مسيكن بالخير ياحبيباتي
كل عام والجميع بألف خير ماكنك بكرتي ياام حبلوص خخخخخ
تحدثنا في الجزء الاول ( تخيلت شكلي معيدة في الجامعة ) بتبطين
المهم قلت لكم في الجزء الاول كيف عيال اختي معذبيني ومقلقيني
في حياتي طبعا انا استخدم معهم هالاسلوب
2 ت + 5 خ = ع اس 100 واللي مايفهم في الرموز الحبلوصية
نعلميه يعني أيت تــــــدمير واي خـــراب يساوي اضعافه عـــقاب
انا ولله الحمد من النوع الهادي جدا فديتو بس ركزوا الله يرضى عليكم على الـ بس هاذي... بس اذا وصلت حدي خلالالالالالالالاص وخرواعن طريقي ماافرق بين امي وعمة جدتي انا مااحبذ ضرب الاطفال الابرياء اصلا ماعاد فيه ابرياء بس يلا نعتبرهم من الابرياء المهم انا مااضرب كثير اصارخ صح بس ضرب نادر بس اذا ضربت الله لايوريكم يقوم المضروب يتلوى امامي من شدة الضرب اول شي انا اعطي تنبيهات وانذارات قبل ماافقد اعصابي اعقلي يابنت اهجد ياولد اغراضي لاتخربونها ترى اذا صار فيها شي ياويلكم ترى اذا قمت ماعينتوا خيركأني اكلم جدار سبحان الله بعدين يبدأ العد التصاعدي واااااااااااااحد اثنييييييييييييييين ثاااااااااااا لالالالالالالالالا ( ثة ) ما اقولها اصلا مايمدي خلاص البركان انفجر بعدين يطلع المارد المتحبلص في داخلي ويفرد عضلاته ويكشر عن انيابه ويزأر ذيك الزأرة التي تزلزل اركان البيت فيفرون من امامي كما تفر الغزلان من الاسد انا ولله الحمد والمنه من ذوات القوام الممشوق مما ساعدني على سرعة مطاردة الفرائس كنت سابقا من اصحاب الاوزان الثقيلة بس الحمد لله نحفنا مالكم في الطويلة اقوم مثل ماقلت بمطاردة المثيرين للشغب مايدري الواحد منهم الا جايته ضربة ع القفا مايبي الا هي والبنوتات معطة شعر معتبرة ولا قرصة ع الماشي تجيني بعدها دعوة من ست الحبايب الله يهديها عاد امي كلش ولا احفادها ماتحب احد يضربهم تبون الصراحة يجيني تانيب ضمير بس وش اسوي يرفعون ضغط الواحد
ولا اذا تجمعوا عندي في المطبخ وانا اقوم باعداد الطعام يووووووووه اكره عمري وبالذات اذا جيت اقلي الا يلزقون خشومهم في المقلاة وخروا لايحرقهم الزيت يااوادم صم بكم سبحان الله ولا ياخذون سكاكين وينحاشون بها مدري وش المتعة والمرح اللي بتعود عليهم فرضا طاحوا ودخلت السكين في عيونهم لا قدر الله ولا جرحتهم والبيالات تخصص عاد مايشربون مويه الا فيها عشان الدرج قريب منهم مانسمع الا قزاز متكسر وتجينا الشغالة شايلة البزر المصاب
ولا يتعضون ابداااااااا واذا خلصوا من الكاسات ولا الملاعق مايرجعونها في المطبخ لا يرمونها في الحديقة جنب النخلة انا اتوقع بيجي يوم ونحصد كاسات وملاعق ويمكن ثريات من يدري
بنات انا قررت اسوي اعلان في الجريدة بكتب مطلوب زوج لايدخن حامت تسبدتي من العيشة عندهم ماعاد ابي لاابو حبلوص ولا الاهبل ولده كم لي سنه احتريهم والله العظيم البنيت اعرسن وانا واقفه على اطلاله
انا بسمي ولدي الجاي ان شاء الله لؤي ولا الوليد بن طلال والله الثاني اكشخ واوجه بعد ام الوليد بن طلال والله اسم ملكي
( ماجبتي شي جديد )
من اليوم يابنات انا ام الوليد بن طلال اساسا اسمها منى نفس اسمي يمكن انها انا وش دراكم انتم قايله لكم قبل انا من الاسرة المالكة وعندي حسابات في البنك خخخخخ
ترقبو الجزء الثالث
تحياتي
ام الوليد بن طلال
مواقع النشر