مكرونه عمايل ايديا " بالــ ص ــور " علشان عيونكم
حبايبي واخواتي جبتلكوا طريقه سهله وجميله
لعمايل المكرونه في البيت .
والله كان طعنها احلي واجمل من المكرونات الجاهزة
عموماً جربيها وشوفي الفرق بنفسك .
* نيجي للمقادير : المقادير دي تعمل طبق واحد كبير وهي عبارة عن :-
1 كوب دقيق + 1 بيضه + 1 ملعقه كبيره زيت + ماء للعجن + رشة ملح
- نحط كل المقادير علي بعض ماعدا الماء نحط شويه شويه .
* هتلاقي العجينه ابتدت تفرفت منك ابتدي حطي الماء واعجنيها ولو لزقت في ايديكي العجينه اغسلي ايديكي ونشفيها كويس هتلاقي العجينه اتلمت معاكي كويس .
اعجني العجينه شويه لحد ما لونها يفتح
* سيبيها ترتاح نصف ساعه وبعدين رشي دقيق علي الرخامه وافرديها رفيعه جدا .
* دي شكل القطاعه اللي استخدمتها لو مش عندك استخدمي سكينه رفيعه .
* وابتدي قطعي .
* بصي بقي شكلها ازاي .
* تكوني مجهزة ماء بيغلي علي النار وفيه ملح وزيت وحطي المكرونه وقلبيها لحد ما تستوي " مش هتاخد اكتر من 3 او 4 دقايق بس " .
* جهزي طبق تحت الحنفيه واول ما تستوي المكرونه حطيها تحت الماء الجاري بسرعه علشان ما تلزقش .
* اعمليلها الصلصه اللي بتفضليها وقدميها بالهنا والشفا 000
* انا عملتها بصلصة الطماطم وقدمت معاها بطاطس وفراخ فريسكس .
اتفضلوا معانا
وبالف هنا وشفا
اتمني انكوا تجربوها وتقولولي رأيكم ايه
احترامي وتقديري لكل بنات المنتدي الكريم
اختكم // أم أحمــــــد
رد مع اقتباس
مواقع النشر