وماتفرق بينا
سكت شوي وكأنه يسترجع بعض الذكريات المهمله من ذاكرته
_ كنا نسافر مع بعض دائما انا وامي وعادل ابوي بيكون مو موجود معنا دائما هو مو موجود وعادي مابنحس فيه اصلا
بس احنا نعرف انه يحبنا ,, الحياة كانت حلوه
,, قرب مني وضميته لصدري غمض عيونه
_ وكل شي كان بخير كل حاجه كانت زي ماالمفروض تكون
وعادل كان راح يتزوج ويسمي ولده يوسف علي اسمي زي ماوعدني ,,,
؛
حاولت اني ما اتكلم قلت اخليه يتكلم من نفسه ويقول الي بخاطره من دون الحاح مني كان يسكت لدقائق وبعدها يقول جمله او جملتين ويرجع يسكت
,,,,,
وهو بين ذراعي انتفض _ لا لا تخليني اسوق ياعادل لا
رفع راسه وطالع فيني _ انت ليش طيب معايا ليش
_ لأنك انت طيب يايوسف وتنحب
_ بس انا دائما الناس الي يحبوني واحبهم يروحون يا اما يكرهوني ولا يروحون وانا ما ابيك تروح ابيك تعيش
وماتكرهني
ابتسمت _ الي يكرهك اعرف انه مكان يحبك اصلا ويعني الي يموت فهذا يومه يايوسف
.. وكأنه حس بالبرد
_ طيب ايش رائك تلبس هدمه عشان البرد
ابتسم _ ايه صح اصلا انا مو لابس حاجه تحت الروبه
وقام يم غرفه الملابس
جلست افكر بكلامه وتذكرته يوم قال انه قتل اخوه ؟
يعني هو قتل اخوه او تسبب بموته ؟؟
عقلي معاد يستوعب الي يحصل معي يوسف مليان اسرار
ومو بسهوله تقدر تاخذ منه الي تبي تعرفه
...............
جلست انتظره عالكنبه الي بغرفته شوي وخرج وكان لابس ملابس ثقيله ابتسمت يوم شفته جلس جنبي واخذ يلبس بشراب شتوي
_ عاد مو لهذه الدرجه يايوسف
_ والله برد بس انت ماتحس فيه
_ هههههههه طيب الا ابوك وينه ماشفته
تأفف _ لازم تخربها وش جاب سيرته الحين
_ خلاص خلاص انا اسف لكني فقدته وقلت اسئل عنه
.....
جلسنا نسولف واخذنا الوقت حسيته كان محتاج احد يتكلم معه بذا اليوم بالذات ومدري ليش وتجنبت اسئله عن موضوع اخوه والدم وليش كان منهار يوم اتصل فيني لأني حسيت نفسيته يوم تكلمنا بأمور ثانيه تحسنت وماحبيت ارجعه للي كان فيه
وتسألت الطبيب النفسي الي كان يتعالج عنده هل عنده خبر بموضوع اخوه هل قاله يوسف؟
واحنا جالسين نطالع التلفزيون تذكرت مأمون
_ ايه صح ايش رائك نتصل علي مأمون ونسأله اذا كان يقدر يجي
_ لا شكرا ما ابيه يجي مالي خلقه
_ طيب هو يبي يشكرك علي الي سويته انت مسنهين بالي سويته يايوسف هذا شي عضيم
ضحك _ شي عضيم
_ يعني اعتقد انه يعتبر عتق رقبه
طالع فيني _ انت مجنون ياناصر ,,, تنهد , بس انا ما ابي اي علاقه معه والي سويته اعتبره شي عادي استغليت نفوذي بين الناس لأول مره بشي زين
_ لا ياشيخ ,, واول بأيش كنت تستغله
_ موشغلك يا الله قوم خلينا نروح ندور اي خرجه
تذكرت خالد صاحبي فجأ _ هههههههههه يووه ذكرتني بخالد كنت مواعده يوم اتصلت فيني كنا علي اساس نطلع انا وهو البحر تلاقيه معصب الحين
سكت شوي _ طيب مع السلامه
_ ايش فيك زعلت لو تبي تعال معي اعرفك عليهم هم ناس طيبين وراح تحبهم كثير
قام من مكانه واتجه ناحيه اللابتوب وفتحه _ لا شكرا بجلس عالنت شوي ,,, انت تعرف الباب الي جيت منه يا الله معك اشوفك علي خير
حسيته زعل مني واخذ علي خاطره شوي _ انا اسف لو زعلتك ياخوي بس انا ماقلت شي
من دون مايطالع فيني _ طيب تقلع يا الله ضف وجهك
ابتسمت هو مراح يتغير لو تصير السماء حمراء علي اخظر وفيها نقط صفراء بيضل يوسف يوسف الخبل
,,,,,,,,,,,,,,,,
خرجت من عنده ورحت لخالد الي كان معصب مني ومارضي يقابلني والله حسيت نفسي ملطشه علامهم الناس تزعل مني بسرعه
رجعت البيت وانا طفشااان من نفسي ندمت اني ماخرجت مع يوسف واني ذكرت خالد قدامه يمكنه زعل وفكر اني ما ابي اطلع معه واني افضل اروح مع خالد
اول مادخلت البيت وانا مار من الصاله رايح الغرفه
كانت الساعه 8 المساء _ ياهلا بولدي ياهلا بالعريس
العريس ؟؟ مين العريس ؟؟؟
كانت عمتي وخالتي وامي واختي جالسين بالصاله والابتسامات الغريبه تعلو وجوههم حسيت بجو مريب وان فيه طبخه انطبخت وانا ما ادري ؟
.... ,,,,, وقفت مكاني منهبل قامت اختي وسلمت علي
_ ايش فيك واقف تعال سلم علي عمتي نوره وخالتي مريم هم جايين عشانك
للعلم .. ماعندي الا عمه وحده وثلاثه اعمام يعني ابوي ماعنده الا اخت وحده
