آلْسٍسُلـِآمُ عِلْيَڪّمُ ؤرحّمُـہ آلْلٍـہ ؤبرڪّآتـہ
لا تمادى بالخطأ .. وتقول مـن [ بـاب الميانـه ]
ما أختلفنا .. هي ميانة .. بس ما هي كـل حيـن
كـان قصـدك بالتمـادي .. ودك أذوق [ الإهـانـه ]
والله لتبطي وتبطي .. مـا خضـع لـك هالجبيـن
وكانك تدوّر سبـب .. لأجـل المفـارق والخيانـه
إبتعد عني .. ولاني ناشدك .. رايـح .. لـ/ ويـن
من يبي فرقاي في [ حفظ الكريم ] وفـي أمانـه
ما التفت له لو يصد .. أيام .. وشهور .. وسنيـن
وأنت لو قصدك كذا .. فـ/ أرحل ترى مالـك مكانـه
صد عني .. وإنتبه .. لا عاد ترجع .. لـو تليـن
رد قلبـي .. يـوم[ قلبـك ] ماحفـظ ودي وصانـه
بادلك بالحب .. لكـن مـا لقـى قلـب(ن) يعيـن
رد قلبـي .. دام قلبـك ماعطانـي مـن [ حنـانـه ]
ما عرفت تصون حبي .. ولاعرفـت تحـب زيـن
لاتظن قـلبي .. عقب ما خنـت بـه مالـه مكَانـه
والله إنك لاجرحته .. ومـا شكـى جـور السنيـن
ولاتظن حالي عقب[ فرقـاك ].. يُرثـى فـي زمانـه
ما .. / شكيـت الحـال ولابيّحـت سدي والكنيـن
لاتحسب إني بـ/ دونـك عيشتـي [ عيشـه مُهانـه ]
والله إني ماحسبت حسـاب .. شـوق ولا حنيـن
أبكيه انا [ اخوي ] ليا من صـد .. خليتـه فـي شأنـه
كيف عاد اللي .. ما يربطني معه حبـل(ن) متيـن
عشت في وقـتي .. عزيز النفس ماعـرف الليانـه
شامخ(ن) .. مايرتخي رأسـي .. ولايمكـن يلين
من شراني إشتريته .. وصنـت عهـده والأمانـه
عادتي ما أخون عهد الحب .. وما أخـون [ اليميـن ]
ومن يبي فرقاي .. في حفظ الكريم .. وفي أمانـه
ما التفت له لو يصد .. أيام .. وشهور .. وسنيـن
وإنتبه[ تخطي علـي ].. / وتعتـذر لـي بالميانـه
ما أختلفنا .. هي ميـانة .. بس ما هي كل حين ..؟
مما رااق لي ..~|
رد مع اقتباس
مواقع النشر