اشيائي الخاصة2 _مشاركتي بمسابقة ابدعي وتميزي بقسم الجمال

[ذكريات غرام]

السلام عليكم و رحمة الله و بركاته
رجعتلكم من جديد بموضوع اتمنى ان يلاقي اعجابكم
طبعا ما عندي الا اشيائي اصورها و انزلها هنا
لكن بجد اتمنى تعجبكم و تستفيدو منو

الشئ الاول

طبعا هادا كريم مرطب للجسم مرررة روعة من الصيدلية تلاقوه حتى ريحتو تجنن ^^ اسمو جرجنز

الشي التاني

مزيل عرق بيزيلين طبعا شفت وحدة من الا فيلو و انو يفتح المنطقة و مررة عجبني و على قد مدحها و بيض الابط

الشي التالت

غسوول للمنطقة الخاصة امممم ما احس لو ريحة حلوة زي الديتول او شي زي كدا عموما هوا منضف و مطهر للمنطقة الخاصة و انا بستمر عليه الين ما يخلص و اشوف اجيب زيو و لا اغير
اسمو GYNORRESH

الشي الرابع

منضف للخشم و في منو للخشم و الوجه عموما هوا زي اللصقات تحطيه على خشمك او وجهك بعد ما تببليه بالموية و تخليه عشرة دقايق و تشيليه يا تطلع بلاوي ..انا استخدمو كل شهر عشان البلاوي تطلع مزبوط .. اسمو لصقات التنضيف العميق << بيوريه

الشي الخامس

هادا الشي ارسلت اخويا الصيدلية قلتلو جيب لي مقشر للوجه اسمو بيجانورم راح جبلي دا قلتلو انا قلت مقشر بيجانورم مو دا قال ما لقيت و اداني دا قال مررة ممتاز منظف و مقشر بطعم المشمش ليا 3 ايام جالسة عليه امم و حسيبت ينعم الوجه و انشاء الله استمر علييه الين ما ينضف وجهي تماما ... اسمو منضف مشمش <<<<بيوسكين كير

الشي السادس

اسكنول بس دي المرة بالخيار .. خلص حقي الي بالليمون قلت كل مررة بالليمون خليني اغير و اجيب بالخيار و مرررة ممتاز عموما انا احب دا المنتج لانو ينضف مررة كويس ...

الشي السابع

امممم شامبو للجسم من بدي شووب LOVE IT'Sريحتو ممتازة جاني هدية هوا و عطرو

و الشي التامن

طبعا بما اني مسوية رجيم و كدا حركات يعني عشان اصير رشيقة ..قررت فنفس الوقت اعمل سبورت و انحف و اسوي ليدي لانو فيها تشققات من السمنة و فكرت اجيب الجهاز حق التشقق بس بعد ما انحف شوية يصير اسويها مع بعض و الاقي نتايج طبعا هادا الشي بنكهة زبدة الكاكاو حتى الصورة الي عليها حرمة حامل عقبال ما احطو فحملي و ان شاء الله يشيل التشققات يا رب

خلصنا اشياء الجسم نجي للعطور

العطر الاول

عطر لارا من العربية للعود مرررررررررررررررة حلوة ريحتو و احسها قريبة من ريحة بلاك ايسيس

العطر التاني

من بدوي شووب عطر LOVE IT'S

و العطر التالت

عطر كوكو شانيل هدية بابتي حبيب قلبي الله لا يحرمني منو و تعتبر من احلى الهدايا حتى ريحتو برضو تجنن و تحسي نفسك كدا واااو و يا رب تعيش و تجيب غيرها

و اتمنى على قد ما تعبت في الموضوع يعجبكم و ما تحرموني من ردودكم و اللايك تبعكم
و اتنضرو جديدي فا القادم اجمل باذن الله

اوووووووووووووه نسيت شي
ادعوولي اهم شي اني انحف و الله يثبت وزني على 55 و ادعولي بالزوج الصالح و العيال الصالحين ما ننحرم من دعواتكم في ضهر الغيب
تحياتي : حكاية غرام
و لن اسامح او احلل من ينقل الموضوع و ينسبه الى اسمه لاني و الله تعبت و انا اسويه

[دنياي بدونك عذا]

يسلمووواختي على موضوعك الرائع

[ذكريات غرام]

العفو حبيبتي نورتيني ^^

[الجودها]

ماشاء الله تبارك الرحمن

اشياءك جدا حلووووووووووووووووة وتعني اعتناءك بنفسك الله يزيدك جمالا

ويرزقك بالزوج الصالح والذرية الصالحة

وتستاهلين التقيييييييم ان سمح لي ميزانك

موفقة غلاتي

مميز