وبرضو ماعندي الا خاله وحده وهي اكبر من امي وامي ماعندها اخوان يعني ماعندي خوال ,,,,,,,,, وشكرا
المهم
رحت سلمت عليهم وجلس وسطهم وكل وحده تمدح فيني وكنهم مايعرفوني استغربت وش صار بالدنيا
طالعت بأمي الي كانت تبتسم وتهز براسها ببلاهه غريبه
حسيتهم مخدرين ولا فيه احد مسيطر علي عقولهم اخذت ادور بعيوني علي احد من اخواني هنا ولا هناك
شوي ومر اخوي ماجد خارج من الغرفه يوم شافني بذا الوضع مات علي من الضحك وراح نادي اخوي محمد
شوي وجو الأثنين واخذو يطالعوني ويضحكون بصمت
وانا اشرت لهم بيدي يعني شغلكم عندي يا الجعرش ,,,,,,,,,,,
,,,,,
طالعت بأمي _ يمه ايش السالفه وش صاير لكم
ضحكت خالتي وربتت علي كتفي _ خطبنا لك سعاد اليوم والبنت وافقت
ماصدقت الي سمعته قمت من مكاني _ لا انا مو موافق وقد قلت لأبوي اني ما ابي اتزوج
ردت اختي _ وليش ماتبي تتزوج سعاد الف من يتمناها اخلاق وجمال مشاء الله عليها
_ انا مو رافضها هي انا رافض فكره الزواج كلها انا ما افكر اتزوج الحين ماعندي وضيفه ولا كونت نفسي انتم ليش مستعجلين اذا مضايقكم اخرج من البيت
امي _ ايش تقول انت انا وابوك نبي نفرح فيك ونشوفك عريس ابي اشوف عيالك قبل لا اموت ( عاد الأمهات ماعندهم الا هالجمله ( بشوف عيالك قبل لا اموت )
تنهدت _ انا ما ابي اتزوج سعاد ولا غيرها اذا بتفرحون افرحو بماجد ولا محمد انا ما ابي اتزوج
وخرجت من عندهم يعني انا قبل كم يوم قايل لا ابوي اني ما ابي اتزوج يروح يخطب لي من وراي والله ياعليه حركات تقهر بيخليني امام الأمر الواقع تذكرت كلام يوسف وجلست اضحك وانا مهموم تخيلو اتزوج من وراهم والله ليسلخني ابوي ويقطعني ويرميني للكلاب ..
ماعرفت وين اروح لقيت نفسي واصل البحر وقفت سيارتي ونزلت جلست علي كرسي امام البحر كان الجو هادئ وشبه بارد
اتصلت علي نهاد البنت الي احبها ردت بسرعه
_ هلا حبيبي
قررت اقول لها علي السالفه وبدون تردد
عصبت وفهمت انها كذبه حتي اتملص من علاقتنا حاولت افهمها ماصدقتني وقفلت الجوال بوجهي اتصلت عليها مره ثانيه كان جهازها مغلق
حسيت بالقهر من الي صار وليش يصير لي كذا انا ماقد اذيت احد حالي حال نفسي امشي جنب الحيطه واقول يارب استر
وهذه حياتي وانا الي اقرر كيف راح تكون ومع مين اقضيها مو اهلي لا ابوي ولا امي يملكون الحق انهم يسيرون حياتي
وانا جالس وسارح وافكر
اتصل فيني ابوي رديت عليه
ابوي وكان معصب _ وينك ياورع
_ انا هنا بره بعيد عن البيت
_ايش الي سويته بالبيت فضحتنا عند عمتك وخالتك
_ نعم ايش سويت ماسويت شي
_ لا والكلام الي قلته لأمك ,, اقول تعال البيت خلينا نتفاهم بكره ايش راح نسوي
_ ايش راح نسوي
_ مو شغلك انت تعال وبس
_ طيب طيب
قفلت منه وانا عارف انه مراح يخليني الا لين يسوي الي براسه ويزوجني سعاد بنت عمي الي ما اعرفها ولا قد شفتها بحياتي
,,,,,,,,,,,, ’’’’’’’’’’’’’’’’’’’’’’’
رجت البيت ولقيت ابوي ينتظرني بالصاله والشرار يتطاير من عيونه ( خخخخخخخخ
جالس عالكرسي ويهز رجوله بعصبيه واضحه جلست بسكاااااات اطالع هنا وهناك وانا انتظر منه اي كلمه لكنه ظل ساكت
قررت اني اتكلم واكسر الصمت الي خيم علينا
_ احم احم
طالع فيني بنظره خوفتني نظره اخر مره شفتها يوم كنت بأ المتوسط سنه ثالث اخر سنه يوم تضاربت انا وحمد ولد جيرانا وكسرت قزازه عصير تفاح هههههههه علي راسه وراح المستشفي اتذكر انه طالع فيني بنفس هذه النظره وبعدها عينك ماتشوف الا النور ( طخ طخ دج طربق دندندندن ههههههههههههاي
عاد انا يوم شفته يطالع فيني قلت بس خلاص انتهيت تسألت وين امي واخواني ما شفت احد
اخيرا تكلم وبصيغه الأمر _ شوف محد بيتزوج سعاد غيرك وانا مكلم اخوي من سنتين علي هذا الموضوع واتفقنا انها يوم تخلص الثانويه نخطبها لك رسمي والبنت خلصت الدراسه وصار لازم تتزوج
تنهدت _ بس يبه انا ما ابي اتزوج
_ مو بكيفك مو انت الي تقرر تتزوج ولا لا انت بعدك ماتعرف مصلحتك
_ الكبر ذا كله ولا اعرف مصلحتي
_ اسمع بكره بعد المغرب نروح بيت عمك وتشوف البنت وتلبسها الشبكه وبعد اسبوع تملك عليها رسمي وانتهينا وما ابي اي نقاش بالموضوع
قام من مكانه وهو ماشي كان يتمتم كلام ماسمعته
رقع باب الغرفه بعصبيه حسيت ان فيه أن بالموضوع ؟؟
...........
