الفارع اللي جابت لراسي الشيب
.. .. .. احبــها و اخــــاف ربـي يهـديـهـا
خـايف تطـوع ثم تعرف المـواجيب
.. .. .. ولا عــاد بتجـيـني ولا عـاد اجيهـا
الله يستــرهــا بسـتـره عن العـيب
.. .. .. الا مــعـي .. الله لا يسـتـر عليـهـا
لفت و دارت قبـل لا امسـك يـديها
ولا استحاش المخلوق قام ايتلفت
و ضمتنـي و قالت : درو والديها
ماصارحوها بشي بس استشفت
وارخيت راسي منصدم من حكيها
و دمعة فرح كــانت بعينـي وجفت
و تضحك تكـابر و البكاء مبتليها
بتهـون الـموضـوع قبــل ايـتزفت
وشلون اواسيها وانا ابكي عليها
وشلون ابضحك والعواذل تشفت
قالت : فمان الله ، وانا قلت فيها
بـيـتٍ يتـيـمٍ يـوم .. دارت وقـفت :
الفـرحه اللـي .. حزنها مقتفيها
تشبه عقيـمٍ يومها اضنـت توفت
قـل للهنـوف اللي تغـطت من ايام .. .. ..
ما نيب ناسـي وجههـا لين اشيّب
وخمر الكلام اللي تصبه من العام .. .. ..
للحين يسـري فـي عروقـي واغيّب
وعلى العهد ببقى لها طول الاعوام .. .. ..
مادام باقـي فالعـرب .. قلب طيّب
|
مواقع النشر