السلام عليكم ورحمه الله وبركاته
كيفكم يابنات ان شاء الله بخير
انا جديده بينكم
وحبيت اشارك باول مشاركه لي هنا لأفيد من يعاني
من نفس المشكله اللي كانت معي َوالي اعتبرتها كابوس بنسبه لي
الا وهو
( كسر الغده الدرقيه )
كان عندي كسر بسيط كما قال الدكتور
طبعاَ مادري وين احط الموضوع فقلت مافي الا هنا
واذا مكانه غلط ماعليكم امر تنقلونه لمكان الصحيح ليه
تدرون جديده ولا ادري عن الاقسام ^^
-
خواتيَ انا كنت من احد البنات المصابات فيه
تجربتي ساضعها لكم لافيد كل بنت او سيده مصابه به
والحمدلله على شفاء التام الذي انعمني به
واتمنى من الله ان يديم شفائي وشفائكم وارجو الدعاء لي والتوفيق والسداد
ولا ابغى غير الدعوه الصادق من قلوبكم
----
انا كنت مصابه به والحمد الله الذي شفاني منه
كان من اعراض هذا انكسار الغدة الدرقيه
الخمول
الكسل
الاكتئاب
التعرق اليدين
تكسير في جسم بالكامل
ارهاق
وصداع
------------
الطريقه اللي راح اقولكم عنها حتى الدكتور
اليوم استغرب بقوه بعد نتيجه التحليل الدم وسالني ثلاث مرات مو متاكد
من سرعه شفاء هكذا
سالني
انتي اكلت علاجَ للغدة الدرقيه !!!
قلت لا
قال ! ولا استخدميه لو شهر ؟؟؟
قلت لا !
قال : كيف كذا .؟ سليم متاكده ماصرفتي اي علاج للغده !!!!
قلت لا
بعدين قلت انا استخدمت عشبه
قال الغده ماشاء الله تبارك الله
عندك الان تمام وممتاز الحمدلله ولا يحتاج ابدا لعلاج
ومعدله طبيعه ومافيه ابدا اي انكسار مثل تحليل الي قبل
وتحليلك هذا ممتاز وسليم 100%
وماشاء الله مافيك غده الان والغده سليمه ومعافاه
وجدا ممتاز معدل طبيعي و استمري عليه
اللهم لك الحمد والشكر
والله يابنات اني فرحانه حتى احس
اني اليوم الارض ماهي شايلتني من الفرحه
،،
ادري ان طولت عليكم
انا سمعت اني في بنات يستخدمون علاج حبوب جرعة 100 الثروكسين
لتنشيط الغده الدرقيه راح اقول لها نصيحه اتركيه ولا تاكلين منه لو حبه
لان مايفيد بسرعه وطولين سنين عليه
واستمري فقط على القسط الهندي علاج فعال 100% من تجربيتي الخاصه
الطريقه
اشتريت بمقدار الكيلو ( قسط هندي بحري ) الي يجي لون كالاخضر
الي ريحته كان زريبة غنم هههههههههههههههههههههه
والله انا اول مااكلت كنت اقول لامي كذا
المهم بعد ماتشترون الكيلو
تاخذين علبه متوسطه وتحطين فيها قسط الهندي البحر لين يمتلي
انا كنت اخذ ( علبة الجبن السائل ابو 8 ريال ) تقريبا هذا حجمه
وامليء ملي من القسط الهندي لين يعبي واقفله واحطه بالدولاب المطبخ
وكل مايخلص اعبيه من جديد
وان جيبت بأخذ منه
اخذ بنص الملعقه لان ملعقه كامله تكون مر علي واستفرغه
ونص ملعقه بالمويه يروح ولا احس فيه
اول مااخذ نص ملعقه واحط في فمي على طول اشرب موي وراه ولا اتطعمه لان مر
ويروح
طبعا اول ماتستعملونه راح يكون مر عليكم بس بعد ماتتعودون بنص ملعقه ومويه يهوون
امره وعادي تتقبلونه مع 4 رابع مره تستخدمونه
طبعا
الناس يقولون يستخدمونه 3 واللي يقول 4 واللي يقول بعد كل صلاه
،
انا بس استخدمه مرتين باليوم
الظهر تقريبا - والليل
استمريت فيه شهرتقريبا ثم تركته لان مليت منه
ثم قررت ان ارجع ليه واستمر اقل شي 4 شهور
والايام تمر بسرعه وماتحسين فيه
وفعلا قررت
استخدمه واستخدمته يوميا مرتين لمده اربع اشهر تماماً مع شهر الي قبل استخدمته وتركته
يكون 5 شهور
وبعد مارحت لدكتور
وطلب تحليل ظهر النتيجه اليوم وبعد خمس اشهر فقط
تم شفائه منه ولله الحمد وصار تحليل ممتاز ولله الحمد ومعدل الغده الدرقيه طبيعي
هذا تجربتي وحبيت افيد البنات والسيدات لان كثيرات مصابات فيه
واتمنى ان اي بنت فيه انكسار تعتمد على الله
وتؤمن فيه انه راح تشفى باذنه
وانا امنت به وتيقنت من شفاء به وامنت بقول الرسول الله صل الله عليه وسلم
عندما قال
عليكم بهذا العود الهندي فإنَّ فيه سبعة أشفية : يسعط به من العذرة ، ويلدُّ به من ذات الجنب"رواه البخاري
اللهم لك الحمد والشكر على شفائي واتمنى لكل مصابه الشفاء العاجل
دعواتكم لي
اي اسئله انا بالخدمه
رد مع اقتباس
مواقع النشر