اليوم التالي
فتحت عيوني الساعه 2 الظهر استغفر الله فاتتني الصلاة قمت بتثاقل كانت امي بالمطبخ واخواني بالصاله اول ماشافوني مقبل عليهم قامو يضحكون بصمت
مسكت ماجد من شعره وشديته _ اقول انت واياه من امس تضحكون وش السالفه
ماجد وهو يحاول يفك نفسه مني_ ولا شي بس يعني انا ومحمد مو قادرين نتخيلك عريس مره مو لايق عليك
محمد فطس من الضحك
_ ايش فيكم تضحكون ؟
كانت امي خارجه من المطبخ طالعت فيها _ لا يمه بس عيالك المخبل يضحكون علي يقولون مو لايق علي قوله عريس
ابتسمت وقربت يمي وهمست بأذني بشويش _ يعني موافق
مارديت عليها جلست عالكرسي القريب مني
_ طيب انت بس تشوفها راح تقتنع فيها يمكن عشانك ماشفتها ابد متردد
برضو مارديت كنت افكر بنهاد ياتري ايش صاير فيها الحين
,,,,,,,,,,,,, ’’’’’’’’’’’’’’’’’’’’’’’’
بعد صلاة العصر اتصلت بيوسف مارد علي ارسلت له رساله قلت له فيها الهرجه اي خطبت وشوي بروح اشوف البنت والخ
جاتني امي وورتني طقم ذهب _ هذا ياوليدي الهديه حقت البنت تعطيها اياه بعد ماتشوفها
_ ايه مجهزين كل شي من وراي متي شريتو الطقم واتفقتم معهم هذا كله من وراي
تنهدت _ ناصر هذا نصيبك وارضي فيه
عصبت وحاولت امسك اعصابي شوي _ نصيبي يمه مع البنت الي انا اختارها مو الي انتم تبونها
قامت من مكانها وخلت الطقم عالطاوله ومشت سكرت الباب وراها سندت راسي عالسرير حسيت بالضيق والقهر من الي يصير في حياتي انا ماقد صار شي غصب عني انا كنت اختار الي ابيه محد كان يغصبني علي شي ما ابيه والشي الوحيد الي المفروض يكون برضاي صار غصب عني
وانا سارح جاتني رساله من يوسف ( فضلا اتصل بي ههههههههه _ اكيد ماعنده رصيد ههههههه
اتصلت فيه _ هلا جوالك فاضي
_ ماسددت الفاتوره نسيت
_ امممم نسيت طيب يانساي
ضحك _ ايه جاتني رسالتك الغبيه ههههههههههه بتصير رجال الحين هههههههه خربت الدنيا
_ نعم انا رجال من اول وغصب عنك يا اهبل
_ ايه مبين انك رجال طيب وايش راح تسوي
_ مدري والله انت ايش رائك
_ انا قلت لك تزوج البنت الي تحبها و ,
قاطعته _ اقول افلامك الهنديه خليها لنفسك ايش اتزوج من وري اهلي انت مجنون
_ لا انا واقعي ياحبيبي اذا هم غصبوك تتزوج وحده انت ماتبيها فهم يستاهلون الي راح يصير فيهم يعني في الآخير راح يلومون انفسهم
_ لا ما اقدر اسوي كذا بأهلي مايصير
_ ايه علي اساس انهم طيبين لو يحبوك مايغصبوك علي الزواج
سكت شوي حسيته حاقد علي اهلي او حسيته حاقد علي اهله هو ويحط حرته بأهلي حبيت اغير الموضوع واهرج معه بشي ثاني
_ طيب ايش جالس تسوي
_ ولا شي اشرب حشيش ههههههههههههههههههههه
ما استوعبت _ هاه
_ ايش فيك صدقت ,, لا جالس اتفرج عالتلفزيون والله طفش
_ ايه تبيني اجيك بعد ما اطلع من عند الناس
_ اي ناس ؟
_ انت خبل مو قايل لك انا ,,,
قاطعني _ ايه ايه تعال حياك الله البيت بيتك بس جيب لي معك عشاء فاخر
_ عشاء فاخر طيب فطيره لوزين وسنتوب صغير ابو نص
فطس من الضحك علي كلامي
بعد ماخلصت نوبه الضحك _ طيب بس لا تنسي الجلكسي الي احبه
قبل لا ارد عليه فتح ابوي الباب _ انت لسه ماجهزت نفسك نبي نروح للناس بدري
_ طيب لسه انت قايل بعد المغرب والحين توها الساعه 5
_ ايه يا الله قفل من هذا وتعال معي المجلس خلينا نتفق
_ طيب
وخرج من عندي ورقع الباب وراه
رجعت ليوسف الي كان ساااااااااكت
_ الو وين رحت
اتاني صوته هادئ _ هذا ابوك
_ ايه معصب من الصبح مدري ايش يحس فيه
_ طيب روح له شوف وش عنده يا الله انا بروح آخذ لي دوش سريع
_ طيب
قفلت من عنده وانا حاسس ان الزواج هذا وراه شي وشي خطير مو هين
رحت لأبوي بالمجلس اشر لي اني اقفل الباب قفلت الباب وجلست عنده
تنهد _ اسمع ياوليدي اكلام الي راح اقوله لك الحين ابيه يكون بينا ولا ابي احد يعرفه
ماتكلمت حبيت اسمع له من دون مقاطعه
نزل راسه _ حنا نبيك تتزوج سعاد بنت عمك عشان تستر عليها وانا ابوك وتحمي سمعه العائله و ,,
هنا فهمت الهرجه ...
