انا عارفة انى مزوداها مع الجمبرى بس اعمل ايه؟؟ مدمنة جمبرى ممكن أأزأزه زى اللب والسودانى
وعشان كده تلاقونى ماشاء الله (مفسفرة) يعنى مليانة فوسفور هههههههههه بانور فى الضلمة ههههههه
بيقولوا عليه كشك او شركسية وبيقولوا اصله عثمانى او تركى بس انا من يوم مااتولدت وانا اعرفه عندنا فى مصر
المقادير والطريقة:
**1/3 كاس ارز ينقع فى ماء عادى 4-8 ساعات حتى يبوش تماما
**نشوح الجمبرى حتى يجف ماؤه بدون اضافة شيئ
**نبشر بصلة ناعم ونضيفها للجمبرى ونقلبها معاه حتى تذبل مع اضافة فلفل اسود وملح (ممكن اضافة مكعب ماجى بس انا مابافضلهاش)
**نضيف 1 كاس ماء ونتركه يغلى غلوتين (كده عملنا شوربة الجمبرى)
**نضيف الارز ونتركه يغلى مع الشوربة حتى يهرس تماما ويختفى فى الشوربة
**1 علبة لبن زبادى + 1 ملعقة كبيرة دقيق (طحين) يخلطوا جيدا ونتركهم يخمروا 10-15 دقيقة
**يضاف خليط الزبادى والدقيق للشوربة مع التقليب المستمر حتى يغلظ القوام (يكون وسط) وترفع من على النار
مواقع النشر