تعبت وتعبت نفسيتي

[عــبير]

عندي اسئله او بالمعني الصحيح مشكله

وهي الدورة منقطعة عني من سنوات طويله
والسبب اني تعرض لموقف خوفني وافزعني كثير لدرجة كنت اصرخ بلا شعور ووقتها كانت على الدورة الشهرية
من بعدها صارت تقطع عندي لين انقطعت نهائي اول الامر لم اخبر احد بالامر حتى امي لكن بعد فترة علمتها ورحت انا وياها للمستشفي وجلسة قراب سنة ونصف وانا اتعالج بالابر والحبوب وكل الاشاعات سليمة مافيها شي
تركت المستشفي والادوية ورجعت انقطعت ثاني
صارت تغيب شهور وسنين وتجي فجئه وتنتظم شهرين ومن ثم تختفي ثاني ولان منقطعه نهائي
تعبت وتعبت نفسيتي رحت طب شعبي وخذت علاجات لكن لم تنزل صرت اتهرب من موضوع الزواج اذا احد تقدم لخطبتي مابغي اتزوج وانا بذي الحاله خايفة وشايفته صعب
والمشكله وزني زاد وصار يضايقني ومو نافع وياي الرجيم ماخليت رجيم ولا عشبه الاجربتها لكن الشكوى لله مابليد حيله
مادري ياهل ترا يكون فيه حل بيوم من الايام او انه خلاص هذا قدري ونصيبي اعيش كذا

[سنـاعيس]

غاليتي مادري والله وش اقولك لانه ماعندي خبره بهالاشياء ولا اقدر اوصفلك شي منيب متاكده منه
لكن الواضح من كلامك سبب انقطاعها الموقف اللي تعرضتي له وعل حسب كلامك ماخليتي شي الا جربتيه مستشفيات او طب شعبي وكل شي سليم ولله الحمد ..
طيب يالغلا ليه ماتروحي للمشايخ وتتعلاجي بالرقيه الشرعية ؟

أسأل المولى عز وجل أن يشفيك شفاءا لا يغادره سقما وأن يحقق كل ما سألته
و أسأل الله أن ييسر لك الحال ويفرج عنك كل هم ويرفع عنك كل باس

[حواء زوجها]

انا نفس وضعك الدوره اللحين ماجاتني من 14/9 والمفروض تيجيني كل 28 يوم لاني تعرضت لصدمه عصبيه شديده جدا وقت نزولها ولانزلت الى الان لكن سبحان الله جدتي قالت لي اشربي كوبين بردقوش في اليوم لما تصحين كوب ولما تناميين كوب يعني حطي ملعقه شاي في كوب ماء مغلي واتركيه 10 دقائق بعدين صفيه واشربيه بدون تحليه سويتها لي 3 ايام وسبحان الله بدئت الالام الدوره ونزل مني نقاط دم فنصيحه اشربي بردقوش وريحي نفسك لا عاد تفكرين فيها انسيها وهي بتنزل ان شاء الله وادعي لي اذا نزلت لك بالذريه الصالحه والتوفيق في الدراسه

[عــبير]

هلا وغلا فيكم يالغاليات ومشكورات على المرور والرد

اختي النشمية يارب يسعد قلبك وينور دربك على ذا الدعاء الحلو ويارب الله يسمع منك ان شاءالله

بخصوص العلاج بالرقية الشرعية لا والله مارحت للمشايخ سبحان الله اتردد ماقدرت اروح رغم ولله الحمد قايمة بفروضي واقرا القران واصوم التطوع لكن ماقدرت اروح دوم فيه شي يمنعني واتردد حاولت كذا مره لكن الله ماكتب اروح

اختي حواء تسلمين ع الرد ياغالية
والله ماخليت شي شربت البردقوش والحبه السودا والقرفه لكن مادري ش سوات
الام الدورة تجيني كل شهر نفس المها اسفل البطن والظهر لكن ماتنزل
الحمدالله على كل حال والله اني عايشة ومتوكله على الله اذا نزلت خير وبركه واذا لا الشكوى لله
يارب يحقق لك كل مبتغي ويرزقك باذرية الصالحة يارب