_ نعم نعم نعم نعم انت ايش تقول ( ؟؟؟؟
طالع فيني وعيونه كلها دموع _ واحد مايخاف الله اعتدي عليها و ,, وهرب ماندري عنه وهي ماتعرفه خطفها وهي راجعه من المدرسه وصار الي صار و ,,
قمت من مكاني _ وانا ايش دخلني يبه وليش تورطني انا معها
_ انت الوحيد الي بسن الزواج من وانا عارف انك بتستر علي بنت عمك و ,,
_ لا انا اسف اسف
وخرجت من عنده وانا مقهور يعني العصبيه والهواش كلها عشان يغصبني اني اوافق علي الزواج بسرعه
خرجت من البيت ماعرفت وين اروح لقيت نفسي عند بيت يوسف اتصلت عليه ابيه يطلع معي مارد علي
نزلت من السياره ودقيت الجرس اكثر من مره محد كلمني
جلست شوي بالسياره شوي وخرج يوسف من البيت وما انتبه لي انا كنت موقف السياره شوي بعيد عن البيت
كان مبين انه مستعجل صعد سيارته ومشي وكان مسرع ماتطمنت ياتري وين رايح
مشيت وراه بشوف وش عنده ووين رايح
,,,,,,,,,,,, ............
وانا ماشي وراه كنت اتصل فيه فكان يعطيني بزي يعني واضح انه مو فاضي للكلام معي
حاولت انه مايلاحظني ,,,,
شوي ووقف عند عماره كبيره تسألت مين ساكن هنا ؟
صعد العماره وانا نزلت وسألت البواب عنه قال انه يجي كل فتره هنا بس هو مايعرفه هو مين
سألته عن الناس الي يزورهم _ هم مين ؟
قال سيده عجوز وهي اجنبيه وساكنه مع اخوها وزوجته
تسألت ممكن تكون امه
جلست بالسياره انتظره اذن المغرب ومانزل يوسف
قررت اني ارجع البيت
وانا راجع بطريقي اتصل فيني ابوي يطلب مني اني ارجع البيت واجهز نفسي حتي نروح بيت عمي
رفضت اروح معه ماقدرت استوعب الي كان يبيني اسويه اتزوج وحده ما احبها ولا اعرفها عشان استر عليها عشان اتستر علي غلطه شخص ثاني
تفكيري انشل ماعرفت ايش اسوي ما قدرت اصدق ان اهلي يرضون اني اسوي كذا
وانا واقف عند الأشاره اتصل فيني يوسف
رديت عليه وكنت مره مهموم ومتضايق _ هلا يوسف
_ يعني تعتقد اني ماشفت يوم تلاحقني ايش فيك انتا
انبلهت وماعرفت كيف ارد عليه
كان مبين انه معصب _ الو رد علي يامعفن ايش فيك ساكت
_ اهاااا لا بس كنت عند البيت وشفتك طالع وحسيت انك مو علي بعضك
_ اهااا وقل خليني اتلقف عليه .. وسكت شوي .. _ اهاا ووينك انت الحين عند المزه
_ لا ماني رايح السالفه مو زي ماكنت اعتقد هرجه طويله ياخوي
سكت ومارد علي
_ الو يوسف ايش فيك
اتاني صوته وكأنه فيه شي
_ لا تعيدها ياناصر
_ ايش ؟
_ لا تعيد الكلمه الي توها اذا ماكنت تعنيها
فهمت قصده وماحبيت اطولها معه
_ طيب انا اسف يالغالي اسف
تنهد _ اوكي ايش السالفه الي عندك
طلبت اني اواعده بمطعم ولا كافي حتي اقوله السالفه كلها
كلمني عن كافي جديد بالمنطقه وقال انه بيروح يشوفه وصف لي المكان وينه فيه وعرفته قد مريت من عنده انا وخالد قبل يومين
............. ,,,,,,,,,,,,
قفلت من يوسف ومشيت راحي للكافي وانا ماشي اتصل فيني خالد فرحت انه اتصل لأنه كان زعلان مني رديت عليه
_ هلا خلووود
_ ايه الحين خلوود مالت عليك وينك
_ انا رايح للكافي الجديد الي شفناه هذاك اليوم
_ ايه وليش ........ كان يكلمني من دون نفس
_ ولا شي مواعد واحد من العيال
_ طيب ايش رائك تسحب عليه وتجيني
سكت شوي ما اقدر اسحب علي يوسف وما اقدر ارفض طلب خالد لأنه صاحبي من زمااان
_ اممممممم طيب ايش رائك تجيني الكافي انا صراحه ما اقدر اسحب عليه
_ ايه هو ماتقدر تسحب عليه وانا مع نفسي طيب مع السلامه شكرا
قفل مني قبل لا اتكلم وافسر له وماقدرت اتصل عليه فكرت اراضيه بعد ما ارجع من عند يوسف
وصلت الكافي يوسف كان لسه ماجا اخترت طاوله بعيده شوي عن الناس وطلبت لي قهوه تركي جلست اشرب واطالع بالمكان الي عجبني ودخل مزاجي بقوه كمان
شوي واتصل فيني يوسف يسألني انا فين جالس
كان لابس برمودا اسود وفنيله حمرا كم طويل وهو قصير والبس مخليه اقصر بزياده هههههههههه
ابتسمت يوم شفته جلس ومدد رجله علي الكرسي الي جنبه
ونادي علي الجرسون الي كان مره مشغوول مع طاوله ثانيه كان جالس عليها خمس شباب عربجيه
_ هيه انت تعاااااااااال
همست له _ يوسف مو شايفه مشغوول خايه يخلص ويجي
تنهد _ طيب
وجلس يلعب بالميدليه حقت المفاتيح _ ايوه وش سالفتك انت
_ طيب ممكن تطالع فيني عشان اعرف اكلمك
نزل رجوله وتأفف _ ياربي عليك طيب انا رجولي تعورني يا الله شنو عندك
_ امممم طيب انا بقولك السالفه كلها وابيك تساعدني وتخلصني من الورطه هاذي
