{ قَصِّر على الصوت همسة إحساس }
يا زين ياللي تنــادي بعــالي الـصـوت
قــصـر على الصـــوت تراني اســمـعه
حبيبك له ثـلاث أيـام ما هتـنى بالقـوت
وثـلاث لـيــال ما نــام ولا جـفت ادمـعه
قف دونـــك ولا تعــدى والزم السـكـوت
ولا تكــون مثـل حـمــام الـورق تفجــعه
أنا اشهـد إن الـبردان ما يـدفيـه كـوت
وأيضاً ما تـدفيه ام العيـون الـمـبرقـعه
وما يـدفـيه إلا بالحـــزن رفــع الصـوت
يظـهر ونـين بالقـلب تســمع له قـــرقـعه
بعـــدها يـشتــهي كل شـئ ما يفــوت
ويرى الجمال بعينه وشئ ربي شــرعه
يا محمد تلاحق ولد عمك حمد لايمـوت
صـدف قلبه غــزال في الروض مـرْبَعَه
شـمال الحـسـاء فــره فــرة الريمـوت
حب سـماء عسى الله يوصله ما يقطعه
كِنْ اسمه على القلب من سنين منحـوت
لا تلومه إلى قال ماهتنى في مضجـعه
يا ابوفيصل الغزال لي بصورة منعوت
قـد قيـل خـلـفه بالحـسن خـشف يتبـعه
الشـعر كستنائي على الكتفـين مفـلوت
والوجه شبه القمر اليا ظهر من مخدعه
العين وسيعة بها سحر هاروت وماروت
والخــشم لـمـعة الـسـيف في مــطـلـعه
مورد الوجـنات تعـداه الهـرج الممــقوت
والثـغـر باسـم به جـــمر القـضـاء ولعه
يحـمي عسله الصـافي دواء الـمكـبوت
وثمـان كما حب الـبرد باللؤلؤ مرصعه
والنحــر يسـحر العينـين كنه اليـاقــوت
اليـا لد النـظر فيـه ما ودك عــنه ترفـعه
والصدر رمانتينه الكف بينهم ما يفـوت
تجـلت قـدرة الصـانع جـمـاله ما أروعه
هو بنى له قـصر بالقـلب وغــيره ابيوت
ياالله عسى أخلاقه عالية بالذكر تنفـعه
صلوا على نبينا محمد عد حمل التـوت
وإعـــــــداد ثمــار كل الـعــالم تجــمـعه
الشاعر/ حمد بن فهد المخالدة السبيعي
رد مع اقتباس
مواقع النشر