كلية الغاليه بالفن مفهوم ** تعطي شهادة تفوق وأفتخاري
تدرس بها اللي عليها القلب ماسوم ** العمر عشرين والزين اختياري
جسمٍ وسط ماعليه خيار معلوم ** أحبها بس أخاف تحب غاري
لو تطلب القلب قلت أخذيه مقدوم ** أعرف مقره معك سارح وساري
مرهون حبك وتحت ارضاك محكوم ** رهن الأشاره معك ليلي نهاري
اكيد بعض الغرام احلا من النوم **حتى لو النوم مفروضٍ جباري
الحب معروف فيه افراح واهموم **اشكال والوان وافكار وطواري
حلو المقابل يخلي الضيق معدوم ** مع من يحبك ولا احد عنه داري
روحين متوافقه في سر وعلوم ** مافرقوها مكثرة الهذاري
هي غاية الذوق جوف الصدر مكتوم ** ياعارفين الهواء مافيه زاري
كلٍ حبيبه معه بالقلب مرسوم ** يدق مع دقته بالدم جاري
وان ماحصل له وكاد الضيق ملزوم ** غصبٍ عليه الطفش مهما يداري
مع دورة الفكر طول الليل واليوم ** محدٍ يلومه ولوصار انتحاري
يرسل عليه الغرام أمال واسهوم ** وان قابل اللي يبي صارت سفاري
حبٍ من القلب يبقى دايم الدوم **لا يمكن انه كما الحب التجاري
خذها هدية وخل الحب مقسوم ** الراي لك والوفاء والاختياري
مواقع النشر