_ ايه شنو صار
_ والي بقوله سر
ابتسم بمكر _ هع هع اسرار بعد شنو صاير هههههه
_ لا تتريق يا يوسف ارجوك انا والله بورطه
_ طيب قوول
حكيت له السالفه وهو مررره ماصدق الي قلته له
_ لا لا مستحيل ابوك يسوي كذا اكيد يمزح معااااااااك
مو معقول
_ والله هذا الي صاير
سكت شوي _ طيب لا توافق عالزواج ولكن لازم تساعد بنت عمك
_ كيف
_ حاول تعرف منها مين الي عمل العمله هاذي
_ وكيف اعرف منها
_ شوف لك طريقه لأنك اذا عرفته انت راح تخلص من الورطه وتستر علي بنت عمك
_ تنهدت _ والله مدري انا خائف ارجع البيت الحين
ابتسم _ تعال نام عندي ابوي مو موجود مسافر كالعاده
_ لا انا اقصد في النهايه راح ارجع البيت بس خائف من مواجهه ابوي ايش ارح اقوله
_ قوله انا ما اقدر اتزوج وحده ما احبها لا وبعد يعني انت عارف ولكن راح احاول اعرف الكلب الي عمل هاذي العمله واجيبه
طالعت فيه عجبني كلامه استغربت طريقه معالجته للأمور عنده سياسه عجيبه وكل المشاكل بالنسبه له لها حلول لكن استغربت ليش مايحل مشاكله مع والده
,,,,,,,,,,,,,,, ............................ ’’’’’’’’’’’’’’’’’’’’’’’’’
واحنا جالسين بالكافي الي برضو عجب يوسف وخاصه الديكور الرايق تكلمنا عن كل شي يخطر في بالكم حتي عن طبقه الأوزون وكيف نحافظ عليها ( ههههههه
شوي الا اشوف خالد صاحبي جاي مقبل علينا استغربت جيته وفرحت يوم شفته
قرب من طاولتنا _ ايه هذا الي ساحب علي عشانه
طالعت فيه وابتسمت وعرفت يوسف عليه
يوسف مد يده بيسلم علي خالد لكن خالد طالع فيه وحقره حسيت يوسف تضايق من تصرفه
سحب خالد الكرسي وجلس _ ايه اتصل فيك واقولك تعال ابيك حتي ماكلفت نفسك تسألني ليش وش عندك يمكن الموضوع الي ابيك فيه ضروري
حاولت اهديه لكن كان معصب وخالد انا اعرفه اذا عصب من احد محد يفكك منه لكنه طيب بس العصبيه عيبه
قام يوسف بيمشي طلبت منه انه يجلس لكنه اعتذر
خالد _ ايه اذا حظرت الملائكه ... وسكت يعني افهم يامليح
طالع فيه يوسف وبسخريه كعادته _ ايه الي انتا قلته وفيه ريحه فاحت يوم جيت عاد مدري منك ولا ,,,,
قاطعته _ يوسف ايش الكلام ذا
يوسف _ ليش انت مو شايفه من يوم ماجا وهو يهايط مدري وش يحس فيه
خالد عصب من كلامه _لا انت قليل ادب ,,,,,,,,, وقام وكان بيمد يده عليه لكني مسكته ورديته عنه
يوسف ماتكلم طالع فيه بنظره حاقده ومشي بسكاااات
كنت بلحقه بس قلت خليه يهداء
طالع فيني خالد _ روح الحقه المليح
مارديت عليه
خالد _ انت تدري انا ليش كنت ابيك ياناصر
ومن دون ما اطالع فيه _ ليش ايش صاير
تنهد _ تعرف صاحبنا طلال
_ ايه ايش فيه
_ ابوه طاح مريض اليوم الصبح اتصلت فيك كنت بقولك بس انت فضلت المليح علينا وانت متغير من يوم ماعرفته
كلنا حاسين انك متغير ماعدت ناصر الي نعرفه
استغربت كلامه _ لا ياخالد انا ماتغيرت بس انا عندي ضروف والله انها صعبه و,,
قاطعني _ طيب وانت يوم تقابلك ضروف صعبه كنت تجي وتكلم مين كنت تجيني انا وتحكي لي عن ضروفك وانا اساعدك والحين ليش ماجيتني ياناصر انا مزعلك بشي
مسكت يده _ لا والله ياخالد بس يعني مدري يوسف وضعه غير وانت لو عرفته صدقني بتحبه وانا ماتغيرت ابد عليك
تنهد _ طيب وانا وانت مو اتفقنا نجي الكافي اشوفك جيته من غيري
مارديت عليه ماعرفت ايش اقوله
قام من مكانه _ طيب انا رايح البيت وبعدها بروح المستشفي بطل علي ابو طلال اذا حاب تجي حياك
قال لي علي اسم المستشفي والقسم الي هو فيه ومشي
استغربت سكوتي وعدم محاولتي اني اصالحه
جلست شوي بالكافي افكر بحالي وافكر بكلام يوسف طيب كيف اكلم بنت عمي اتصلت بأختي قلت اطلب منها رقمها وقلت ياليت تعطيني رقمها بسكااااات
بدون سين وجيم
ردت علي اخيرا بعد ماكنت بكسر الجوال
_ هلا حبيبي نصور فينك يا اخي
_ فيه بالدنيا اقولك اممم ممكن تعطيني رقم سعاد
وسكت منتظر منها انها تصرخ بوجهي وتطلع لي من السماعه نخنقني
وبهدوء_ ليش ؟
_ لا بس بتكلم معها
ضحكت _ اخيرا اقتنعت ياحبيبي
_ ايه اقتنعت يا الله هاتي رقمها لو سمحتي بكلمها
بمكر _ ايه طيب وكيف اخذه منها وانت مجنون مو علي اساس اليوم تلبسها الشبكه طيب ليش مارحت لهم والله ابوي تفشل
مارديت عليها
_ طيب طيب انا اشوف يا الله باي
قفلت منها وانا افكر لو لو جابت رقمها كيف راح اكلمها بالموضوع هو جدا حساس
,,,,,,,,,,,,, ....................
