بسم الله الرحمن الرحيم
السلام عليكم ورحمة الله وبركاته
هذه طريقهكبسه معموله برز ابو بنت ماخذه طريقتها من اخت غاليه في منتدى ثاني ( انوشه ) جزاها الله كل خير
والدجاج عملته بأكياس لوك حقت الفرن
هذه الصور في الاول ومعليش ما صورتها بالخطوات
اول شي الدجاجه
المقادير:-
دجاجه كامله
شرايح ليمون
ثوم مقطع شرايح
خلطه مكونه من ( صلصه + زيت زيتون +ثوم + كمون + فلفل اسود + ملح + بهارات مشكله ) ممكن تزيدين الملح على حسب الرغبه
بعد ماننظف الدجاجه ندهنها بالخلطه بكل مكان حتى بين الجلد نفصله شوي عن اللحم وندخل الخلطه في وسطها ..
برضو ندخل شرايح الليمون بين الجلد وجوا الدجاجه والثوم كذالك
ونحطها بالصينيه مع مكعبات من البطاطس او اي خضار تحبينه
وندخلها الفرن .. تاخذ ساعه ونص بالفرن طبعا لانغطيها خليها كذا
بعد مرور كل ثلث ساعه نفتح الفرن وناخذ من الدهن تبعها ونصبه فوق الدجاجه يساعدها ماتكون ناشفه وتيّبس..
بعد ماستوت مره طريه
( انا هنا اختصرت الطريقه وحطيتها بكيس لوك ودخلتها الفرن )
نجي للرز
المقادير:-
كاس رز ابو بنت او ابو سيوف .. او اي رز قصير الحبه ومدبدب منقوع ساعه
2 بصله مقطعه جوانح .. نحمسها بزيت لين يكون لونه بني زي بصل الكشنه
لاحظي كل ماغمقتي لون البصل راح يأثر بلون الرز ,,
بعد مايزين البصل نحطه بالخلاط مع زيته طبعا وشوي مويه
وملعقه كبيره صلصه وفصين كبار ثوم وحبه ماجي
جزر مقطع دوائر ماتكون نحيفه مره ولا سميكه
طماطه مقطعه اربعه
عود قرفه وليمون اسود وقرن فلفل
الطريقه :-
ناخذ الخلطه الي عملنها بالخلاط .. ونحطها في قدر ونشغل النار عليها
نضيف القرفه والليمون والجزر والطماط ونخلط
نبهرهم بـ فلفل اسود وكمون وبهار مشكل وملح وهيل ومسمار
نضيف الرز ونحركهم شوي نزيد المويه بكميه مناسبه للرز
واتركيه ع النار لحد مايستوي ..
وقدميه مع الدجاجه ..
مواقع النشر