خرجت من الكافي بعد مادفعت الحساب كله يوسف مشي من دون مايدفع الفلوس
وانا ماشي راجع البيت اتصل فيني خالد يعتذر عن الكلام الي قاله لي قبل شوي ابتسمت حتي ماقدر يصبر لين الصبح
بس انا محد مايقدر يزعلني ( هههههههههههههه هههههههههههه
قبلت اعتذاره بعد ماتغليت عليه شوياااااااات ,,,هههه هههههههه اقول ماصدقت بس هههه
وانا جالس اتكلم مع خالد جاتني رساله حسيت انها رقم سعاد قفلت منه وفتحتها كانت رساله من اختي تقول انها ماتقدر تعطيني رقم سعاد لأنها رفضت
عصبت منها اكيد عارفه انا ليش كنت ابيها
ما اتصلت علي اختي قلت اوصل البيت اتفاهم مع ابوي واقوله الكلام الي قاله لي يوسف وان شاء الله يقتنع
,,,,,,,, ........
البيت كان فاضي مافيه احد استغربت وين اهلي اتصلت بأختي قالت انها ماتدري وانها ببيتها
اختي متزوجه ,,,,
اتصلت بأمي ماردت علي واخوي محمد وماجد محد يرد يالهوي وين الناس خفت اتصل بأبوي
غيرت ملابسي وجلست عالسرير كنت احس جسمي متكسر من التعب جا في بالي يوسف قلت اتصل فيه بس ترددت اكيد مراح يكلمني ولا بيرد علي اصلا
حسيت بالنعاس حطيت راسي ونمت نوما عميقا ماصحيت الا علي صوت امي تصحيني في اليوم التالي
,,,,,,,,,,,,,,,

[وفاء 66]

فتحت عيوني ببطء
استوعب ايش فيه _ هاه يمه وش فيك سلامااااااااات
_ قوم ياوليدي عمك بالمستشفي طايح من امس
طالعت فيها _ عمي مين؟
_ عمك مين عمك ابو جابر ( الي هو ابو سعاد )
فزيت من مكاني _ نعم وش صار عليه
_ مدري البارح بالليل بعد ما ابوك كلمه وقاله انك ماتبي سعاد تعب المسكين
حسيتها من كلامها انها تلومني علي الي صار
تنهدت _ طيب ان شاء الله خير هو الحين بالمستشفي
هزت راسها _ ايه المسكين تعبااااااااان حيل
_ طيب طيب الحين اروح له
خرجت من عندي سندت راسي علي السرير
ياربي وش هالبلشه ومين الحقير الي عمل هذه العمله خليه يطيح بيدي والله لا اقطعه تقطيع
,,,,,,,,,,,, ’’’’’’’’’’’’’’’’’
عاد ابوي كان مسوي زعلان مني جيت بسلم عليه الصبح ماقبل سلامي وردني انا ما زعلت منه تقبلت زعله برحابه صدر
لأني عارف نفسي انا ماسويت شي يخليه يزعل مني وان كل الي سويته اني دافعت عن نفسي وعن حياتي
,,,,,,,,,,,,,
بعد صلاة العصر
رحت للمستشفي الي فيه عمي وهناك قابلت ولد عمي جابر عمي كان طيب ومافيه شي كل الي جاة شويه زعل وبس وعاد هم كبرو السالفه
جلست عنده شوي وخرجت يوم جو اهله شفت سعاد وفكرت اكلمها بس كيف ؟
جلست أنتظر عالكراسي الخارجيه افكر بحالي وايش راح اسوي الحين ابوي زعلان مني لأني رفضت ارتبط فيها
لقيت نفسي اتصل بنهاد لكنها ماردت علي ومن حقها ماترد علي
حسيت بحزن بداخلي سندت راسي وجلست افكر تذكرت يوسف وكلامه سمحت لنفسي اني افكر فيه وتسألت هل نهاد راح ترضي اني ارتبط فيها من دون موافقه اهلي
وفكرت بالشخص الي اعتدي علي بنت عمي مين هو ؟ وليش سوا كذا ؟
...................
رجعت البيت وكانت امي واخواني جالسين بالصاله ينتظروني طالعت فيهم شوي وماتكلمت مشيت راجع غرفتي بسكاااات ماحبيت اتكلم معاهم نفسي كانت مسدوده عن كل شي
رميت نفسي علس السرير تنهدت بقوه كنت بخرج الي بنفسي من قهر علي حالي كنت معصب من ألي يحصل معي وليش اهلي حطوني بذا الموقف ..
انا ايش الي دخلني ببنت عمي ومشكلتها الهبله هاذي
وانا جالس افكر اتصلت فيني نهاد فرحت بأتصالها وقلت اكيد اقتنعت بكلامي ولا حنت للحب القاتل الي كان بينا
رديت بسرعه وكنت مشتاق لها مووووت
_ الو هلا ناصر انت اتصلت فيني
استغربت من كلامها كانت تكلمني برسميه
رديت عليها _ نعم يعني ايش قصدك
_ يعني لا تتصل لو سمحت
انهار عالمي وتحطمت احلامي علي شاطئ الحياة القاسيه تقطع قلبي الي قطع ضغنونه وحصل لي انكماش بالاطراف ( ؟؟ههه
المهم ماقدرت ارد عليها يعني بذا الموقف ايش راح اقول
قفلت السماعه بوجهها وسرحت شوي افكر مو مستوعب الي صار
قلت يمكن الي حصل توه حلم وشوي راح اصحي منه
وانا جالس علي سريري مستغرب من تصرف نهاد الغير مبرر وليش سوت كذا وعلي اي اساس تصرفت هذا التصرف
دخلت علي امي بدون استئذان صراحه ماكنت فايق لها ابدا قلت اكيد هي الحين راح تمتحني بكلامها
جلست قدامي علي السرير وربتت علي رجلي _ شوف ياولدي انا اسفه علي الي صار اسفه اني غصبتك علي الزواج من بنت عمك لكن ابوك هو الي كان يبيك تتزوجها وتدري بنت عمك محترمه وبنت ناس والكل يشهد لها
وماقد شفت عليها شي
لاحظت من كلام امي انها ماتعرف شي عن الموضوع الي قاله لي ابوي
سرحت ومارديت عليها تركتها تتكلم وانا كان فكري مع نهاد والي صار بينا وتسألت بيني وبين نفسي هل هذه نهايه الحب الي كان بينا
_ ايش فيك ياناصر انا اكلمك وانت الظاهر مو معي
وبدون ما أطالع فيها _ لا يا أمي مافيني شي بس أحسني تعبان وبنام
قامت وقربت مني باست جبيني بحنان الأم _ طيب ياوليدي اتركك تنام وترتاح
ابتسمت لها خرجت من عندي غمضت عيوني كنت من جد محتاج ارتاح من الهم الي كبس عليا فجأ ومن دون سابق انذار
,,,,,,,,,,,,, ’’’’’’’’’’’’’’’’’’’
كالعاده الصباح اول ما افتح عيوني اخذ الجوال من فوق الطاوله واشوف مين اتصل فيني لقيت يوسف متصل فيني ثلاث مرات اخر الليل استغربت وش يبي متصل
قلت اتصل فيه بعد ما اروق واخلص اشغالي
خرجت من غرفتي ولقيت ابوي جالس بالصاله وكان لابس سألته وين بتروح يالغالي؟
مارد علي جلست جنبه بست راسه وجلست اطالع فيه بنظراتي البريئه التي لا تقاوم ( ههههههه حلوه خخخخخ
ربت علي كتوفي وتنهد _ يا الله قوم نروح لعمك
عاد انا فرحت قلت دام انه كلمني اكيد رضي عني مشيت معه ورحنا المستشفي نزور عمي الي كان بخير وصحته عال العال
جلسنا عنده شوي وهناك تفأجأت بأنهم جلسو يتكلمون معي عن الزواج وحدد ابوي مع عمي موعد للخطبه الرسميه
انا ماقدرت اتكلم انربط لساني واستحيت اكسر كلام ابوي حسيت بالقهر
قمت أتستئذنت وخرجت من عندهم حسيت نفسي ببكي ليش يسوو فيني كده ( هههههه مسكين يحزن ؟؟
جلست عالكراسي الخارجيه كنت مهموم وماني طايق نفسي حسيت نفسي لعبه بيدين اهلي
اتصلت بيوسف قلت اشوف ايش عنده
مارد علي قلت اكيد انه نائم الحين دامه كان سهران البارح لوقت متأخر مدري ايش عنده
وانا جالس لحالي وهموم الدنيا كلها راكبتني من راسي لساسي
_يعني مانتقابل الا بالمستشفيات
التفت للصوت كان تركي ابتسمت كان معه اخوه الصغير الي كان مريض
استغربت ايش الي جابه لهذا المستشفي
قمت من مكاني وسلمت عليه جلس عالكرسي وحط اخوه علي رجوله اشر لي اجلس جنبه لأني كنت واقف اطالع فيه زي الأهبل هههههههههه
سألني ايش الي جابك هنا سلامات مين المريض ,,
ابتسمت _ عمي تعب شوي بس الحين هو الحمد لله بخير
وسألته _ وانت سلاماات ايش الي جايبك هنا
ضحك _ والله واحد اعرفه قالو لي انه صار له حادث و تنوم هنا بس جيت اسئل عنه قالو انه ماعندهم واحد بذا الأسم وتوني خارج وشفتك جالس
ضحكت عليه من قلبي
ضربني بشويش علي كتفي_ ليش تضحك ,, سكت شوي _ الا عمك منو الي كان معك هذاك اليوم ولا ؟
رديت عليه _ لا لا هذا عمي اخو ابوي
قام من مكانه _ يا الله دامني جاي والنيه اني ازور مريض خلني ازور عمك واخذ الأجر ,,,, ضحك _ الظاهر جيتي كلها عشان اشوفك وازور عمك
ابتسمت _ ايه حياااك ياالغالي
رحنا لعمي وجلس تركي عنده تقريبا ربع ساعه ابوي حب تركي لشخصيته الجذابه ونفسيته الحلوه
وتركي حب ابوي وعمي وجا جابر ولد عمي واخوي محمد جلسو معه واخذو رقمه حتي يتواصلون معه
خرج تركي من عند عمي ومشيت معه وصلته لين سيارته وهناك طلب مني اني ازوره ببيته بأي وقت كان قد اعطاني عنوان بيته ورقمه الخاص وعدته اني ازوره بالقريب
,,,,,,,,,,,,,,,,
وانا راجع البيت اتصل فيني وليد كان
كان يتكلم بصوت خافت سألته ايش فيه
طلب مني اني اجي البيت لأن يوسف تعبان ووده يروح المستشفي
خفت اكثر وبسرعه طرت يم بيته وانا ادعي الله انه يكون بخير والتعب الي يحس فيه بسيط او دلع
وصلت البيت
وقلبي بيطلع من مكانه
دقيت الجرس محد رد علي جلست اخبط بالباب مثل المجنون في النهايه فتحت لي الخدامه والله كان ودي اكمخها بس ماكنت فايق لها
سألتها عن يوسف قالت انه بغرفته ووليد عنده تطمنت شوي
وصعدت الجرس
دخلت غرفته كان يوسف نائم عالسرير ووليد جالس عنده اول مشافني فز من مكانه ووقف
ابتسمت قربت منه سلمت عليه وطالعت بيوسف الي كان التعب واضع عليه
سألت وليد عنه
طالع فيني ومارد علي
تنهدت وجلست بجانب يوسف حاولت اصحيه لكنه كان نائم اومغمي عليه
اتصلت بسعد وطلبت منه انه يجي يعاين يوسف حسيته ماوده يجي يوم عرف ان المريض يوسف عصبت منه هو طبيب المفروض انه يحط الخلافات الشخصيه علي جنب
,,,,,,,,,,,,,,,
قفلت من سعد وطالعت بوليد كنت معصب واعتقد ان وليد حس ( ههههههههه
فأنهار
_ الله يخليك لا تضربني انا كنت بمنعه لكنه هو اخذ الحبوب من دون ما ادري
وجلس يبكي
حاولت استوعب الي قاله توه
قمت من مكاني طالعت فيه بحده ومسكته من جكيته بقوه _ هيه انت ايش تقول عن اي حبوب تتكلم
غطي وجهه بيديه مثل الأطفال ( ياعيني عليه هههههههه
_ مدري حبوب منومه او مهدئه مدري تهئ تهئ تهئ
دفيته عالجدر ورجعت ليوسف اخذت اهزه بقوه قلت يمكن يصحي لكن لاحياة لمن تنادي
خفت يكون راحة بغيبوبه
قمت بسرعه شلته بين يدي ونزلت فيه الدرج بسرعه وليد نزل ورايا وهو يطلب مني اني انتبه لدرج صرخت فيه صرخه
خلته ينشل وقف مكانه وماتحرك
نزلت اخر الدرج الطويل طالعت فيه
_ يعني ايش تنتظر حظرتك تعال انزل افتح الباب ياحمار
كنت معصب وخايف علي يوسف لا يكون صار فيه شي
,,,,,,,,,,,,, ’’’’’’’’’’’’’’
وصلت المستشفي وانا قلبي بيوقف من الخوف علي يوسف
الطوارئ كان مره زحمه نزلت وطلبت منهم نقاله ليوسف وشرحت لهم الوضع وبسرعه تجاوبو معي
دخلوه غرفه العمليات بسرعه وبدون اي نقاش كانت حالته جدا سيئه
والدكتور اتصل بالشرطه لأن الي حصل محاوله انتحار ؟؟
,,,,,,,,,,,,,,
حاولت استوعب الي صار وليش يوسف عمل كده تذكرت اتصاله بالليل اكيد كانت حالته النفسيه سيئه هذاك الوقت
تمنيت لو اني كنت صاحي ورديت عليه بس خلاص شنو يفيد الندم بذا الوقت الحرج
وانا جالس احوس بالممر رايح جاي والخوف مالي قلبي المتعب
ووليد جالس عالكرسي ويهز رجليه من القلق والتوتر
_ سلاماااااات استاذ ناصر ايش صاير
التفت لمصدر الصوت يا الله كانت الممرضه الي اسرت قلبي واقفه قدامي وهذه المره كانت احلي من اول
تلعثمت وحاولت استجمع شتات نفسي نزلت راسي واخذت احك شعري المفلفل ( ههههههه
_ لا بس صاحبي تعبان وهو بالعمليات ادعي له يا اختي ( غبي اختي هههه مسوي فيها محترم
تنهدت _ ايه الله يقومه بالسلامه
وقبل ماتروح وتمضي بطريقها تسألت هي ليش هنا بذا المستشفي ؟
ناديتها _ اختي لو سمحتي ممكن سؤال؟
التفتت لي بأبتسامه مريحه اسرت قلبي الجريح ( اخص ياشيخ قلب متعب وجريح مصار قلب ذا !
_ هو انتي ليش هنا بالمستشفي مو كنتي هناااك
ابتسمت اكثر _ ايه انا متدربه توني ماتوضفت يعين تلاقيني هنا وهناااك
وقبل لا ارد عليها واتميلح ههههه جو رجلين وكانو من الشرطه ومعهم الدكتور الي اتصل فيهم شفته يأشر علي
ويكلمهم رحت يمهم بعد ما استئذنت من الممرضه الجميله ههههههه
طلبو مني اني ارافقهم لين المكتب المعد لهذه الحالات
جلسو يحققون معي وايش صار ومدري ايش وكيف حدث هذا ولماذا وانا كنت اجيب بلا ادري
,,,,,,,,,,,,,,,,,,

[وفاء 66]

شكرا علي الرد الجميل

وان شاء الله تحوز الروايه علي اعجابكم